ಜಮುಯಿ(ಬಿಹಾರ): ಬಿಹಾರದಲ್ಲಿ ಮದ್ಯ ನಿಷೇಧ ಕಾನೂನು ಜಾರಿಯಲ್ಲಿದೆ. ಮದ್ಯವನ್ನು ಕುಡಿಯಲು ಅಥವಾ ಮಾರಾಟ ಮಾಡಲು ಅವಕಾಶವಿಲ್ಲ. ಆದರೆ, ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ವೈರಲ್ ಆಗುವ ಅನೇಕ ಫೋಟೋ ವಿಡಿಯೋಗಳು ಹಲವು ಅನುಮಾನಗಳಿಗೆ ಎಡೆಮಾಡಿಕೊಡುತ್ತದೆ. ಅಕ್ರಮ ಮದ್ಯ ಸಾಗಣೆ, ಸ್ಥಳೀಯ ಮದ್ಯ ಉತ್ಪಾದನೆಯ ಶಂಕೆ ಇದೆ. ಈ ವಿಷಯದ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ಇದರ ನಡುವೆ ಮದ್ಯದ ಅಮಲಿನಲ್ಲಿ ಕುಡುಕನ ಪರದಾಟದ ವಿಡಿಯೋ ಇದೀಗ ಸಖತ್ ವೈರಲ್ ಆಗಿದೆ.
ಬಿಹಾರ ಜಮುಯಿ ಪ್ರದೇಶದಲ್ಲಿ ಕುಡುಕನೊಬ್ಬ ಮದ್ಯದ ಅಮಲಿನಲ್ಲಿ ನೃತ್ಯ ಮಾಡುತ್ತಿರುವ, ತನ್ನ ಸೈಕಲ್ ಅನ್ನು ಚಲಾಯಿಸಲು ಯತ್ನಿಸಿ ಪರದಾಟ ನಡೆಸುತ್ತಿರುವ ಜೊತೆಗೆ ಕೆಲ ಹೊತ್ತು ಅಲ್ಲೇ ಮಲಗಿ ಮತ್ತೆ ಎದ್ದು ಅಮಲಿನಲ್ಲೇ ವಾಲಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ.
ಸೈಕಲ್ನಲ್ಲಿ ಹೋಗಲು ಯತ್ನಿಸುತ್ತಿರುವುದು, ಕೆಲವೊಮ್ಮೆ ಸೈಕಲ್ ಅನ್ನು ಎತ್ತುತ್ತಿರುವುದು, ಕೆಲವೊಮ್ಮೆ ನೆಲದಿಂದ ಮೇಲೇಳಲು ಪ್ರಯತ್ನಿಸುತ್ತಿರುವುದು, ಸೈಕಲ್ ಸರಪಳಿ ಸರಿಪಡಿಸುತ್ತಿರುವುದು, ಸೈಕಲ್ ಸ್ಟ್ಯಾಂಡ್ನೊಂದಿಗೂ ಏನೋ ಮಾಡುತ್ತಿರುವ ದೃಶ್ಯಗಳು ವಿಡಿಯೋದಲ್ಲಿ ಕಂಡು ಬಂದಿದೆ.
ಇದನ್ನೂ ಓದಿ: ಸಿನಿಮಾ ನೋಡಲು ತೆರಳುತ್ತಿದ್ದ ಮೂವರು ಬಾಲಕರ ಮೇಲೆ ಹಲ್ಲೆ, ದರೋಡೆ ಯತ್ನ
ಈ ಕುಡುಕನ ಪರದಾಟ ಒಂದೂವರೆ ಗಂಟೆಗಳ ಕಾಲ ನಡೆದಿದೆ. ಜಮುಯಿ ಟೌನ್ ಪೊಲೀಸ್ ಠಾಣೆ ವ್ಯಾಪ್ತಿಯಿಂದ ನೂರು ಮೀಟರ್ ದೂರದಲ್ಲಿರುವ ಜಮುಯಿ ಲಖಿಸರಾಯ್ ರಸ್ತೆಯಲ್ಲಿ ಈ ದೃಶ್ಯ ಕಂಡು ಬಂದಿದೆ.
