ಬಾಹ್ಯಾಕಾಶ ಮಿಲಿಟರೀಕರಣ: ನಾಸಾ ಆರೋಪ ನಿರಾಕರಿಸಿದ ಚೀನಾ

ಅಮೆರಿಕದ ಬಾಹ್ಯಾಕಾಶ ಸಂಸ್ಥೆಯ ಮುಖ್ಯಸ್ಥರಾಗಿರುವ ನೆಲ್ಸನ್ ಅವರು ಶನಿವಾರ ಪ್ರಕಟವಾಗುವ ಜರ್ಮನ್ ಪತ್ರಿಕೆ ಬಿಲ್ಡ್‌ಗೆ ನೀಡಿದ ಸಂದರ್ಶನದಲ್ಲಿ ಚೀನಾದ ಬಾಹ್ಯಾಕಾಶ ಮಹತ್ವಾಕಾಂಕ್ಷೆಗಳ ಬಗ್ಗೆ ಚಿಂತಿತರಾಗಿದ್ದೇವೆ ಎಂದು ಹೇಳಿದ್ದರು. ಇದಕ್ಕೆ ಚೀನಾ ಪ್ರತ್ಯತ್ತರ ನೀಡಿದೆ.

ನವದೆಹಲಿ: ರಾಷ್ಟ್ರೀಯ ವೈಮಾನಿಕ ಮತ್ತು ಬಾಹ್ಯಾಕಾಶ ಆಡಳಿತದ (ನಾಸಾ) ಮುಖ್ಯಸ್ಥರು ಮಾಡಿದ ಆರೋಪಗಳಿಗೆ ಚೀನಾ ಟೀಕಾ ಪ್ರಹಾರ ನಡೆಸಿದೆ. ಮಿಲಿಟರಿ ಬಾಹ್ಯಾಕಾಶ ಕಾರ್ಯಕ್ರಮದ ಭಾಗವಾಗಿ ಚೀನಾ ಚಂದ್ರನನ್ನು ಸ್ವಾಧೀನಪಡಿಸಿಕೊಳ್ಳಬಹುದು ಎಂದು ನಾಸಾ ಮುಖ್ಯಸ್ಥರು ಹೇಳಿದ್ದರು.

ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರ ಝಾವೋ ಲಿಜಿಯಾನ್ ಸುದ್ದಿಗಾರರೊಂದಿಗೆ ಮಾತನಾಡಿ, ನಾಸಾ ನಿರ್ವಾಹಕ ಬಿಲ್ ನೆಲ್ಸನ್ ಅವರ ಬೇಜವಾಬ್ದಾರಿ ಟೀಕೆಗಳನ್ನು ಚೀನಾ ದೃಢವಾಗಿ ವಿರೋಧಿಸಿದೆ ಎಂದಿದ್ದಾರೆ.

ಅಮೆರಿಕದ ಬಾಹ್ಯಾಕಾಶ ಸಂಸ್ಥೆಯ ಮುಖ್ಯಸ್ಥರಾಗಿರುವ ನೆಲ್ಸನ್ ಅವರು ಶನಿವಾರ ಪ್ರಕಟವಾದ ಜರ್ಮನ್ ಪತ್ರಿಕೆ ಬಿಲ್ಡ್‌ಗೆ ನೀಡಿದ ಸಂದರ್ಶನದಲ್ಲಿ ಚೀನಾದ ಬಾಹ್ಯಾಕಾಶ ಮಹತ್ವಾಕಾಂಕ್ಷೆಗಳ ಬಗ್ಗೆ ಚಿಂತಿತರಾಗಿದ್ದೇವೆ ಎಂದು ಹೇಳಿದ್ದರು. ಚೀನಾ ಚಂದ್ರನ ಮೇಲೆ ಇಳಿಯುತ್ತಿದೆ 'ಇದು ಈಗ ನಮ್ಮದು ನೀವು ಹೊರಗಿರಿ' ಎಂದು ಬೀಜಿಂಗ್‌ನ ಚಂದ್ರನ ಪರಿಶೋಧನಾ ಯೋಜನೆಗಳನ್ನು ಉಲ್ಲೇಖಿಸಿ ಹೇಳಿದ್ದರು.

ಕಳೆದ ದಶಕದಲ್ಲಿ ತನ್ನ ಬಾಹ್ಯಾಕಾಶ ಕಾರ್ಯಕ್ರಮದ ವೇಗವನ್ನು ಹೆಚ್ಚಿಸಿರುವ ಚೀನಾ, ಚಂದ್ರನ ಅನ್ವೇಷಣೆಯ ಕಡೆ ಹೆಚ್ಚು ಕೇಂದ್ರೀಕರಿಸಿದೆ. ಇದು 2013 ರಲ್ಲಿ ತನ್ನ ಮೊದಲ ಚಂದ್ರನ ಅನ್ಕ್ರೂಡ್ ಲ್ಯಾಂಡಿಂಗ್ ಅನ್ನು ಮಾಡಿತ್ತು. ಈಗ ಚಂದ್ರನ ದಕ್ಷಿಣ ಧ್ರುವಕ್ಕೆ ಸಿಬ್ಬಂದಿ ರಹಿತ ಕಾರ್ಯಾಚರಣೆಗಳನ್ನು ಯೋಜಿಸುತ್ತಿದೆ.

ಯುಎಸ್ ಕಡೆಯವರು ಚೀನಾದ ಸಾಮಾನ್ಯ ಮತ್ತು ಸಮಂಜಸವಾದ ಬಾಹ್ಯಾಕಾಶ ಪ್ರಯತ್ನಗಳ ವಿರುದ್ಧ ನಿರಂತರವಾಗಿ ಅಭಿಯಾನ ನಡೆಸುತ್ತಿದ್ದಾರೆ. ಚೀನಾ ಅಂತಹ ಬೇಜವಾಬ್ದಾರಿ ಟೀಕೆಗಳನ್ನು ದೃಢವಾಗಿ ವಿರೋಧಿಸುತ್ತದೆ ಎಂದು ಝಾವೋ ಹೇಳಿದ್ದಾರೆ.

ಚೀನಾ ಯಾವಾಗಲೂ ಬಾಹ್ಯಾಕಾಶದಲ್ಲಿ ಮಾನವೀಯತೆಯ ಹಂಚಿಕೆಯ ಭವಿಷ್ಯದ ನಿರ್ಮಾಣವನ್ನು ಉತ್ತೇಜಿಸುತ್ತದೆ ಮತ್ತು ಅದರ ಶಸ್ತ್ರಾಸ್ತ್ರೀಕರಣ ಹಾಗೆ ಬಾಹ್ಯಾಕಾಶದಲ್ಲಿ ಯಾವುದೇ ಶಸ್ತ್ರಾಸ್ತ್ರ ಸ್ಪರ್ಧೆಯನ್ನು ವಿರೋಧಿಸುತ್ತದೆ ಎಂದಿದ್ದಾರೆ.

ಇನ್ನು ಆರ್ಟೆಮಿಸ್ ಅಡಿ 2024 ರಲ್ಲಿ ಚಂದ್ರನ ಕಕ್ಷೆಗೆ ಸಿಬ್ಬಂದಿಯನ್ನು ಕಾರ್ಯಾಚರಣೆಗೆ ಕಳುಹಿಸಲು ಮತ್ತು 2025 ರ ವೇಳೆಗೆ ಚಂದ್ರನ ದಕ್ಷಿಣ ಧ್ರುವದ ಬಳಿ ಸಿಬ್ಬಂದಿ ಲ್ಯಾಂಡಿಂಗ್ ಮಾಡಲು ನಾಸಾ ಯೋಜಿಸಿದೆ.

ಆಗಸ್ಟ್ 1 ರಂದು ನೀಡಲಾಗುವ ಚೀನೀ ಮಿಲಿಟರಿಯ ಅತ್ಯುನ್ನತ ಗೌರವಕ್ಕೆ ಹೆಸರುಗಳನ್ನು ನಾಮನಿರ್ದೇಶನ ಮಾಡುತ್ತಿರುವ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ. ನಾಮನಿರ್ದೇಶಿತರಲ್ಲಿ ಚೀನಾದ ಪ್ರಮುಖ ಗಗನಯಾತ್ರಿ ನೀ ಹೈಶೆಂಗ್ ಸೇರಿದ್ದಾರೆ, ಇವರು ಪಿಎಸ್​ಎ ಯ ಸ್ಟ್ರಾಟೆಜಿಕ್ ಸಪೋರ್ಟ್ ಫೋರ್ಸ್ ನಲ್ಲಿ ಪ್ರಮುಖ ಜನರಲ್ ಸಹ ಆಗಿದ್ದಾರೆ.

ರಾಷ್ಟ್ರೀಯ ಸಾರ್ವಭೌಮತ್ವ, ಭದ್ರತೆ ಮತ್ತು ಅಭಿವೃದ್ಧಿ ಹಿತಾಸಕ್ತಿಗಳನ್ನು ಕಾಪಾಡಲು ಮತ್ತು ರಾಷ್ಟ್ರೀಯ ರಕ್ಷಣೆ ಮತ್ತು ಸಶಸ್ತ್ರ ಪಡೆಗಳ ಆಧುನೀಕರಣವನ್ನು ಮುಂದುವರಿಸಲು ಅತ್ಯುತ್ತಮ ಕೊಡುಗೆ ನೀಡಿದ ಮಿಲಿಟರಿ ಸಿಬ್ಬಂದಿಗೆ ಆಗಸ್ಟ್ 1 ರಂದು ಈ ಪದಕವನ್ನು ನೀಡಲಾಗುತ್ತದೆ. 2021 ರಲ್ಲಿ ಮೂರು ಬಾರಿ ಬಾಹ್ಯಾಕಾಶಕ್ಕೆ ಹಾರಿದ್ದ ಇವರು ಬಾಹ್ಯಾಕಾಶದಲ್ಲಿ ಒಟ್ಟು 111 ದಿನಗಳನ್ನು ಕಳೆದಿದ್ದರು. ಅಲ್ಲಿ ಹಲವಾರು ಪ್ರಯೋಗಗಳನ್ನು ನಡೆಸಿದ್ದರು.

ಇದನ್ನೂ ಓದಿ : ಮಗಳ ಮೇಲೆಯೇ ಅತ್ಯಾಚಾರ ಆರೋಪ: ನನ್ನ ಗೌರವ ಹಿಂದಿರುಗಿಸುವವರ‍್ಯಾರು ಎಂದು ಪ್ರಶ್ನಿಸಿದ 'ಮುಗ್ದ' ತಂದೆ?