ಅಮರಾವತಿ (ಆಂಧ್ರ ಪ್ರದೇಶ): ಆಂಧ್ರ ಪ್ರದೇಶದ ಕೃಷ್ಣಾ ಜಿಲ್ಲೆಯಲ್ಲಿ ವಿವಾಹೇತರ ಸಂಬಂಧದ ಹಿನ್ನೆಲೆಯಲ್ಲಿ ಸಾಫ್ಟ್‌ವೇರ್ ಉದ್ಯೋಗಿಯೊಬ್ಬರ ಕೊಲೆ ನಡೆದಿದೆ. ಇದರ ಪ್ರಕರಣದ ರಾಜಿ ಮಾಡಲು ಇಳಿದಾಗ ಮತ್ತೊಂದು ಹತ್ಯೆ ಮಾಡಲಾಗಿದೆ. ಈ ಕೃತ್ಯದಲ್ಲಿ ಭಾಗಿಯಾಗಿದ ಇಬ್ಬರು ಪೊಲೀಸ್ ಅಧಿಕಾರಿಗಳ ತಲೆದಂಡವಾಗಿದೆ.
ಕೃಷ್ಣಾ ಜಿಲ್ಲೆಯ ತೊಟ್ಲವಲ್ಲೂರು ಮಂಡಲದ ಚಗಂಟಿಪಡು ಉಪನಗರದಲ್ಲಿ ಜುಲೈ 26ರಂದು ಸಾಫ್ಟ್‌ವೇರ್ ಉದ್ಯೋಗಿ ಗಾಡಿಕೊಯ್ಯ ಶ್ರೀನಿವಾಸ ರೆಡ್ಡಿ (38) ಎಂಬುವವರ ಕೊಲೆಯಾಗಿತ್ತು. ಶ್ರೀನಿವಾಸ ರೆಡ್ಡಿಯ ಬಾಲ್ಯ ಸ್ನೇಹಿತ ಅಲ್ಲಾವರಿಪಾಲೆಂನ ಶ್ರೀಕಾಂತ್ ರೆಡ್ಡಿ ಈ ಕೊಲೆ ಮಾಡಿದ್ದರು.
ಆರೋಪಿ ಶ್ರೀಕಾಂತ್ ರೆಡ್ಡಿ ಕೃಷಿ ಮಾಡುತ್ತಿದ್ದು, ಅದೇ ಗ್ರಾಮದ ಮಿಥುನಾ ಅಲಿಯಾಸ್ ಜ್ಯೋತಿ ಎಂಬಾಕೆಯೊಂದಿಗೆ ವಿವಾಹೇತರ ಸಂಬಂಧ ಹೊಂದಿದ್ದರು. ಆದರೆ, ಈ ವಿಷಯ ತಿಳಿದ ಶ್ರೀನಿವಾಸ ರೆಡ್ಡಿ ಮಿಥುನಾರಿಗೆ ಬುದ್ಧಿ ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಮಿಥುನಾ ಶ್ರೀಕಾಂತ್ ರೆಡ್ಡಿಯನ್ನು ದೂರ ಇಟ್ಟಿದ್ದರು. ಮಿಥುನಾ ದೂರವಾಗಿರುವ ಹಿಂದಿನ ಸತ್ಯ ತಿಳಿದ ಶ್ರೀಕಾಂತ್ ರೆಡ್ಡಿ ತನ್ನ ಸ್ನೇಹಿತ ಶ್ರೀನಿವಾಸ ರೆಡ್ಡಿಯನ್ನು ಕೊಲೆ ಮಾಡಿದ್ದರು. ಬಳಿಕ ಮಿಥುನಾರನ್ನು ಕರೆದುಕೊಂಡು ಶ್ರೀಕಾಂತ್ ರೆಡ್ಡಿ ಓಡಿ ಹೋಗಿದ್ದರು. ಆದರೆ, ಶ್ರೀನಿವಾಸ ರೆಡ್ಡಿ ಕೊಲೆ ಪ್ರಕರಣವನ್ನು ಬೆನ್ನಟ್ಟಿದ್ದ ಪೊಲೀಸರು, ಶ್ರೀಕಾಂತ್ ರೆಡ್ಡಿ ಮತ್ತು ಮಿಥುನಾ ಅವರನ್ನು ಬಂಧಿಸಿದ್ದರು.
ರಾಜೀ ಮಾಡಲು ನಡೆದಿತ್ತು ತಂತ್ರ: ಶ್ರೀನಿವಾಸ ರೆಡ್ಡಿ ಕೊಲೆ ಪ್ರಕರಣವನ್ನು ಇತ್ಯರ್ಥಪಡಿಸಲು ಮತ್ತು ರಾಜಿ ಮಾಡಿಕೊಳ್ಳಲು ನರೇಂದ್ರರೆಡ್ಡಿ ಎಂಬುವವರು ಮಧ್ಯಸ್ಥಿಕೆ ವಹಿಸಲು ಮುಂದಾಗಿದ್ದರು. ಈ ಕುರಿತು ಆರೋಪಿಯ ತಂದೆಯನ್ನು ಸಂಪರ್ಕಿಸಿದ್ದ ನರೇಂದ್ರರೆಡ್ಡಿ, ಪೊಲೀಸರು ಹಾಗೂ ಮೃತನ ಕುಟುಂಬದ ಸದಸ್ಯರೊಂದಿಗೆ ಮಾತನಾಡುವುದಾಗಿ ತಿಳಿಸಿದ್ದರು.
ಅಂತೆಯೇ, ಪ್ರಕರಣದ ತನಿಖೆ ನಡೆಸುತ್ತಿದ್ದ ಸಿಐನೊಂದಿಗೆ ಮೊದಲ ಕಂತಿನಲ್ಲಿ 22 ಲಕ್ಷ ರೂ. ನೀಡಲು ಮಾತುಕತೆ ಮಾಡಿದ್ದರು. ಜೊತೆಗೆ ಸಿಐಗೆ ನರೇಂದ್ರರೆಡ್ಡಿ ಹಣವನ್ನೂ ನೀಡಿದ್ದರು. ಈ ಮಧ್ಯೆ ಅದೇ ಗ್ರಾಮದ ಪುಚ್ಚಕಾಯಲ ಶ್ರೀನಿವಾಸ ರೆಡ್ಡಿ ಎಂಬುವರಿಗೆ ಈ ವಿಷಯ ತಿಳಿದು ರಿಮಾಂಡ್‌ನಲ್ಲಿರುವ ಆರೋಪಿಯನ್ನು ಭೇಟಿಯಾಗಿದ್ದಾರೆ. ಆಗ 22 ಲಕ್ಷ ಬದಲಿಗೆ ಕೇವಲ 20 ಲಕ್ಷಕ್ಕೆ ರಾಜಿ ಮಾಡಿಕೊಳ್ಳುವುದಾಗಿ ಈ ಶ್ರೀನಿವಾಸ ರೆಡ್ಡಿ ಹೇಳಿದ್ದಾರೆ.
ಇದನ್ನು ಗ್ರಹಿಸಿದ ನರೇಂದ್ರರೆಡ್ಡಿ, ಪಚ್ಚಕಾಯಾಲ ಶ್ರೀನಿವಾಸ ರೆಡ್ಡಿ ತನ್ನ ಡೀಲ್ಗೆ ಅಡ್ಡಿಯಾಗುತ್ತಿದ್ದಾನೆ ಎಂದು ಅರಿತಿದ್ದಾರೆ. ಹೀಗಾಗಿಯೇ ಶ್ರೀನಿವಾಸ ರೆಡ್ಡಿಯನ್ನು ಕೊಲೆ ಮಾಡಲು ನರೇಂದ್ರರೆಡ್ಡಿ ಯೋಜನೆ ಸಿದ್ಧಪಡಿಸಿದ್ದಾರೆ. ಅಂತೆಯೇ ಸೆ.20ರ ರಾತ್ರಿ ಶ್ರೀನಿವಾಸ ರೆಡ್ಡಿಗೆ ಡೀಲ್ ಬಗ್ಗೆ ಮಾತನಾಡೋಣ ಎಂದು ಹೇಳಿ ಕರೆದುಕೊಂಡು ಹೋಗಿದ್ದಾರೆ. ಆಗ ಇಬ್ಬರು ನಡುವೆ ಮಾತಿಗೆ ಮಾತು ಬೆಳೆದಿದೆ. ಈ ವೇಳೆ ತನ್ನ ಪ್ಲಾನ್ನಂತೆಯೇ ನರೇಂದ್ರ ರೆಡ್ಡಿಯು ತನ್ನೊಂದಿಗೆ ತಂದಿದ್ದ ನಾಯಿ ಸರವನ್ನು ಶ್ರೀನಿವಾಸ ರೆಡ್ಡಿಗೆ ನೇಣು ಬಿಗಿದು ಹತ್ಯೆ ಮಾಡಿದ್ದಾರೆ.
ಗುಂಡಿಯಲ್ಲಿ ಶವ ಕೂತ ಕಿರಾತಕ: ಇತ್ತ, ಜೆಸಿಬಿ ಯುವಕನೊಂದಿಗೆ ಮೊದಲೇ ಮಾಡಿದ್ದ ನರೇಂದ್ರರೆಡ್ಡಿ ಕೆರೆಯಲ್ಲಿ ಗುಂಡಿ ತೋಡಿ ರೆಡಿ ಇರುವಂತೆ ತಿಳಿಸಿದ್ದರು. ಹಾಗೆ ಶ್ರೀನಿವಾಸ ರೆಡ್ಡಿ ಶವವನ್ನು ತಂದು ಆತ್ಕೂರಿನ ಉಪನಗರವಾದ ಬಲಿಪರ್ರು ಗ್ರಾಮಕ್ಕೆ ತಂದು ಹೂಳಲಾಗಿತ್ತು. ಇದಾದ ನಂತರ ಈ ಶ್ರೀನಿವಾಸ ರೆಡ್ಡಿ ಹತ್ಯೆಯ ವಿಷಯ ಹೊರಬಿದ್ದಿದೆ. ಸ್ಥಳಕ್ಕಾಗಮಿಸಿದ ಆತ್ಕೂರಿನ ಪೊಲೀಸರು ಆರೋಪಿ ನರೇಂದ್ರರೆಡ್ಡಿ ಹಾಗೂ ಇತರ ಮೂವರು ಸಹಚರರನ್ನು ಬಂಧಿಸಿದ್ದಾರೆ.
ವಿಚಾರಣೆ ವೇಳೆ ಹೊರಬಿದ್ದ ಅಸಲಿ ಸತ್ಯ: ಆತ್ಕೂರು ಪೊಲೀಸರು ನರೇಂದ್ರ ರೆಡ್ಡಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದರು. ಆಗ ಸಾಫ್ಟ್‌ವೇರ್ ಉದ್ಯೋಗಿ ಶ್ರೀನಿವಾಸ ರೆಡ್ಡಿ ಕೊಲೆಯ ಪ್ರಕರಣದ ರಾಜೀ ವಿಷಯ ಬಯಲಾಗಿದೆ. ಅಲ್ಲದೇ, ಸಿಐಗೆ ರೂ. 22 ಲಕ್ಷ ರೂ. ನೀಡಿರುವ ವಿಷಯವನ್ನೂ ನರೇಂದ್ರ ರೆಡ್ಡಿ ತನಿಖೆಯಲ್ಲಿ ಬಹಿರಂಗಪಡಿಸಿದ್ದಾರೆ. ಈ ವಿಷಯವನ್ನು ಆತ್ಕೂರು ಪೊಲೀಸರು ಕೃಷ್ಣಾ ಎಸ್ಪಿ ಅವರ ಗಮನಕ್ಕೆ ತಂದಿದ್ದಾರೆ. ಸಾಫ್ಟ್‌ವೇರ್ ಉದ್ಯೋಗಿ ಹತ್ಯೆ ಪ್ರಕರಣದಲ್ಲಿ ಬೇಜವಾಬ್ದಾರಿ ವರ್ತನೆ ತೋರಿದ ಎಸ್ಐ ಹಾಗೂ ಸಿಐ ಅವರನ್ನು ವಜಾ ಮಾಡಲಾಗಿದೆ.
ಅಲ್ಲದೇ, ಈ ಪ್ರಕರಣದ ತನಿಖೆಯ ಹೊಣೆಯನ್ನು ಹೆಚ್ಚುವರಿ ಎಸ್ಪಿಗೆ ವಹಿಸಲಾಗಿದೆ. ಆರೋಪಿಗಳು ಪೊಲೀಸರಿಗೆ ಹಣ ಕೊಟ್ಟಿದ್ದು ಹೇಗೆ?. ಆರೋಪಿಗಳ ನಡುವಿನ ವಹಿವಾಟು ಹೇಗೆ ನಡೆದಿದೆ ಎಂಬ ಹೆಚ್ಚುವರಿ ತನಿಖೆ ನಡೆಸಿದ್ದು, ಇದರಲ್ಲಿ ಬ್ಯಾಂಕ್ ವಹಿವಾಟು ನಿರ್ಣಾಯಕವಾಗಿದೆ. ಈ ಪ್ರಕರಣದಲ್ಲಿ ಇನ್ನೂ ಕೆಲ ಪೊಲೀಸರಿಗೆ ಭಾಗಿಯಾಗಿರುವ ಸಾಧ್ಯತೆಯೂ ಇದೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: ಚಿಕ್ಕಬಳ್ಳಾಪುರ: ಕುಡಿದ ಅಮಲಿನಲ್ಲಿ ಸ್ನೇಹಿತನ ಕತ್ತು ಕೊಯ್ದು ಹತ್ಯೆ
