ಸ್ಪೇನ್​ನಲ್ಲಿ ಸಿಎಂ ಮಮತಾ ಬ್ಯಾನರ್ಜಿ ಜಾಗಿಂಗ್! ವೀಡಿಯೊ ನೋಡಿ

ಸ್ಪೇನ್ ಪ್ರವಾಸದಲ್ಲಿರುವ ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಮ್ಯಾಡ್ರಿಡ್​ನ ಪಾರ್ಕ್ ಒಂದರಲ್ಲಿ ಜಾಗಿಂಗ್ ಮಾಡುತ್ತಿರುವ ವೀಡಿಯೊ ಗಮನಸೆಳೆದಿದೆ.

ನವದೆಹಲಿ: ಪ್ರಸ್ತುತ ಸ್ಪೇನ್ ಪ್ರವಾಸದಲ್ಲಿರುವ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಮ್ಯಾಡ್ರಿಡ್​ನ ಉದ್ಯಾನವನದಲ್ಲಿ ಜಾಗಿಂಗ್ ಮಾಡುತ್ತಿರುವ ದೃಶ್ಯ ಗಮನಸೆಳೆದಿದೆ. ಸಿಎಂ ಮಮತಾ ಜಾಗಿಂಗ್ ವೀಡಿಯೊವನ್ನು ತಮ್ಮ ಇನ್​ಸ್ಟಾಗ್ರಾಂ ನಲ್ಲಿ ಶೇರ್ ಮಾಡಿದ್ದಾರೆ. "ಉಲ್ಲಾಸದಾಯಕ ಬೆಳಗು. ಉತ್ತಮ ಜಾಗಿಂಗ್ ದಿನದ ಮುಂದಿನ ಕೆಲಸಗಳಿಗಾಗಿ ನಿಮ್ಮನ್ನು ಶಕ್ತಿಯುತಗೊಳಿಸುತ್ತದೆ. ಸದೃಢರಾಗಿರಿ, ಎಲ್ಲರೂ ಆರೋಗ್ಯವಾಗಿರಿ!" ಎಂದು ವೀಡಿಯೊಗೆ ಅವರು ಕ್ಯಾಪ್ಷನ್ ನೀಡಿದ್ದಾರೆ. ಇದೇ ವೀಡಿಯೊವನ್ನು ತೃಣಮೂಲ ಕಾಂಗ್ರೆಸ್ ಎಕ್ಸ್​ನಲ್ಲಿ ಹಂಚಿಕೊಂಡಿದೆ.

• Embracing the serene morning in Madrid!
  
  Hon’ble CM @MamataOfficial rejuvenates us all with her energy and high spirits as she goes jogging.
  
  Sharing a few glimpses 👇 pic.twitter.com/cGgx6RrZaE

  — All India Trinamool Congress (@AITCofficial) September 14, 2023 " class="align-text-top noRightClick twitterSection" data="

  Embracing the serene morning in Madrid!
  
  Hon’ble CM @MamataOfficial rejuvenates us all with her energy and high spirits as she goes jogging.
  
  Sharing a few glimpses 👇 pic.twitter.com/cGgx6RrZaE

  — All India Trinamool Congress (@AITCofficial) September 14, 2023

  ">

  Embracing the serene morning in Madrid!
  
  Hon’ble CM @MamataOfficial rejuvenates us all with her energy and high spirits as she goes jogging.
  
  Sharing a few glimpses 👇 pic.twitter.com/cGgx6RrZaE

  — All India Trinamool Congress (@AITCofficial) September 14, 2023

ಪಶ್ಚಿಮ ಬಂಗಾಳದಲ್ಲಿ ವಿದೇಶಿ ಹೂಡಿಕೆಯನ್ನು ಆಕರ್ಷಿಸುವ ಉದ್ದೇಶದಿಂದ ಮೂರು ದಿನಗಳ ವ್ಯಾಪಾರ ಶೃಂಗಸಭೆಯಲ್ಲಿ ಭಾಗವಹಿಸಲು ಬ್ಯಾನರ್ಜಿ ಮಂಗಳವಾರ ಸ್ಪೇನ್​ಗೆ ಬಂದಿದ್ದಾರೆ. ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಸೌರವ್ ಗಂಗೂಲಿ ಅವರನ್ನು ಸಿಎಂ ಇದೇ ಸಂದರ್ಭದಲ್ಲಿ ಭೇಟಿಯಾದರು. ಸ್ಪೇನ್ ನ ಮ್ಯಾಡ್ರಿಡ್ ನಲ್ಲಿ ಬ್ಯಾನರ್ಜಿ ಅವರೊಂದಿಗೆ ಗಂಗೂಲಿ ಕುಳಿತಿರುವ ಫೋಟೋವನ್ನು ಅಖಿಲ ಭಾರತ ತೃಣಮೂಲ ಕಾಂಗ್ರೆಸ್ (ಎಐಟಿಸಿ) ಸಾಮಾಜಿಕ ಮಾಧ್ಯಮ 'ಎಕ್ಸ್' ನಲ್ಲಿ ಹಂಚಿಕೊಂಡಿದೆ.

ಭಾರತ ಮತ್ತು ಸ್ಪೇನ್ ನಡುವಿನ ಪರಸ್ಪರ ಸಹಯೋಗದ ಮೂಲಕ ಫುಟ್​ಬಾಲ್ ಆಟಕ್ಕೆ ಉತ್ತೇಜನ ನೀಡಲು ಪಶ್ಚಿಮ ಬಂಗಾಳ ಸರ್ಕಾರ ಮತ್ತು ಲಿಗಾ ನ್ಯಾಸಿಯೋನಲ್ ಡಿ ಫುಟ್ಬೋಲ್ ಪ್ರೊಫೆಷನಲ್ (ಲಾಲಿಗಾ) ತಿಳುವಳಿಕಾ ಒಡಂಬಡಿಕೆಯನ್ನು ಮಾಡಿಕೊಂಡಿವೆ ಎಂದು ಟಿಎಂಸಿ ಹೇಳಿದೆ. "ಬಂಗಾಳವು ಫುಟ್ಬಾಲ್​ನ ಮೆಕ್ಕಾ ಆಗಿದೆ ಮತ್ತು ಈ ಸುಂದರವಾದ ಕ್ರೀಡೆಗಾಗಿ ಪ್ರತಿಯೊಬ್ಬ ಬಂಗಾಳಿಯಲ್ಲೂ ಭಾವನೆಗಳು ಆಳವಾಗಿ ಬೇರೂರಿವೆ. ಇಂದು, ಗೌರವಾನ್ವಿತ ಸಿಎಂ @MamataOfficial ನಮ್ಮ ರಾಜ್ಯದಲ್ಲಿ ಸುಂದರವಾದ ಆಟವನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿರುವ ಹೂಡಿಕೆಯ ಸಾಧ್ಯತೆಗಳನ್ನು ಅನ್ವೇಷಿಸಲು ಲಾ ಲಿಗಾ ಅಧಿಕಾರಿಗಳೊಂದಿಗೆ ಫಲಪ್ರದ ಸಭೆ ನಡೆಸಿದರು" ಎಂದು ಎಐಟಿಸಿ ಮತ್ತೊಂದು ಎಕ್ಸ್​ ಪೋಸ್ಟ್​ನಲ್ಲಿ ತಿಳಿಸಿದೆ.

"ಮ್ಯಾಡ್ರಿಡ್​ನಿಂದ ಬಂದಿರುವ ಮತ್ತೊಂದು ಗಮನಾರ್ಹ ಮಾಹಿತಿಯಲ್ಲಿ, ಪಶ್ಚಿಮ ಬಂಗಾಳದಲ್ಲಿ ಹೊಸ ಫುಟ್​ಬಾಲ್ ಅಕಾಡೆಮಿಯನ್ನು ಸ್ಥಾಪಿಸಲು ಲಾ ಲಿಗಾನೊಂದಿಗೆ ತಿಳುವಳಿಕಾ ಒಡಂಬಡಿಕೆಗೆ ಸಹಿ ಹಾಕಲಾಗಿದೆ. ಇದು ನಮ್ಮ ಫುಟ್​ಬಾಲ್ ಅಭಿಮಾನಿಗಳಿಗೆ ಖುಷಿಯ ವಿಚಾರವಾಗಿದೆ" ಎಂದು ಎಐಟಿಸಿ ಹೇಳಿದೆ.

ಈ ಕಾರ್ಯಕ್ರಮದಲ್ಲಿ ಸೌರವ್ ಗಂಗೂಲಿ, ಪಶ್ಚಿಮ ಬಂಗಾಳ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಎಚ್.ಕೆ. ದ್ವಿವೇದಿ, ಪಶ್ಚಿಮ ಬಂಗಾಳದ ಎರಡು ಪ್ರಮುಖ ಫುಟ್​ಬಾಲ್ ಕ್ಲಬ್​ಗಳ ಪ್ರತಿನಿಧಿಗಳಾದ ಮೋಹನ್ ಬಗಾನ್ ಅಥ್ಲೆಟಿಕ್ ಕ್ಲಬ್​ನ ಪ್ರಧಾನ ಕಾರ್ಯದರ್ಶಿ ದೇಬಶಿಶ್ ದತ್ತಾ ಮತ್ತು ಮಹಮ್ಮಡನ್ ಸ್ಪೋರ್ಟಿಂಗ್ ಕ್ಲಬ್​ನ ಪ್ರಧಾನ ಕಾರ್ಯದರ್ಶಿ ಇಶ್ತಿಯಾಕ್ ಅಹ್ಮದ್ ಭಾಗವಹಿಸಿದ್ದರು.

ಸ್ಪೇನ್​ಗೆ ತೆರಳುವ ಮುನ್ನ ಮಾತನಾಡಿದ್ದ ಮಮತಾ ಬ್ಯಾನರ್ಜಿ, "ನಾವು 5 ವರ್ಷಗಳ ನಂತರ ಸ್ಪೇನ್​ಗೆ ಹೋಗುತ್ತಿದ್ದೇವೆ. ಕೋಲ್ಕತಾ ಪುಸ್ತಕ ಮೇಳದಲ್ಲಿ ಸ್ಪೇನ್ ಪಾಲುದಾರ ದೇಶವಾಗಿತ್ತು. ಸ್ಪೇನ್ ಸಮೃದ್ಧ ಉತ್ಪಾದನಾ ಉದ್ಯಮವನ್ನು ಹೊಂದಿದೆ. ಅವರ ಆಹ್ವಾನದ ಮೇರೆಗೆ ನಾವು ಹೋಗುತ್ತಿದ್ದೇವೆ. ಯಾವ ಪ್ರಗತಿಯನ್ನು ಸಾಧಿಸಬಹುದು ಎಂದು ನೋಡೋಣ. ಬಂಗಾಳ ವ್ಯಾಪಾರ ಶೃಂಗಸಭೆ ನವೆಂಬರ್ 21-23 ರಂದು ನಡೆಯಲಿದೆ. ಸ್ಪೇನ್ ಅಧಿಕಾರಿಗಳು ಬಂಗಾಳಕ್ಕೆ ಅನೇಕ ಬಾರಿ ಭೇಟಿ ನೀಡಿದ್ದಾರೆ ಆದರೆ ನಾವು ಅದೇ ರೀತಿಯಲ್ಲಿ ಪ್ರತಿಕ್ರಿಯಿಸಿಲ್ಲ. ಆದ್ದರಿಂದ ನಾನು ಸ್ಪೇನ್ ಗೆ ಹೋಗುತ್ತಿದ್ದೇನೆ. ದುಬೈನಲ್ಲಿಯೂ ನಾವು ವ್ಯಾಪಾರ ಶೃಂಗಸಭೆಯನ್ನು ನಡೆಸಲಿದ್ದೇವೆ" ಎಂದು ಹೇಳಿದ್ದರು.

ಇದನ್ನೂ ಓದಿ : ವಾಟ್ಸ್​ಆ್ಯಪ್ ಜಾಹೀರಾತು ಪ್ರದರ್ಶನ ಆರಂಭಿಸುತ್ತಿಲ್ಲ; ಕಂಪನಿಯ ಸ್ಪಷ್ಟನೆ