ನವದೆಹಲಿ: ಕಾರು ಮತ್ತು ಬೈಕ್ಗಳ ಥರ್ಡ್ ಪಾರ್ಟಿ ಇನ್ಷೂರೆನ್ಸ್ ಪ್ರೀಮಿಯಂ ವೆಚ್ಚವು ಜೂನ್ 16ರಿಂದ ಏರಿಕೆಯಾಗಲಿದೆ. ವಿಮಾ ವಲಯದ ನಿಯಂತ್ರಕ ಐಆರ್ಡಿಎ ಕೆಲವು ವರ್ಗದ 3ನೇ ವ್ಯಕ್ತಿಯ ವಿಮೆಯ ಪ್ರೀಮಿಯಂ (ಟಿಪಿ) ವೆಚ್ಚವನ್ನು ಶೇ. 21ರವರೆಗೆ ಹೆಚ್ಚಿಸಿದೆ.
1,000 ಸಿಸಿಗಿಂತ ಕಡಿಮೆ ಸಾಮರ್ಥ್ಯದ ಎಂಜಿನ್ನ ಸಣ್ಣ ಕಾರುಗಳಿಗೆ ಹೊಸ ಟಿಪಿ ವಿಮಾ ವೆಚ್ಚ ₹ 1,850 ರಿಂದ ₹ 2,072ಗೆ ಏರಿಕೆಯಾಗಲಿದೆ. 1,000 ಸಿಸಿಯಿಂಸ 1,500 ಸಾಮರ್ಥ್ಯದ ಎಂಜಿನ್ ಕಾರುಗಳಿಗೆ ಶೇ. 12.5ರಷ್ಟು ವಿಮಾ ವೆಚ್ಚ ಹೆಚ್ಚಳವಾಗಿದ್ದು, ₹ 3,221 ಪಾವತಿಸಬೇಕಿದೆ. ಆದರೆ, 1,500 ಸಿಸಿಗೂ ಅಧಿಕ ಸಾಮರ್ಥ್ಯದ ಎಂಜಿನ್ ಕಾರುಗಳ ಟಿಪಿ ವಿಮೆ ಕಂತಿನ ವೆಚ್ಚ ₹ 7,890ನಲ್ಲಿ ಮುಂದುವರಿದಿದೆ.
ಬೈಕ್ಗಳ ಪೈಕಿ 75 ಸಿಸಿಗಿಂತ ಕಡಿಮೆ ಸಾಮರ್ಥ್ಯದ ಎಂಜಿನ್ ಇದ್ದರೆ ನೂತನ ಥರ್ಡ್ ಪಾರ್ಟಿ ಇ-ವಿಮೆಯ ವೆಚ್ಚ ₹482 ಹಾಗೂ 75ಯಿಂದ150ಸಿಸಿ ಎಂಜಿನ್ ಆಗಿದ್ದರೆ ವಿಮೆ ವೆಚ್ಚ₹752ಗೆ ನಿಗದಿಯಾಗಿದೆ. 150-350 ಸಿಸಿ ವಾಹನಕ್ಕೆ ಪ್ರೀಮಿಯಂ ವೆಚ್ಚ ₹ 1,193ಗೆ ಏರಿಕೆಯಾಗಿದೆ.
