ಮುಂಬೈ: ಕೇಂದ್ರ ಮುಂಬೈನ ಬೈಕುಲ್ಲಾ ಜೈಲಿಗೆ ನಿಯೋಜಿಸಲಾಗಿದ್ದ ವೈದ್ಯರೊಬ್ಬರಲ್ಲಿ ಕೊರೊನಾ ವೈರಸ್ ಪತ್ತೆಯಾಗಿದೆ.
ಬೈಕುಲ್ಲಾ ಜೈಲಿನ ಕೈದಿಗಳ ಆರೋಗ್ಯ ಪರೀಕ್ಷೆಗಾಗಿ ನಿಯೋಜಿಸಲಾಗಿದ್ದ ವೈದ್ಯರಲ್ಲಿ ಕೊರೊನಾ ಪತ್ತೆಯಾಗಿರವುದರಿಂದ, ಆ ವೈದ್ಯರ ಸಂಪರ್ಕದಲ್ಲಿದ್ದ ಕೈದಿಗಳನ್ನು ಕಂಡು ಹಿಡಿಯಲಾಗುತ್ತಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಇದಕ್ಕೂ ಮುನ್ನ ಆರ್ಥರ್ ರಸ್ತೆಯ ಜೈಲಿನ 77 ಕೈದಿಗಳಲ್ಲಿ ಹಾಗೂ 26 ಸಿಬ್ಬಂದಿಯಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿತ್ತು.
ಈಗಾಗಲೆ ಮಹಾರಾಷ್ಟ್ರದಲ್ಲಿ 17974 ಮಂದಿ ಈ ಸಾಂಕ್ರಾಮಿಕ ರೋಗಕ್ಕೆ ಗುರಿಯಾಗಿದ್ದಾರೆ. 694 ಮಂದಿ ಸಾವನ್ನಪ್ಪಿದ್ದಾರೆ. ಇನ್ನು ದೇಶಾದಾದ್ಯಂತ 56 ಸಾವಿರ ಮಂದಿ ಕೊರೊನಾ ಸೋಂಕಿಗೆ ಒಳಗಾಗಿದ್ದರೆ 1886 ಮಂದಿ ಸಾವಿಗೀಡಾಗಿದ್ದಾರೆ.
