ದೆಹಲಿ ಸಮೀಪದ ಫರಿದಾಬಾದ್‌ನಲ್ಲಿ 3.1 ತೀವ್ರತೆಯ ಭೂಕಂಪನ

ದೆಹಲಿ ಸಮೀಪದ ಫರಿದಾಬಾದ್‌ನಲ್ಲಿ ಇಂದು ಭೂಕಂಪನ ಸಂಭವಿಸಿದೆ.

ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿ ಮತ್ತು ಹರಿಯಾಣದ ಫರಿದಾಬಾದ್‌ನಲ್ಲಿ ಭಾನುವಾರ ಭೂಕಂಪನದ ಅನುಭವವಾಗಿದೆ. ಫರಿದಾಬಾದ್‌ನಲ್ಲಿ ಸಂಜೆ 4.08ರ ಸುಮಾರಿಗೆ ರಿಕ್ಟರ್​ ಮಾಪಕದಲ್ಲಿ 3.1ರಷ್ಟು ತೀವ್ರತೆಯ ಕಂಪನ ದಾಖಲಾಗಿದೆ ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ ತಿಳಿಸಿದೆ.

• "Earthquake of Magnitude:3.1, Occurred on 15-10-2023, 16:08:16 IST, Lat: 28.41 & Long: 77.41, Depth: 10 Km ,Location: 9km E of Faridabad, Haryana, India," posts @NCS_Earthquake. pic.twitter.com/6aF2GPZuxc

  — Press Trust of India (@PTI_News) October 15, 2023 " class="align-text-top noRightClick twitterSection" data="

  "Earthquake of Magnitude:3.1, Occurred on 15-10-2023, 16:08:16 IST, Lat: 28.41 & Long: 77.41, Depth: 10 Km ,Location: 9km E of Faridabad, Haryana, India," posts @NCS_Earthquake. pic.twitter.com/6aF2GPZuxc

  — Press Trust of India (@PTI_News) October 15, 2023

  ">

  "Earthquake of Magnitude:3.1, Occurred on 15-10-2023, 16:08:16 IST, Lat: 28.41 & Long: 77.41, Depth: 10 Km ,Location: 9km E of Faridabad, Haryana, India," posts @NCS_Earthquake. pic.twitter.com/6aF2GPZuxc

  — Press Trust of India (@PTI_News) October 15, 2023

ಭೂಕಂಪನದ ಕೇಂದ್ರ ಬಿಂದು ಫರಿದಾಬಾದ್‌ನಿಂದ 9 ಕಿಲೋಮೀಟರ್ ಪೂರ್ವಕ್ಕೆ ಮತ್ತು ದೆಹಲಿಯಿಂದ 30 ಕಿಲೋಮೀಟರ್ ಆಗ್ನೇಯದಲ್ಲಿತ್ತು. 10 ಕಿಲೋ ಆಳದಲ್ಲಿ ಭೂಕಂಪನದ ಬಿಂದು ಇದೆ ಎಂದು ಭೂಕಂಪಶಾಸ್ತ್ರ ಕೇಂದ್ರ ಮಾಹಿತಿ ನೀಡಿದೆ. ಭೂಮಿ ನಡುಗಿದ ಕೂಡಲೇ ಜನರಲ್ಲಿ ಭೀತಿ ಉಂಟಾಗಿತ್ತು. ದೆಹಲಿ ಮತ್ತು ರಾಷ್ಟ್ರೀಯ ರಾಜಧಾನಿ ಪ್ರದೇಶದಲ್ಲಿ (ಎನ್​ಸಿ​ಆರ್) ಪೀಠೋಪಕರಣಗಳ ತೀವ್ರವಾಗಿ ಅಲುಗಾಡಲು ಆರಂಭಿಸಿತು ಎಂದು ವರದಿಯಾಗಿದೆ.

ವಸತಿ ಕಟ್ಟಡಗಳಿಂದ ಜನರು ಹೊರ ಓಡಿ ಬರುತ್ತಿರುವ ದೃಶ್ಯಗಳನ್ನು ಅನೇಕ ಸಾಮಾಜಿಕ ಜಾಲತಾಣ ಬಳಕೆದಾರರು ಹಂಚಿಕೊಂಡಿದ್ದಾರೆ. ಮಧ್ಯಾಹ್ನದ ಹೊತ್ತು ಮಲಗಿದ್ದರೂ ಭೂಮಿ ನಡುಗಿದ ಅನುಭವದಿಂದ ದಿಢೀರ್​ ಎಚ್ಚರಗೊಂಡಿದ್ದಾರೆ. ''ನಾನು ಮಲಗಿದ್ದೆ. ಏಕಾಏಕಿ ಯಾರೋ ನನ್ನ ಬೆಡ್​ ಮೇಲೆ ಹತ್ತಿದ ಭಾಸವಾಯಿತು. ಇದರಿಂದ ಎಚ್ಚರವಾಗದಾಲೇ ಭೂಮಿ ಕಂಪಿಸಿದ್ದು ಅರಿವಿಗೆ ಬಂತು. ನನ್ನ ಕೊಠಡಿಯಲ್ಲಿನ ಫ್ಯಾನ್​ ಹಾಗೂ ವಿದ್ಯುತ್ ದೀಪ ಅಲುಗಾಡುತ್ತಿತ್ತು'' ಎಂದು ನೋಯ್ಡಾದ ನಿವಾಸಿ ಅಶ್ವಿನ್ ಸೆಕ್ಸೇನಾ ತಿಳಿಸಿದರು.

ಜನಸಂದಣಿ ಪ್ರದೇಶದಲ್ಲಿ ಭೂಮಿ ಕಂಪಿಸಿದ ಅನುಭವ ಉಂಟಾಗಿದೆ. ಗ್ರೇಟರ್​ ನೋಯ್ಡಾದಲ್ಲಿ ನಡೆಯುತ್ತಿರುವ ಇಂಡಿಯಾ ಏಕ್ಸ್​ಪೋ ಮಾರ್ಟ್​ನಲ್ಲಿ ಪಾಲ್ಗೊಂಡಿದ್ದ ಸಂಗೀತಾ ಶರ್ಮಾ, ''ಎಕ್ಸ್​ಪೋ ಪ್ರದರ್ಶನದ ಮಾಳಿಗೆಯಲ್ಲಿ ನನಗೆ ನಡುಗಿದ ಅನುಭವವಾಯಿತು. ನನ್ನ ಸಮೀಪದಲ್ಲಿರುವ ಕೆಲವರು ಹೊರಗಿನ ಇತರ ಚಟುವಟಿಕೆಗಳ ಕಾರಣದಿಂದ ಆ ರೀತಿ ಆಗಿರಬಹುದು ಎಂದು ಹೇಳಿದರು. ಆದರೆ, ಬಳಿಕ ನಮಗೆ ಇದು ಭೂಕಂಪ ಎಂಬ ಮಾಹಿತಿ ಸಿಕ್ತು'' ಎಂದರು.

ಇದನ್ನೂ ಓದಿ: ನೇಪಾಳದಲ್ಲಿ 6.2 ತೀವ್ರತೆಯ ಭೂಕಂಪನ: ದೆಹಲಿ, ನೋಯ್ಡಾದಲ್ಲೂ ನಡುಗಿದ ಭೂಮಿ

ಕಳೆದ 15 ದಿನಗಳಲ್ಲಿ ದೆಹಲಿ ಸುತ್ತಮತ್ತಲು ಉಂಟಾದ ಎರಡನೇ ಭೂಕಂಪನ ಇದಾಗಿದೆ. ಈ ಹಿಂದೆ ಅಕ್ಟೋಬರ್​ 3ರಂದು ದೆಹಲಿ, ಎನ್​ಸಿಆರ್, ಉತ್ತರ ಪ್ರದೇಶ, ಉತ್ತರಾಖಂಡ​, ಪಂಜಾಬ್ ಸೇರಿ ಉತ್ತರ ಭಾರತದ ಹಲವೆಡೆಯೂ ಭೂಮಿ ನಡುಗಿತ್ತು. ನೆರೆಯ ನೇಪಾಳದಲ್ಲಿ 6.2ರಷ್ಟು ಭೂಕಂಪನ ಸಂಭವಿಸಿದ ನಂತರ ಈ ಕಂಪನದ ಅನುಭವವಾಗಿತ್ತು.

ಏಕಾಏಕಿ ಭೂಮಿ ನಡುಗಿದ ಕಾರಣ ಕಚೇರಿಗಳು ಹಾಗೂ ಎತ್ತರ ಕಟ್ಟಡಗಳಲ್ಲಿ ನೆಲೆಸಿದ್ದವರು ಹೊರಗಡೆ ಓಡಿ ಬಂದಿದ್ದರು. ದೆಹಲಿಯ ನಿರ್ಮಾಣ ಭವನದಲ್ಲಿದ್ದ ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ಹಾಗೂ ಅಧಿಕಾರಿಗಳು ತಾವಿದ್ದ ಕಟ್ಟಡದಿಂದ ಹೊರಗೆ ಧಾವಿಸಿದ್ದರು. ಉತ್ತರಾಖಂಡ ರಾಜಧಾನಿ ಡೆಹ್ರಾಡೂನ್​ನಲ್ಲಿ ಸಚಿವಾಲಯದ ಕಟ್ಟಡದಲ್ಲಿದ್ದ ಅಧಿಕಾರಿಗಳು ಕೂಡ ದೌಡಾಯಿಸಿದ್ದರು. ಉತ್ತರ ಪ್ರದೇಶದ ಲಖನೌದಲ್ಲಿ ಜನತೆ ಸಹ ಕಟ್ಟಡಗಳಿಂದ ಹೊರಗೆ ಓಡಿ ಬಂದಿದ್ದರು.

ಇದನ್ನೂ ಓದಿ: ಹಿಮಾಲಯದ ತಪ್ಪಲಿನಲ್ಲಿರುವ ಉತ್ತರಾಖಂಡ್​ದಲ್ಲಿ ಸಂಭವಿಸುವ ಭೂಕಂಪನಗಳು ದೆಹಲಿಗೂ ಅಪಾಯ: ಸಣ್ಣ ಕಂಪನಗಳೇ ಎಚ್ಚರಿಕೆಯ ಮುನ್ಸೂಚನೆಗಳು!