ನವದೆಹಲಿ: ಕಳೆದ ಗುರುವಾರ ಭದ್ರತಾ ಪಡೆಯ ಗುಂಡಿಗೆ ಬಲಿಯಾದ ಝಾಕಿರ್ ಮುಸಾ ಉಗ್ರ ಸಂಘಟನೆಗಳಾದ ಹಿಜ್ಬುಲ್ ಮುಜಾಹಿದ್ದೀನ್ ಹಾಗೂ ಜೈಷೆ ಮೊಹಮ್ಮದ್ಗಳೆರಡನ್ನೂ ಒಳಗೊಂಡ ಬೃಹತ್ ಸಂಘಟನೆ ಕಟ್ಟುವ ಕೆಲಸದಲ್ಲಿ ನಿರತನಾಗಿದ್ದ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಅನ್ಸರ್ ಘಜ್ವಾತ್ ಉಲ್ ಹಿಂದ್ನ ಮುಖ್ಯಸ್ಥ ಝಾಕಿರ್ ರಷೀಧ್ ಭಟ್ ಅಲಿಯಾಸ್ ಝಾಕಿರ್ ಮುಸಾ 2016ರಲ್ಲಿ ಹಿಜ್ಬುಲ್ ಸಂಘಟನೆಯ ಕಮ್ಯಾಂಡರ್ ಬುರ್ಹಾನ್ ವಾನಿಯ ಎನ್ಕೌಂಟರ್ ನಂತರ ಕಾಶ್ಮೀರದಲ್ಲಿ ಮಿನಿ ಐಕಾನ್ ಎಂತಲೇ ಗುರ್ತಿಸಿಕೊಂಡಿದ್ದ. ಕಳೆದೆರಡು ತಿಂಗಳಲ್ಲಿ ಮುಸಾನನ್ನು ಫಿನಿಶ್ ಮಾಡಲು ಯತ್ನಿಸಲಾಗಿತ್ತಾದರೂ, ನಿಖಿರ ಮಾಹಿತಿಯಿಲ್ಲದೆ ಹಿಂದೆ ಸರಿಯುಂತಾಯ್ತು. ಹಿಜ್ಬುಲ್ ಹಾಗೂ ಜೈಷೆ ಸಂಘಟಗಳನ್ನು ಒಂದು ಮಾಡಿ, ಹೈಬ್ರೀಡ್ ಸಂಘಟನೆಯೊಂದನ್ನು ಕಟ್ಟುವ ಕೆಲಸದಲ್ಲಿ ಈತ ತೊಡಗಿದ್ದ ಎಂದು ಹೇಳಿದ್ದಾರೆ.
ಮೂಸಾ ವಿರುದ್ಧ ಚಾರ್ಜ್ಶೀಟ್ ಸಲ್ಲಿಸಿರುವ ರಾಷ್ಟ್ರೀಯ ತನಿಖಾ ತಂಡ, ಆತ ದೇಶದ ಭದ್ರತಾ ನೆಲೆಗಳ ಮೇಲೆ ದಾಳಿ ಮಾಡಲು ಟಾರ್ಗೆಟ್ ಮಾಡಿದ್ದ ಎಂದು ಉಲ್ಲೇಖಿಸಿದೆ. ಹಲವು ಹಿಂಸಾಚಾರಗಳಲ್ಲಿ ಆತ ಪಾಲ್ಗೊಂಡಿದ್ದ. ರಾಕೆಟ್, ಗ್ರನೇಡ್, ಸ್ಫೋಟಕ ಸೇರಿ ಹಲವಾರು ಸ್ಫೋಟಕ ದಾಳಿಯನ್ನೂ ನಡೆಸಿದ್ದ ಎಂದೂ ನಮೂದಿಸಿದೆ.
