ಆಗ್ರಾ(ಉತ್ತರಪ್ರದೇಶ): ವಿಶ್ವಪರಂಪರೆಯ ತಾಣ ತಾಜ್ಮಹಲ್ ಆವರಣದೊಳಗೆ ಇಬ್ಬರು ವ್ಯಕ್ತಿಗಳು ಕೇಸರಿ ಧ್ವಜ ಹಾರಾಟ ಮಾಡಿರುವ ವಿಡಿಯೋ ವೈರಲ್ ಆಗಿದ್ದು, ಇದೀಗ ಅದರ ಭದ್ರತೆ ಬಗ್ಗೆ ಗಂಭೀರ ಪ್ರಶ್ನೆ ಉದ್ಭವವಾಗಿದೆ.
ತಾಣದ ಆವರಣದೊಳಗೆ ಕೇಸರಿ ಧ್ವಜದ ಹಾರಾಟ
ಉತ್ತರಪ್ರದೇಶದ ಆಗ್ರಾದಲ್ಲಿರುವ ತಾಜ್ಮಹಲ್ ಮುಂದೆ ನಿಂತು ಇಬ್ಬರು ಕೈಯಲ್ಲಿ ಕೇಸರಿ ಧ್ವಜ ಹಿಡಿದು ಹಾರಾಟ ನಡೆಸಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್ ಆಗಿದ್ದು, ತಾಜ್ಮಹಲ್ ಆವರಣದೊಳಗೆ ಕೇಸರಿ ಧ್ವಜದೊಂದಿಗೆ ವಿಡಿಯೋಗೆ ಪೋಸ್ ಕೂಡ ನೀಡಿದ್ದಾರೆ.
ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಭದ್ರತೆಯ ಕೊರತೆ ಕಂಡುಬರುತ್ತಿದೆ ಎಂದು ಹೇಳಲಾಗುತ್ತಿದ್ದು, ಅಧಿಕಾರಿಗಳು ಕ್ರಮ ಕೈಗೊಳ್ಳುವಂತೆ ಸೂಚನೆ ನೀಡಿದ್ದಾರೆ. ಈ ಹಿಂದೆ ಜುಲೈ ತಿಂಗಳಲ್ಲೂ ಮಹಿಳೆಯೋರ್ವರು ತಾಜ್ಮಹಲ್ದೊಳಗೆ ಪ್ರವೇಶ ಪಡೆದುಕೊಂಡು ಇದೊಂದು ಶಿವ ದೇವಾಲಯ ಎಂದು ಹೇಳಿದ್ದರು. ಆದರೆ ಧಾರ್ಮಿಕ ಭಾವನೆ ಉಲ್ಲಂಘನೆ ಮಾಡಿದ ಆರೋಪದ ಮೇಲೆ ಅವರ ಬಂಧನ ಮಾಡಲಾಗಿತ್ತು.
