ಮದ್ಯ ಸೇವನೆ ಕೇವಲ ಆರೋಗ್ಯಕ್ಕೆ ಮಾತ್ರವಲ್ಲ ಮದುವೆಗೂ ಆಪತ್ತು ಹುಷಾರ್​!

ವರ ಮದ್ಯ ಸೇವಿಸಿದ ಹಿನ್ನೆಲೆ ವಧು ಮದುವೆಯನ್ನೇ ನಿರಾಕರಿಸಿರುವ ಘಟನೆ ವಾರಾಣಸಿಯಲ್ಲೂ ನಡೆದಿದೆ.

ವಾರಾಣಸಿ (ಉತ್ತರಪ್ರದೇಶ): ಮದ್ಯ ಸೇವನೆ ಕೇವಲ ಆರೋಗ್ಯಕ್ಕೆ ಮಾತ್ರವಲ್ಲದೇ ಮದುವೆಗೂ ಆಪತ್ತು ತರುತ್ತದೆ ಎಂಬುದು ವಾರಾಣಸಿಯಲ್ಲಿ ಸಾಬೀತಾಗಿದೆ. ಹೌದು ಇಲ್ಲಿಯ ಹರ್ಹುವಾದನ ಚೌಬೆಪುರ ಪೊಲೀಸ್ ಠಾಣಾ ವ್ಯಾಪ್ತಿಯ ಹಳ್ಳಿಯೊಂದರ ಯುವಕನ ವಿವಾಹವು ಜನ್ಸಾ ಪೊಲೀಸ್ ಠಾಣೆ ವ್ಯಾಪ್ತಿಯ ಹಳ್ಳಿಯೊಂದರ ಹುಡುಗಿಯೊಂದಿಗೆ ನಿಶ್ಚಯವಾಗಿತ್ತು. ಮದುವೆಗಾಗಿ ಹರ್ಹುವಾದಲ್ಲಿ ಕಲ್ಯಾಣ ವೇದಿಕಯೆನ್ನೂ ಸಿದ್ದಗೊಳಿಸಿಲಾಗಿತ್ತು. ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಇಂದು ವಧು ವರರು ಸಪ್ತಪದಿ ತುಳಿಯುತ್ತಿದ್ದರು. ಆದರೆ, ಮಧ್ಯ ತಂದ ಆಪತ್ತಿನಿಂದ ಮದುವೆಯೆ ಮುರಿದು ಬಿದ್ದಿದೆ.

ಭಾನುವಾರ ಸಂಜೆ, ವರನ ಆಗಮನದ ಮೆರವಣಿಗೆ ವಿಜೃಂಭಣೆ ಸಾಗಿತ್ತು. ಕಲ್ಯಾಣ ವೇದಿಕೆಗೂ ತಲುಪಿತ್ತು. ವಧುವಿನ ಕುಟುಂಬಸ್ಥರು ವರನ ಕಡೆಯವರನ್ನು ಸ್ವಾಗತಿಸಿತ್ತಿದ್ದರು. ದ್ವಾರಪೂಜೆ ಮುಗಿದ ನಂತರ ಹೂಮಾಲೆ ಬದಲಾವಣೆ ವರ ತನ್ನ ಸ್ನೇಹಿತರೊಂದಿಗೆ ವೇದಿಕೆ ಬಂದಿದ್ದಾನೆ. ಬಳಿಕ ಸ್ವಲ್ಪ ಸಮಯದಲ್ಲೇ ವಧುವೂ ತನ್ನ ಸ್ನೇಹಿತರೊಂದಿಗೆ ವೇದಿಕೆ ತಲುಪಿದ್ದಾರೆ. ಇನ್ನೇನು ಹೂಮಾಲೆ ಬದಲಾವಣೆ ಕಾರ್ಯಕ್ರಮ ಆರಂಭವಾಗಬೇಕು ಎನ್ನುವಷ್ಟರಲ್ಲೇ ಪಾನಮತ್ತರಾಗಿದ್ದ ವರನ ಗೆಳೆಯರು ವಧುವಿನ ಸ್ನೇಹಿತರೊಂದಿಗೆ ಕ್ಷುಲ್ಲಕ ಕಾರಣಕ್ಕೆ ಜಗಳಕ್ಕಿಳಿದಿದ್ದಾರೆ. ಇದು ವಧು ಮತ್ತು ಆಕೆಯ ಸ್ನೇಹಿತರನ್ನು ಕೆರಳಿಸಿದೆ. ಈ ಸಮಯದಲ್ಲಿ ವರನ ಸ್ನೇಹಿತರು ಕುಡಿದಿದ್ದಾರೆ ಎಂದು ತಿಳಿದು ವಧುವಿನ ಕುಟುಂಬಸ್ಥರು ಗಲಾಟೆಯನ್ನು ಶಾಂತಗೊಳಿಸಿದ್ದಾರೆ.

ಇದಾದ ಬಳಿಕ ಹೂಮಾಲೆ ಬದಲಾವಣೆ ಕಾರ್ಯಕ್ರಮ ಮತ್ತೆ ಆರಂಭವಾಗಿದೆ. ವರನ ಕೊರಳಿಗೆ ಮಾಲೆ ಹಾಕಲು ವಧು ಮುಂದಾಗಿದ್ದ ವೇಳೆ ಮದ್ಯಸೇವನೆ ಮಾಡಿವುದು ತಿಳಿದು ಬಂದಿದೆ. ಇದರಿಂದ ಕೋಪಗೊಂಡ ವಧು ವೇದಿಕೆಯಿಂದ ಕೆಳಗಿಳಿದು ಏನನ್ನು ಹೇಳದೇ ತನ್ನ ಕೋಣೆಗೆ ಹೊರಟು ಹೋಗಿದ್ದಾಳೆ. ವಧುವಿನ ಕುಟುಂಬಸ್ಥರು ಅಚ್ಚರಿಗೊಂಡು ಆಕೆಯ ಕೋಣೆಗೆ ತೆರಳಿ ವಿಚಾರಿಸಿದ್ದಾರೆ. ಈ ವೇಳೆ ಕುಡುಕ ವರನನ್ನು ಮದುವೆಯಾಗಲ್ಲ ಎಂದು ವಧು ತನ್ನ ಪೋಷಕರಿಗೆ ಹೇಳಿದ್ದಾಳೆ.

ವಧು ಮದುವೆಯಾಗಲು ನಿರಾಕರಿಸಿರುವ ವಿಷಯ ತಿಳಿಯುತಿದ್ದಂತೆ ವರ ಮತ್ತು ಆತನ ಸ್ನೇಹಿತರು ಜೋರಾಗಿ ವಧುವನ್ನು ನಿಂದಿಸಲು ಆರಂಭಿಸಿದ್ದಾರೆ. ಇದನ್ನು ಕಂಡ ವರನ ತಂದೆ ಹಾಗೂ ಸಹೋದರ ವರನೊಂದಿಗೆ ಆತನ ಸ್ನೇಹಿತರನ್ನು ಹೊರಗೆ ಕರೆದೊಯ್ದಿದ್ದಾರೆ. ನಂತರ ವಧುವಿನ ಮನವೊಲಿಸಲು ವರನ ಕಡೆಯವರ ಪ್ರಯತ್ನಿಸಿದರೂ ವಧು ನಿರಾಕರಿಸಿದ್ದಾಳೆ. ಇದಾದ ಬಳಿಕ ಗಣ್ಯರ ಸಮ್ಮುಖದಲ್ಲಿ ವಧುವನ್ನು ಮದುವೆಗೆ ಒಪ್ಪಿಸಲು ಶತ ಪ್ರಯತ್ನ ಮಾಡಿದರೂ ವಧು ತನ್ನ ನಿರ್ಧಾರವನ್ನು ಬದುಲಿಸದೇ ಅಚಲವಾಗಿದ್ದಾಳೆ. ವಧುವಿನ ಮನವೋಲಿಸಲು ಬೆಳಗಿನ ಜಾವ 4.30ರೆಗೆ ಎಲ್ಲಾ ಹಿರಿಯರು, ಜನರು, ಕುಟುಂಬಸ್ಥರು ಪ್ರಯತ್ನಿಸಿದ್ದಾರೆ.

ಇದಕ್ಕೆ ಒಪ್ಪದ ವಧು, ವರನು ಮದ್ಯವ್ಯಸನಿಯಾಗಿದ್ದು, ತಾನು ಕುಡುಕನನ್ನು ಮದುವೆಯಾಗುವುದಿಲ್ಲ ಎಂದು ಪಟ್ಟು ಹಿಡಿದಿದ್ದಾಳೆ. ಮದುವೆ ನಿಶ್ಚಯವಾದ ಬಳಿಕ ವಧು-ವರರು ದೂರವಾಣಿಯಲ್ಲಿ ಮಾತನಾಡುತ್ತಿದ್ದರು ಎಂದು ಕೂಡ ಹೇಳಲಾಗಿದೆ. ಸುಮಾರು ಎರಡು ವಾರಗಳ ಹಿಂದೆ, ಮೊಬೈಲ್​ ಸಂಭಾಷಣೆಯ ಸಮಯದಲ್ಲಿ ವರ ಮದ್ಯದ ಅಮಲಿನಲ್ಲಿ, ವಧುವನ್ನು ನಿಂದಿಸಿದ್ದನೆಂದು, ವಧು ಮದುವೆಯಾಗಲು ನಿರಾಕರಿಸಿದ್ದಾಳೆ. ಬಳಿಕ ಎರಡೂ ಕುಟುಂಬದ ಹಿರಿಯರು ಇಬ್ಬರಿಗೆ ತಿಳಿ ಹೇಳಿದ್ದಾರೆ. ಇದಾದ ನಂತರ ವಧು ಮದುವೆಗೆ ಒಪ್ಪಿದ್ದಾಳೆ. ಇದೀಗಾ ಅಂತಹದ್ದೆ ಘಟನೆ ಮರುಕಳಿಸಿದ್ದು ಇದರಿಂದ ಕೋಪಗೊಂಡ ವಧು ಮದುವೆ ನಿರಾಕರಿಸಿದ್ದಾಳೆ.

ಇದನ್ನೂ ಓದಿ: ಮುಸ್ಲಿಂ ಯುವಕನೊಂದಿಗೆ ನಡೆಯಬೇಕಿದ್ದ ಮಗಳ ಮದುವೆ ರದ್ದುಗೊಳಿಸಿದ ಬಿಜೆಪಿ ನಾಯಕ