ಸಿಕಾರ್ (ಉತ್ತರ ಪ್ರದೇಶ): ಜಮ್ಮು ಮತ್ತು ಕಾಶ್ಮೀರದ ಸೊಪೋರ್‌ನಲ್ಲಿ ನಿನ್ನೆ ಕೇಂದ್ರ ಮೀಸಲು ಪೊಲೀಸ್ ಪಡೆಯ (ಸಿಆರ್‌ಪಿಎಫ್) ಮೇಲೆ ಭಯೋತ್ಪಾದಕರು ಗುಂಡು ಹಾರಿಸಿದ್ದರು. ಈ ಘಟನೆಯಲ್ಲಿ ಹುತಾತ್ಮರಾದ ಯೋಧ ದೀಪ್ ಚಂದ್ ವರ್ಮಾ ಉತ್ತರ ಪ್ರದೇಶದ ಸಿಕಾರ್ ಜಿಲ್ಲೆಯವರು.
39 ವರ್ಷದ ದೀಪ್ ಚಂದ್ ವರ್ಮಾ ಮಾರ್ಚ್ 4, 2003ರಂದು ಸಿಆರ್‌ಪಿಎಫ್ಗೆ ನೇಮಕಗೊಂಡಿದ್ದರು. ಕಳೆದ ಒಂದು ವರ್ಷದ ಹಿಂದೆ ಜಮ್ಮು ಮತ್ತು ಕಾಶ್ಮೀರದಲ್ಲಿ ಹೆಡ್-ಕಾನ್ಸ್ಟೇಬಲ್ ಆಗಿ ನೇಮಕಗೊಂಡಿದ್ದರು. 2004ರಲ್ಲಿ ವಿವಾಹವಾಗಿದ್ದ ಅವರು ಪತ್ನಿ ಮತ್ತು ಮೂವರು ಮಕ್ಕಳನ್ನು ಅಗಲಿದ್ದಾರೆ.
ಸಿಆರ್‌ಪಿಎಫ್ ಮೂಲಗಳ ಪ್ರಕಾರ, ನಿನ್ನೆ ಬೆಳಗ್ಗೆ 7:30ರ ಸುಮಾರಿಗೆ ಸಿಆರ್‌ಪಿಎಫ್‌ನ 179 ಬೆಟಾಲಿಯನ್ ಗಸ್ತು ಕರ್ತವ್ಯಕ್ಕಾಗಿ ಮಾಡೆಲ್ ಟೌನ್ ಚೌಕ್ ಸೊಪೋರ್ ತಲುಪಿತ್ತು. ಆಗ ಹತ್ತಿರದ ಪ್ರಾರ್ಥನಾ ಸ್ಥಳದಲ್ಲಿ ಅಡಗಿ ಕುಳಿತಿದ್ದ ಭಯೋತ್ಪಾದಕರು ಸೈನಿಕರ ಮೇಲೆ ನಿರ್ದಾಕ್ಷಿಣ್ಯವಾಗಿ ಗುಂಡು ಹಾರಿಸಿದ್ದರು.
ದುರ್ಘಟನೆಯ್ಲಿ ಸಿಆರ್‌ಪಿಎಫ್ ಕಾನ್ಸ್ಟೇಬಲ್ ಭೋಯಾ ರಾಜೇಶ್, ಹೆಡ್ ಕಾನ್ಸ್ಟೇಬಲ್ ದೀಪ್ ಚಂದ್ ವರ್ಮಾ, ನಿಲೇಶ್ ಚಾವ್ಡೆ ಮತ್ತು ಕಾನ್ಸ್ಟೇಬಲ್ ದೀಪಕ್ ಪಾಟೀಲ್ ಗಾಯಗೊಂಡಿದ್ದರು. ಬಳಿಕ ದೀಪ್ ಚಂದ್ ವರ್ಮಾ ಹುತಾತ್ಮರಾಗಿದ್ದಾರೆ.
