ಹೈದರಾಬಾದ್ (ತೆಲಂಗಾಣ): ತಾವು ಬಂದಾಗ ಎದ್ದು ನಿಂತು ನಮಸ್ತೆ ಹೇಳಿಲ್ಲ ಎಂಬ ಕಾರಣಕ್ಕೆ ಹೈದರಾಬಾದ್ನ ಚಾರ್ಮಿನಾರ್ ಶಾಸಕ ಮುಮ್ತಾಜ್ ಅಹಮದ್ ಖಾನ್ ಸ್ಥಳೀಯನೊಬ್ಬನಿಗೆ ಕಪಾಳಮೋಕ್ಷ ಮಾಡಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
ವ್ಯಕ್ತಿಗೆ ಶಾಸಕ ಕಪಾಳಮೋಕ್ಷ ಮಾಡಿದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆ
ನಿನ್ನೆ ರಾತ್ರಿ ಚಾರ್ಮಿನಾರ್ನ ಹಳೆ ಬಸ್ ನಿಲ್ದಾಣದ ಬಳಿಯಿರುವ ತನ್ನ ಮನೆ ಮುಂದೆ ಗುಲಾಂ ಗೌಸ್ ಜಿಲಾನಿ ಎಂಬ ವ್ಯಕ್ತಿಯೊಬ್ಬ ಕುಳಿತುಕೊಂಡಿದ್ದನು. ಈ ವೇಳೆ ಶಾಸಕ ಕಾರಿನಲ್ಲಿ ತಮ್ಮ ನಿವಾಸಕ್ಕೆ ತೆರಳಲು ಬಂದಿಳಿದಿದ್ದಾರೆ. ಆದರೆ ಅಲ್ಲಿ ಕುಳಿತಿದ್ದ ಆ ವ್ಯಕ್ತಿ ಎದ್ದು ನಿಂತು ತಮಗೆ ನಮಸ್ತೆ ಹೇಳಿಲ್ಲ ಎಂದು ಕೆನ್ನೆಗೆ ಹೊಡೆದಿದ್ದಾರೆ ಎಂದು ಹೇಳಲಾಗ್ತಿದೆ.
ಇದನ್ನೂ ಓದಿ: Bitcoin case: ನಾಪತ್ತೆಯಾಗಿದ್ದ ಶ್ರೀಕಿ ಪೊಲೀಸರ ಮುಂದೆ ದಿಢೀರ್ ಪ್ರತ್ಯಕ್ಷ!
ಗುಲಾಂ ಗೌಸ್ ಜಿಲಾನಿ ನೀಡಿದ ದೂರಿನ ಆಧಾರದ ಮೇಲೆ ಶಾಸಕರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಘಟನೆಯ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್ ಆಗಿದೆ.
