ಹೈದರಾಬಾದ್ (ತೆಲಂಗಾಣ): ಯಾವುದೇ ಅರ್ಹತೆ ಹಾಗೂ ಪರವಾನಗಿ ಇಲ್ಲದೇ ರಾಜಧಾನಿಯಲ್ಲಿ ಆಸ್ಪತ್ರೆ ನಡೆಸುತ್ತಿದ್ದ ಇಬ್ಬರು ವ್ಯಕ್ತಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಇಬ್ಬರು ತಾವು ವೈದ್ಯರೆಂದು ಬಿಂಬಿಸಿಕೊಂಡು ಜನರನ್ನ ವಂಚನೆ ಮಾಡುತ್ತಿದ್ದರು ಎಂದು ಹೈದರಾಬಾದ್ ಪೊಲೀಸರು ತಿಳಿಸಿದ್ದಾರೆ.
ಮೊಹಮ್ಮದ್ ಶೋಯೆಬ್ ಸುಭಾನಿ ಮತ್ತು ಮೊಹಮ್ಮದ್ ಅಬ್ದುಲ್ ಮುಜೀಬ್ ಬಂಧಿತ ಆರೋಪಿಗಳಾಗಿದ್ದಾರೆ. ಈ ಇಬ್ಬರು 'ಸಮೀರ್ ಆಸ್ಪತ್ರೆ' ಎಂಬ ಹಾಸ್ಪಿಟಲ್ ನಡೆಸುತ್ತಿದ್ದರು. ಡಾ. ಮೊಹಮ್ಮದ್ ಅಬ್ದುಲ್ ಮುಜೀಬ್ ಎಂಬುವವರ ಹೆಸರಲ್ಲಿ ಈ ಆಸ್ಪತ್ರೆಯನ್ನ ನೋಂದಣಿ ಮಾಡಿಸಲಾಗಿತ್ತು. ಪೊಲೀಸರು ಬಂಧಿತರಿಂದ ಆಸ್ಪತ್ರೆ ನೋಂದಣಿ ಪತ್ರ ಮತ್ತು ಆಧಾರ್ ಕಾರ್ಡ್ ವಶಕ್ಕೆ ಪಡೆದಿದ್ದಾರೆ.
ಅಕ್ರಮವಾಗಿ ಆಸ್ಪತ್ರೆ ನಡೆಸುತ್ತಿದ್ದ ಬಗ್ಗೆ ಖಚಿತ ಸುಳಿವಿನ ಆಧಾರದ ಮೇಲೆ ಪಶ್ಚಿಮ ವಲಯದ ಆಯುಕ್ತರ ತಂಡ ಕಾರ್ಯಾಚರಣೆ ನಡೆಸಿ ಇಬ್ಬರನ್ನ ಬಂಧಿಸಿ ತನಿಖೆಗೆ ಒಳಪಡಿಸಿದೆ.
ಏನಿದರ ಹಿನ್ನೆಲೆ: ಸಮೀರ್ ಆಸ್ಪತ್ರೆಯ ಅಧ್ಯಕ್ಷೆ ಸುಭಾನಿ, 2017 ರಲ್ಲಿ ಹೈದರಾಬಾದ್‌ನ ಮೆಹದಿಪಟ್ನಂನಲ್ಲಿ ಆಸ್ಪತ್ರೆ ಪ್ರಾರಂಭಿಸಿದ್ದರು. ಸುಭಾನಿ ಕೇವಲ ಪಿಯುಸಿ ಪಾಸ್ ಆಗಿದ್ದರು. ಎರಡನೇ ವರ್ಷದ ಬಿ.ಕಾಂ ಪದವಿ ಮಾಡಿದ್ದ ಇವರು ಅರ್ಧದಲ್ಲೇ ಓದು ನಿಲ್ಲಿಸಿದ್ದ.
ಇನ್ನು ಈತನ ಸ್ನೇಹಿತ ಮುಜೀಬ್ ಈ ಹಿಂದೆ ಹುಮಾಯೂನ್ ನಗರದ ಎಂಎಂ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದ, ಇಬ್ಬರು ಸೇರಿ ಹಣ ಮಾಡುವ ಉದ್ದೇಶದಿಂದ ಆಸ್ಪತ್ರೆ ನಡೆಸುವ ಯೋಜನೆ ರೂಪಿಸಿ, ಅಕ್ರಮವಾಗಿ ಪರವಾನಗಿ ಪಡೆದಿದ್ದರು.
