ಪೊಲೀಸ್ ಬಿಗಿ ಭದ್ರತೆಯಲ್ಲಿ ನಡೆದ ದಲಿತ ಕುಟುಂಬದ ಮದುವೆ: ಡ್ರೋನ್ ಕ್ಯಾಮೆರಾ ಮೂಲಕ ನಿಗಾ..!

ದಲಿತ ಮಧುಮಗಳಿಗೆ ರಕ್ಷಣೆ ನೀಡಿದ ಪೊಲೀಸರು - ಸಂಭಾಲ್‌ನಲ್ಲಿ ರೌಡಿಗಳ ಭಯದಿಂದ ದಲಿತರ ಮಗಳ ಮದುವೆ ಮೆರವಣಿಗೆಗೆ ಪೊಲೀಸ್ ಭದ್ರತೆ - ಡ್ರೋನ್ ಮೂಲಕ ಮದುವೆ ಮೆರವಣಿಗೆ ಮೇಲೆ ನಿಗಾವಹಿಸಿದ ಪೊಲೀಸರು.

ಸಂಭಾಲ್ (ಉತ್ತರ ಪ್ರದೇಶ): ಉತ್ತರ ಪ್ರದೇಶದಲ್ಲಿ ದಲಿತ ಕುಟುಂಬದ ಮಗಳ ಮದುವೆ ಮೆರವಣಿಗೆಯನ್ನು ಪೊಲೀಸ್ ಭದ್ರತೆಯಲ್ಲಿ ನಡೆಯಿತು. ಬಿಗಿ ಭದ್ರತೆಯಿಂದ ಪೊಲೀಸರು, ದಲಿತ ಸಮುದಾಯಯೊಂದರ ಮಧುಮಗಳನ್ನು ಕರೆದುಕೊಂಡು ಬಂದಿದ್ದಾರೆ. ಅಷ್ಟೇ ಅಲ್ಲ, ಪೊಲೀಸರು ಡ್ರೋನ್ ಮೂಲಕ ಮೆರವಣಿಗೆಯ ಮೇಲೆ ಸಂಪೂರ್ಣ ನಿಗಾವಹಿಸಿದ್ದರು. ಆದರೆ, ಪೊಲೀಸರ ಭದ್ರತಾ ವ್ಯವಸ್ಥೆಯಿಂದ ದಲಿತ ಕುಟುಂಬವು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ.

ರೌಡಿಗಳು ಬೆದರಿಕೆ ಹಾಕಿರುವ ಹಿನ್ನೆಲೆ: ಗುನ್ನೂರು ಪೊಲೀಸ್ ಠಾಣಾ ವ್ಯಾಪ್ತಿಯ ಘುಂಗಯ್ಯ ಗ್ರಾಮದಲ್ಲಿ ಪೊಲೀಸ್ ರಕ್ಷಣೆಯ ನಡುವೆ ದಲಿತ ಕುಟುಂಬದ ಮಧುಮಗಳ ಮೆರವಣಿಗೆಯನ್ನು ನಡೆಸಲಾಗಿದೆ. ಈ ಗ್ರಾಮದ ಶೀಲಾ ಎಂಬ ದಲಿತ ಮಹಿಳೆಯೊಬ್ಬರ ಮಗಳ ಮದುವೆ ಮೆರವಣಿಗೆಯನ್ನು ತಡೆದು ರೌಡಿಗಳು ಬೆದರಿಕೆ ಹಾಕಿರುವ ಹಿನ್ನೆಲೆಯಲ್ಲಿ ಪೊಲೀಸರಿಗೆ ರಕ್ಷಣೆ ಕೋರಲಾಗಿತ್ತು. ಫೆಬ್ರವರಿ 7ರಂದು ಅಲಿಗಢ್ ಜಿಲ್ಲೆಯ ಗ್ರಾಮದಿಂದ ತನ್ನ ಮಗಳ ಮದುವೆ ಮೆರವಣಿಗೆ ನಡೆಯಬೇಕಿತ್ತು ಎಂದು ಮಹಿಳೆ ತಿಳಿಸಿದ್ದಾರೆ. ಹಳ್ಳಿಯ ಪುಂಡರು ತಮ್ಮ ಮಗಳ ಮದುವೆ ಮೆರವಣಿಗೆಯಲ್ಲಿ ಅಡೆತಡೆಗಳನ್ನು ಸೃಷ್ಟಿಸಲು ಬಯಸಿದ್ದರು. ಇದಾದ ಬಳಿಕ ಪೊಲೀಸ್ ಆಡಳಿತವು ಕ್ರಮಕ್ಕೆ ಮುಂದಾಗಿದೆ.

ಡ್ರೋನ್ ಕ್ಯಾಮೆರಾ ಮೂಲಕ ಗ್ರಾಮದ ಮೇಲೆ ನಿಗಾ: ಮಹಿಳೆ ನೀಡಿದ ದೂರಿನ ಮೇರೆಗೆ ಎಸ್‌ಪಿ ಚಕ್ರೇಶ್ ಮಿಶ್ರಾ ಸಂತ್ರಸ್ತ ಮಹಿಳೆಗೆ ಭರವಸೆ ನೀಡಿದ್ದರು. ಅದರಂತೆ ಅವರ ಮಗಳ ಮದುವೆ ಮೆರವಣಿಗೆ ಸರಳವಾಗಿ ಜರುಗಿದೆ. ಎಸ್ಪಿ ಅವರ ಆದೇಶದ ಮೇರೆಗೆ ಮಂಗಳವಾರ ಬೆಳಗ್ಗೆಯಿಂದಲೇ ಇಡೀ ಗ್ರಾಮದಲ್ಲಿ ಪೊಲೀಸ್ ಬಂದೋಬಸ್ತ್ ಮಾಡಲಾಗಿತ್ತು. ಗ್ರಾಮದ ಮೂಲೆ ಮೂಲೆಗಳಲ್ಲಿ ಪೊಲೀಸ್ ಭದ್ರತೆ ಕೈಗೊಳಲಾಗಿತ್ತು.

ಪಥಸಂಚಲನದಂತೆ ಕಾಣಿಸಿದ ಮದುವೆ ಮೆರವಣಿಗೆ: ಈ ಮೆರವಣಿಯು ಮಂಗಳವಾರ ತಡರಾತ್ರಿ ಅಲಿಗಢ ಗ್ರಾಮಕ್ಕೆ ತಲುಪಿತು. ಬಳಿಕ ಪೊಲೀಸರು ಬ್ಯಾಂಡ್ ವಾದನದ ನಡುವೆ ಮೆರವಣಿಗೆ ನಡೆಸುವಂತೆ ಮಾಡಿದರು. ಈ ವೇಳೆ ಇಡೀ ಮೆರವಣಿಗೆ ಪೊಲೀಸರ ಪಥಸಂಚಲನದಂತೆ ಕಂಡು ಬಂದಿತು. ಇದಷ್ಟೇ ಅಲ್ಲ, ಡ್ರೋನ್ ಕ್ಯಾಮೆರಾ ಬಳಸಿ ಇಡೀ ಗ್ರಾಮದ ಮೇಲೆ ನಿಗಾ ವಹಿಸಲಾಗಿತ್ತು. ಜೊತೆಗೆ ಪೊಲೀಸರು ಗ್ರಾಮದಲ್ಲಿ ಸಂಪೂರ್ಣ ಭದ್ರತೆ ವಹಿಸಿದ್ದರು.

ಬ್ಯಾಂಡ್ ವಾದ್ಯಗಳೊಂದಿಗೆ ಮೆರವಣಿಗೆ: ಪೊಲೀಸ್ ಭದ್ರತೆಯಲ್ಲಿ ಬ್ಯಾಂಡ್ ವಾದ್ಯಗಳೊಂದಿಗೆ ಮೆರವಣಿಗೆ ನಡೆಸಲಾಯಿತು. ಮದುವೆ ಕಾರ್ಯಕ್ರಮ ಯಶಸ್ವಿಯಾಗಿ ಮುಗಿದ ನಂತರವೇ ಪೊಲೀಸರು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ. ವಧು ಕವಿತಾ ಪೊಲೀಸ್ ಭದ್ರತೆಯ ನಡುವೆ ಯಶಸ್ವಿಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಖುಷಿಯಲ್ಲಿದ್ದಾರೆ. ಅದೇ ವೇಳೆ, ದೂರು ನೀಡಿದ ತಾಯಿ ಶೀಲಾ ಅವರು, ಯೋಗಿ ಪೊಲೀಸರಿಗೆ ಧನ್ಯವಾದ ಹೇಳಿದರು.

ಭಾರೀ ಚರ್ಚೆಗೆ ಗ್ರಾಸವಾದ ಮದುವೆ ಮೆರವಣಿಗೆ: ಕಳೆದ ವರ್ಷ ನವೆಂಬರ್ 25 ರಂದು ಸಂಭಾಲ್ ಜಿಲ್ಲೆಯ ಜುನವಾಯಿ ಪೊಲೀಸ್ ಠಾಣೆ ವ್ಯಾಪ್ತಿಯ ಲೋಹಮಾಯಿ ಗ್ರಾಮದಲ್ಲಿ ದಲಿತ ಕುಟುಂಬಯೊಂದರ ಮಧುಮಗಳ ಮೆರವಣಿಗೆಯನ್ನು ಪೊಲೀಸ್ ರಕ್ಷಣೆಯಲ್ಲಿ ಸುರಕ್ಷಿತವಾಗಿ ನಡೆಸಿದ್ದರು. ಆದರೆ, ಈಗ ಗುನ್ನೌರ್ ಪೊಲೀಸ್ ಠಾಣೆ ವ್ಯಾಪ್ತಿಯ ಘುಂಗಯ್ಯ ಗ್ರಾಮದಲ್ಲಿ ಮಧುಮಗಳ ಮೆರವಣಿಗೆಗೆ ಪೊಲೀಸ್ ಸಂಪೂರ್ಣ ಭದ್ರತೆ ಒದಗಿಸಿದ್ದರು. ಇಡೀ ಗ್ರಾಮದಲ್ಲಿ ಈ ಮದುವೆ ಕುರಿತು ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಇದನ್ನೂ ಓದಿ: ನಿಶ್ಚಿತಾರ್ಥಕ್ಕಾಗಿ ಮಾಲ್ಡೀವ್ಸ್‌ಗೆ ಹಾರಲಿದ್ದಾರಾ 'ಆದಿಪುರುಷ್' ಜೋಡಿ ಕೃತಿ - ಪ್ರಭಾಸ್?!