ಮಂಚೇರಿಯಲ್(ತೆಲಂಗಾಣ) : ಹುಡುಗರಿಗೆ ಬೈಕ್ ಅಂದರೆ ಕ್ರೇಜ್ ಜಾಸ್ತಿ. ಬೈಕ್ ಕೊಂಡುಕೊಳ್ಳುವುದು ಅವರ ಬಹುದೊಡ್ಡ ಕನಸಾಗಿರುತ್ತದೆ. ಇಂಥಹದ್ದೇ ಕನಸನ್ನು ತನ್ನ ಬಾಲ್ಯದಿಂದ ಕಟ್ಟಿಕೊಂಡ ಮಂಚೇರಿಯಲ್ ಸಿಟಿ ಯುವಕ ಅದನ್ನು ವಿಶೇಷ ರೀತಿಯಲ್ಲಿ ಪಡೆಯುವ ಮೂಲಕ ಕನಸನ್ನು ನನಸು ಮಾಡಿಕೊಂಡಿದ್ದಾರೆ. ಹೌದು, ವೆಂಕಟೇಶ್ ಎಂಬಾತ ತನ್ನ ಡ್ರೀಮ್ ಸ್ಪೋರ್ಟ್ಸ್ ಬೈಕ್ನ್ನು ಖಾಲಿ ಒಂದು ರೂಪಾಯಿ ನಾಣ್ಯಗಳನ್ನು ಪಾವತಿಸಿ ಖರೀದಿಸಿದ್ದಾನೆ.
ಈತ ಆನ್‌ಲೈನ್ ಗೇಮಿಂಗ್ ಚಾನೆಲ್ ನಡೆಸುತ್ತಿದ್ದ. ಈ ಚಾನಲ್ ಮೂಲಕ ಗಳಿಸುತ್ತಿದ್ದ ಹಣವನ್ನು ಉಳಿತಾಯ ಮಾಡಿ ಬಾಲ್ಯದ ಕನಸಿನ ಬೈಕು ಖರೀದಿಸಲು ಸ್ಪೋರ್ಟ್ಸ್ ಬೈಕ್ ಶೋರೂಮ್‌ಗೆ ಹೋಗಿದ್ದಾನೆ. ನಂತರ ತನ್ನ ನೆಚ್ಚಿನ ಬಣ್ಣ KTM ಬೈಕ್ ಅನ್ನು ಆಯ್ಕೆ ಮಾಡಿದಾಗ ಶೋರೂಂ ಮ್ಯಾನೇಜರ್ ಬೈಕಿನ ಬೆಲೆ 2.85 ಲಕ್ಷ ರೂ ಎಂದು ತಿಳಿಸಿದ್ದಾರೆ.
ಆಗ ವೆಂಕಟೇಶ್ ಟ್ರಾಲಿ ಆಟೋವನ್ನು ಶೋರೂಮ್‌ಗೆ ತಂದು ಆ ವಾಹನದಿಂದ 112 ಪಾಲಿಥಿನ್ ಚೀಲಗಳನ್ನು ಹೊರತೆಗೆದು ಅದನ್ನು ಮ್ಯಾನೇಜರ್ಗೆ ನೀಡಿದ್ದಾನೆ. ಚೀಲಗಳನ್ನು ತೆರೆದ ಮ್ಯಾನೇಜರ್ಗೆ ಅದರಲ್ಲಿ ಒಂದು ರೂಪಾಯಿಯ ನಾಣ್ಯಗಳು ಇದ್ದುದನ್ನು ಕಂಡು ಬೆಚ್ಚಿಬಿದ್ದಿದ್ದಾರೆ. ನಂತರ ಅವುಗಳನ್ನು ಎಣಿಸಲು ಶೋರೂಂ ಸಿಬ್ಬಂದಿ ಇಡೀ ದಿನ ತೆಗೆದುಕೊಂಡು ಕೊನೆಗೂ 2.85 ಲಕ್ಷ ರೂಪಾಯಿ ಎಣಿಸಿ ವೆಂಕಟೇಶ್ಗೆ ಬೈಕ್ ನೀಡಿದ್ದಾರೆ.
'ನನಗೆ ಬಾಲ್ಯದಿಂದಲೂ ಕೆಟಿಎಂ ಬೈಕ್ ಎಂದರೆ ಇಷ್ಟ. ನಾನು ದೊಡ್ಡವನಾದ ಮೇಲೆ ಅದನ್ನು ಖರೀದಿಸಬೇಕೆಂದು ಕನಸನ್ನು ಹೊಂದಿದ್ದೆ. ಅದಕ್ಕಾಗಿ ಹಣ ಸಂಪಾದಿಸಲು ಆನ್‌ಲೈನ್ ಗೇಮಿಂಗ್ ಚಾನೆಲ್ ನಡೆಸಿದೆ. ಜೊತೆಗೆ ಎಲ್ಲರಿಗಿಂತ ಭಿನ್ನವಾಗಿ ಖರೀದಿಸಬೇಕೆಂದಿದ್ದ ನಾನು ಕಷ್ಟಪಟ್ಟು ಒಂದು ರೂಪಾಯಿ ನಾಣ್ಯಗಳನ್ನು ಸಂಗ್ರಹಿಸಿ ಈ ಬೈಕ್ನ್ನು ಖರೀದಿಸಿದೆ' ಎಂದು ಕನಸನ್ನು ನನಸಾಗಿಸಿಕೊಂಡ ತನ್ನ ಕಥೆಯನ್ನು ಈ ರೀತಿಯಾಗಿ ಆತ ಹೇಳಿಕೊಂಡಿದ್ದಾನೆ.
ಇದನ್ನೂ ಓದಿ: ಸ್ವದೇಶಿ ಕಂಪ್ಯೂಟರ್ ಚಿಪ್ ತಯಾರಿಸಲಿದೆ ಟಾಟಾ ಗ್ರೂಪ್
