ಪೂರ್ಣಿಯಾ(ಬಿಹಾರ): ಪ್ರಿಯಕರನಿಗಾಗಿ ಮಹಿಳೆಯೊಬ್ಬಳು ತನ್ನ ಮೂರು ವರ್ಷದ ಮಗನನ್ನೇ ಹತ್ಯೆ ಮಾಡಿರುವ ಆಘಾತಕಾರಿ ಘಟನೆ ಪೂರ್ಣಿಯಾ ಜಿಲ್ಲೆಯ ಭವಾನಿಪುರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಈ ಕೃತ್ಯ ಎಸಗಿದ ಬಳಿಕ ಮಹಿಳೆ ಮೃತದೇಹವನ್ನು ವಿಲೇವಾರಿ ಮಾಡಲು ಯತ್ನಿಸುವ ವೇಳೆ ಗ್ರಾಮಸ್ಥರ ಕೈಗೆ ಸಿಕ್ಕಿಬಿದ್ದಿದ್ದಾಳೆ.
ಕುಟುಂಬಸ್ಥರ ಮಾಹಿತಿಯ ಪ್ರಕಾರ, ಮಹಿಳೆಯ ಪತಿ ಬೆಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದು, ಮೂರು ವರ್ಷ ಕಳೆದರೂ ಮನೆಗೆ ಬಂದಿರಲಿಲ್ಲ. ಇದರ ಮಧ್ಯೆ ಮಹಿಳೆಗೆ ಬೇರೊಬ್ಬನೊಂದಿಗೆ ಪ್ರೇಮಾಂಕುರವಾಗಿದೆ. ಆದರೆ ಆಕೆಯ ಪ್ರಿಯಕರ ಮಗುವನ್ನು ಜೊತೆಗಿಟ್ಟುಕೊಳ್ಳಲು ನಿರಾಕರಿಸುತ್ತಿದ್ದ. ಇದರಿಂದ ಮಹಿಳೆ ತನ್ನ ಮೂರು ವರ್ಷದ ಮಗನನ್ನು ಕೊಂದು ಶವವನ್ನು ವಿಲೇವಾರಿ ಮಾಡಿದ ನಂತರ ಪ್ರಿಯಕರನ ಬಳಿಗೆ ಹೋಗಲು ಪ್ರಯತ್ನಿಸಿದ್ದಳು. ಆದರೆ ಗ್ರಾಮಸ್ಥರು ಆಕೆಯನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ.
ಮೃತ ಬಾಲಕನ ಅಜ್ಜಿ ಮಾತನಾಡಿ, "ಮುಂಜಾನೆ ಮೂರು ಗಂಟೆಗೆ ನನ್ನ ಸೊಸೆ ಮನೆಗೆ ಮಗುವನ್ನು ಎಲ್ಲಿಗೋ ಕರೆದೊಯ್ಯುತ್ತಿದ್ದಳು. ಈ ವೇಳೆ ಗ್ರಾಮಸ್ಥರು ಕಳ್ಳ ಎಂದು ಭಾವಿಸಿ ಕೂಗಲು ಪ್ರಾರಂಭಿಸಿದ್ದರು. ಇದರ ನಂತರ ನನ್ನ ಸೊಸೆ ತನ್ನ ಮಗನನ್ನು ಕೋಣೆಯಲ್ಲಿ ಇರಿಸಿ ಲಾಕ್ ಮಾಡಿ ಮಗು ಮಲಗಿದೆ ಎಂದು ಹೇಳಿದ್ದಳು. ಬಹಳ ಸಮಯದ ನಂತರ ಕೋಣೆಯ ಬಾಗಿಲು ತೆರೆದು ಮಗುವನ್ನು ನೋಡಲು ಹೋದಾಗ ಮಗು ಮೃತಪಟ್ಟಿತ್ತು. ನನ್ನ ಸೊಸೆ ಬೇರೊಬ್ಬನೊಂದಿಗೆ ಸಂಬಂಧ ಹೊಂದಿದ್ದಳು. ಈ ಕಾರಣದಿಂದಾಗಿಯೇ ಆಕೆ ನನ್ನ ಮೊಮ್ಮಗನನ್ನು ಕೊಂದಿದ್ದಾಳೆ" ಎಂದು ಆರೋಪಿಸಿದರು.
ಆರೋಪಿ ಮಹಿಳೆ ತನ್ನ ಮಗನ ಶವವನ್ನು ವಿಲೇವಾರಿ ಮಾಡಲು ಬೆಳಗಿನ ಜಾವ 3 ಗಂಟೆಗೆ ಗ್ರಾಮದಿಂದ ಹೊರಟ್ಟಿದ್ದಳು. ಈ ವೇಳೆ ಗ್ರಾಮಸ್ಥರು ಮಕ್ಕಳ ಕಳ್ಳ ಗ್ರಾಮಕ್ಕೆ ನುಗ್ಗಿದ್ದಾನೆ ಎಂದು ಭಾವಿಸಿ ಕೂಗಲು ಪ್ರಾರಂಭಿಸಿದ್ದಾರೆ. ಇದರಿಂದ ಭಯಗೊಂಡ ಮಹಿಳೆ ಮತ್ತೆ ತನ್ನ ಮನೆಗೆ ಬಂದು ಕೋಣೆಯನ್ನು ಒಳಗಿನಿಂದ ಬೀಗ ಹಾಕಿದ್ದಳು. ತನ್ನ ಮೊಮ್ಮಗನ ಬಗ್ಗೆ ಸೊಸೆಯನ್ನು ಅತ್ತೆ ವಿಚಾರಿಸಿದಾಗ ಅವನು ಮಲಗಿದ್ದಾನೆ ಎಂದು ಮಹಿಳೆ ಹೇಳಿದ್ದಳು.
ಇದನ್ನೂ ಓದಿ: ಮಗಳಿಗೆ ಪ್ರೀತಿಸುವಂತೆ ಪೀಡಿಸುತ್ತಿದ್ದ ಯುವಕನಿಗೆ ಬುದ್ಧಿವಾದ ಹೇಳಿದ ತಂದೆ ಕೊಲೆ
ಸೊಸೆಯ ಮಾತು ಕೇಳಿ ಅತ್ತೆ ಮಾಣಿಕ್ಯದೇವಿಗೆ ಅನುಮಾನ ವ್ಯಕ್ತವಾಗಿದೆ. ಅಷ್ಟರೊಳಗೆ ಗ್ರಾಮಸ್ಥರೂ ಮನೆ ಬಳಿ ಜಮಾಯಿಸಿದ್ದಾರೆ. ಮೃತ ಬಾಲಕನ ಅಜ್ಜಿಯ ಮುಂದೆ ಗ್ರಾಮಸ್ಥರು ಬಾಗಿಲು ತೆರೆದಾಗ ಮಗು ಹಾಸಿಗೆಯ ಮೇಲೆ ಶವವಾಗಿ ಬಿದ್ದಿರುವುದು ಕಂಡು ಬಂದಿದೆ. ಬಳಿಕ ಸ್ಥಳೀಯರ ನೆರವಿನಿಂದ ಆರೋಪಿ ಮಹಿಳೆಯನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಮಗನನ್ನು ಕೊಲೆ ಮಾಡಿರುವುದಾಗಿ ಮಹಿಳೆ ಪೊಲೀಸರ ಮುಂದೆ ಒಪ್ಪಿಕೊಂಡಿದ್ದಾಳೆ. ಮರಣೋತ್ತರ ಪರೀಕ್ಷೆ ಮಾಡಲು ಆಗಮಿಸಿದ ಕಾನ್ಸ್ಟೇಬಲ್ ವೀರಬಲ್ ಕುಮಾರ್, ಆರೋಪಿ ಮಹಿಳೆಯನ್ನು ಬಂಧಿಸಲಾಗಿದೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: Husband kills wife: ಶೀಲ ಶಂಕಿಸಿ ಪತ್ನಿಯ ಹತ್ಯೆ.. ಪೊಲೀಸ್ ಠಾಣೆಗೆ ಶರಣಾದ ಪತಿ
