ಅಲ್ಮೋರಾ(ಉತ್ತರಾಖಂಡ): ಉತ್ತರಾಖಂಡ್ನ ಕಣಿವೆ ಪ್ರದೇಶದ ರಸ್ತೆಯೊಂದರಲ್ಲಿ ತೆರಳುತ್ತಿದ್ದ ವೇಳೆ ಬಸ್ವೊಂದು ನಿಯಂತ್ರಣ ಕಳೆದುಕೊಂಡು ಏಕಾಏಕಿ ಉರುಳಿ ಬಿದ್ದಿದ್ದು, ಈ ವೇಳೆ ಕಣಿವೆಯಲ್ಲಿನ ಮರಗಳು ಬಸ್ ಮತ್ತಷ್ಟು ಕೆಳಕ್ಕೆ ಉರುಳಿ ಹೋಗದಂತೆ ತಡೆಹಿಡಿದಿವೆ.
ಉತ್ತರಾಖಂಡದ ಅಲ್ಮೋರಾದಲ್ಲಿ ಈ ಘಟನೆ ನಡೆದಿದೆ. ಮರಗಳಿಂದಾಗಿ 18 ಪ್ರಯಾಣಿಕರು ಸಾವಿನ ದವಡೆಯಿಂದ ಪಾರಾಗಿ ಬಂದಿದ್ದಾರೆ. ಹೀಗಾಗಿ ಸಂಭಾವ್ಯ ಅನಾಹುತ ತಪ್ಪಿದೆ ಎಂದು ವರದಿಯಾಗಿದೆ.
ಇದನ್ನೂ ಓದಿ: ನಟ ಪವನ್ ಕಲ್ಯಾಣ್ ಮಾಜಿ ಪತ್ನಿ ರೇಣು ದೇಸಾಯಿ, ಪುತ್ರ ಅಕಿರ್ ನಂದನ್ಗೆ ಕೋವಿಡ್
ರಾಮನಗರದಿಂದ ಸರೈಖೇತ್ಗೆ ಈ ಬಸ್ ತೆರಳುತ್ತಿತ್ತು. ದೋಟಿಯಾಲ್ ಚೌಕ್ನಲ್ಲಿ ನಿಲ್ಲಿಸಿ, ಪ್ರಯಾಣಿಕರೆಲ್ಲರೂ ಊಟ ಮಾಡಿದ್ದಾರೆ. ದೋಟಿಯಾಲ್ ಚೌಕ್ನಿಂದ ಕೇವಲ 100 ಮೀಟರ್ ದೂರ ಕ್ರಮಿಸುವಷ್ಟರಲ್ಲಿ ಬಸ್ ಬ್ರೇಕ್ ಫೇಲ್ ಆಗಿ ಕಂದಕಕ್ಕೆ ಉರುಳಿತು. ಈ ವೇಳೆ ಪೈನ್ ಮರಗಳು ಬಸ್ಗೆ ತಡೆಯಾಗಿವೆ. ಹೀಗಾಗಿ ಬಸ್ ಮತ್ತಷ್ಟು ಆಳ ಕಂದಕಕ್ಕೆ ಹೋಗುವುದು ತಪ್ಪಿದೆ. ಪ್ರಯಾಣಿಕರೆಲ್ಲರೂ ಸಣ್ಣಪುಟ್ಟ ಗಾಯಗಳಿಂದ ಪಾರಾಗಿದ್ದಾರೆ.
