ಹೈದರಾಬಾದ್ (ತೆಲಂಗಾಣ): ಸಿಬಿಐ ಹೆಸರಲ್ಲಿ ನಕಲಿ ಅಧಿಕಾರಿಗಳ ದಾಳಿ ನಡೆಸಿ ಅರ್ಧ ಗಂಟೆಯೊಳಗೆ 1,340 ಗ್ರಾಂ ಚಿನ್ನಾಭರಣ, 50 ಸಾವಿರ ರೂಪಾಯಿ ನಗದು ದೋಚಿ ಪರಾರಿಯಾಗಿರುವ ಘಟನೆ ತೆಲಂಗಾಣದ ಹೈದರಾಬಾದ್ನ ಗಚ್ಚಿಬೌಲಿ ಪ್ರದೇಶದಲ್ಲಿ ನಡೆದಿದೆ.
ಅಪಾರ್ಟ್‌ಮೆಂಟ್ನಲ್ಲಿ ಸಿಬಿಐ ಹೆಸರಲ್ಲಿ ನಕಲಿ ಅಧಿಕಾರಿಗಳ ದಾಳಿ
ಗಚ್ಚಿಬೌಲಿಯಲ್ಲಿರುವ ಆರೆಂಜ್ ಕೌಂಟಿ ಅಪಾರ್ಟ್‌ಮೆಂಟ್ನಲ್ಲಿ ಭುವನಾ ತೇಜ ಇನ್ಫ್ರಾ ಡೆವಲಪರ್ಸ್ ಮಾಲೀಕ ಸುಬ್ರಮಣ್ಯಂ ಅವರು ವಾಸಿಸುವ ಫ್ಲಾಟ್ ಸಂಖ್ಯೆ 110ಕ್ಕೆ ನಕಲಿ ಸಿಬಿಐ ಅಧಿಕಾರಿಗಳು ನುಗ್ಗಿದ್ದಾರೆ. ಮೊದಲು ಸುಬ್ರಮಣ್ಯಂ ಹಾಗೂ ಅವರ ಕುಟುಂಬ ಸದಸ್ಯರ ಬಳಿ ಇದ್ದ ಮೊಬೈಲ್ ಫೋನ್ಗಳನ್ನು ವಶಪಡಿಸಿಕೊಂಡ ಕಿರಾತಕರು, ಚಿನ್ನಾಭರಣ, ನಗದು ಲೂಟಿ ಮಾಡಿ ಅಲ್ಲಿಂದ ಕಾಲ್ಕಿತ್ತಿದ್ದಾರೆ.
ಇದನ್ನೂ ಓದಿ: ಕಾರಿನಲ್ಲಿ ಹಿಂಬಾಲಿಸಿ ಯುವತಿಯೊಂದಿಗೆ ಅಸಭ್ಯ ವರ್ತನೆ : ಆರೋಪಿ ಅರೆಸ್ಟ್!
ಅನುಮಾನಗೊಂಡ ಸುಬ್ರಮಣ್ಯಂ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಸ್ಥಳಕ್ಕೆ ಆಗಮಿಸಿ ಸಿಸಿಟಿವಿ ದೃಶ್ಯಾವಳಿಗಳನ್ನು ಪೊಲೀಸರು ಪರಿಶೀಲಿಸಿದ್ದು, ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
