ಪುಣೆ (ಮಹಾರಾಷ್ಟ್ರ): ಪಿಂಪ್ರಿ-ಚಿಂಚ್ವಾಡ್ ಮಾರ್ಗ ಮಧ್ಯೆ ಬಸ್ನಲ್ಲಿ ಬೆಂಕಿ ಕಾಣಿಸಿತ್ತು. ನಗರದ ದಾಪೋಡಿ ಸೇತುವೆ ಮೇಲೆ ಪಿಎಂಪಿಎಂಎಲ್ ಬಸ್ಗೆ ಇದ್ದಕ್ಕಿದ್ದಂತೆ ಬೆಂಕಿ ಹೊತ್ತಿಕೊಂಡಿತ್ತು. ಸಮಯ ಪ್ರಜ್ಞೆಯಿಂದ ಚಾಲಕ 30 ಪ್ರಯಾಣಿಕರ ಜೀವ ರಕ್ಷಣೆ ಮಾಡಿದ್ದಾರೆ.
ಮಾಹಿತಿಯ ಪ್ರಕಾರ, ಪಿಂಪಲ್ ಗುರವ್ನಿಂದ ಪುಣೆ ಕಡೆಗೆ ಹೋಗುತ್ತಿದ್ದ ಬಸ್ನ ಇಂಜಿನ್ನಿಂದ ಇದ್ದಕ್ಕಿದ್ದಂತೆ ಹೊಗೆ ಹೊರ ಬರಲು ಆರಂಭಿಸಿದೆ. ಇದನ್ನು ಕಂಡ ಚಾಲಕ ಲಕ್ಷ್ಮಣ್ ಹಜಾರೆ ಕೂಡಲೇ ಬಸ್ ನಿಲ್ಲಿಸಿದ್ದಾರೆ.
ಅಲ್ಲದೇ, ಎಲ್ಲ ಪ್ರಯಾಣಿಕರಿಗೂ ಬಸ್ನಿಂದ ಕೆಳಗಿಳಿಯುವಂತೆ ಹೇಳಿದ್ದಾರೆ. ನಂತರ ಬಸ್ಗೆ ತೀವ್ರವಾಗಿ ಬೆಂಕಿ ತಗುಲಿದ್ದು, ಹೊತ್ತಿ ಉರಿದಿದೆ. ಇಂದು ಬೆಳಗ್ಗೆ 11 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ.
ರಹತ್ನಿ ಮತ್ತು ಪಿಂಪ್ರಿ ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ಬೆಂಕಿ ನಂದಿಸಿದ್ದಾರೆ. ಆದರೆ, ಬಸ್ನ ಮುಂಭಾಗ ಸಂಪೂರ್ಣ ಸುಟ್ಟು ಭಸ್ಮವಾಗಿದೆ. ಈ ಬಗ್ಗೆ ಅಗ್ನಿಶಾಮಕ ದಳದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
