ನವದೆಹಲಿ: ಜಪಾನ್ ಪ್ರಧಾನ ಮಂತ್ರಿ ಸ್ಥಾನಕ್ಕೆ ಶಿಂಜೊ ಅಬೆ ರಾಜೀನಾಮೆ ಘೋಷಿಸುವ ಮೂಲಕ, ಜಪಾನ್ ದೇಶವು ಮತ್ತೆ ರಾಜಕೀಯ ಅಸ್ಥಿರತೆಯ ಅವಧಿಯನ್ನು ಎದುರಿಸುತ್ತಿದೆ, ಆದರೆ, ಭಾರತವು ಜಾಗತಿಕ ರಂಗದಲ್ಲಿ ತನ್ನನ್ನು ತನ್ನನ್ನು ಸಮರ್ಥಿಸಬಲ್ಲಿ ಸಮರ್ಥ ವಾಚಾಳಿ ನಾಯಕರಲ್ಲಿ ಒಬ್ಬರನ್ನ ಕಳೆದುಕೊಹತ್ವದ ಪಾತ್ರ ವಹಿಸಿದ್ದರು.
"ಜಪಾನ್ ಮತ್ತು ಭಾರತದ ನಡುವಿನ ಜಾಗತಿಕ ಸಹಭಾಗಿತ್ವ" ದ ಸುಧಾರಣೆಗೆ 2001 ರಲ್ಲಿ ಅಡಿಪಾಯ ಹಾಕಲಾಯಿತು. 2005 ರಿಂದ ವಾರ್ಷಿಕ ದ್ವಿಪಕ್ಷೀಯ ಶೃಂಗಸಭೆಗಳನ್ನು ನಡೆಸಲು ಉಭಯ ದೇಶಗಳಿಂದ ಒಪ್ಪಿಗೆ ನೀಡಲಾಯಿತು. ಒಪ್ಪಲಾಯಿತು, ಜಪಾನ್ ಪ್ರಧಾನ ಮಂತ್ರಿ ಶಿಂಜೋ ಅಬೆ ಅವರು ದ್ವಿಪಕ್ಷೀಯ ಸಂಬಂಧದ ವೇಗವನ್ನು ಹೆಚ್ಚಿಸಿದರು. ತಮ್ಮ ಮೊದಲ ಅಧಿಕಾರಾವಧಿಯಲ್ಲಿ, ಪ್ರಧಾನ ಮಂತ್ರಿ ಶಿಂಜೋ ಅಬೆ ಅವರು ಭಾರತಕ್ಕೆ ಭೇಟಿ ನೀಡಿದ್ದರು.
ಆಗಸ್ಟ್ 2007 ರಲ್ಲಿ ಭಾರತೀಯ ಸಂಸತ್ತನ್ನುದ್ದೇಶಿಸಿ ಭಾಷಣ ಮಾಡಿದ್ದರು. ತಮ್ಮ “ಎರಡು ಸಮುದ್ರಗಳ ಸಂಗಮ”ದ ಭಾಷಣದಲ್ಲಿ ಭಾರತ ಮತ್ತು ಜಪಾನ್ ನಡುವಿನ ದ್ವಿಪಕ್ಷೀಯ ಸಂಬಂಧದ ಬಗ್ಗೆ ಅವರ ದೃಷ್ಟಿಕೋನವನ್ನು ಸ್ಪಷ್ಟವಾಗಿ ವಿವರಿಸಿದರು,ಲಿಷ್ಠ ದು ಅವರು ವ್ಯಕ್ತಪಡಿಸಿದ್ದ ಇಂಡೋ-ಪೆಸಿಫಿಕ್ ಪರಿಕಲ್ಪನೆಯ ಪರಿಣಾಮವೇ ಇಂದು ಬಲಿಷ್ಠ ಭಾರತ-ಜಪಾನ್ ಸಂಬಂಧಗಳು. 2012 ರಿಂದ ಅವರ ಎರಡನೆಯ ಅಧಿಕಾರಾವಧಿಯ ನಂತರ ಅವರು ಗಣರಾಜ್ಯೋತ್ಸವದ ಮುಖ್ಯ ಅತಿಥಿಯಾಗಿ ಮೂರು ಬಾರಿ ಭಾರತಕ್ಕೆ ಭೇಟಿ ನೀಡಿದ್ದಾರೆ ಮತ್ತು ಭಾರತದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರೊಂದಿಗೆ ವೈಯಕ್ತಿಕ ಸಂಬಂಧವನ್ನು ಸ್ಥಾಪಿಸಿದ್ದಾರೆ.
ಜಪಾನ್ ಪ್ರಧಾನ ಮಂತ್ರಿ ಶಿಂಜೋ ಅಬೆ ಮತ್ತು ಭಾರತದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಇಬ್ಬರಿಗೂ, ಅವರ ನಡುವಿನ ಸ್ನೇಹ ಅಸಾಮಾನ್ಯವಾಗಿ ಕಾಣಿಸಬಹುದು, ಜಪಾನ್ ಪ್ರಧಾನಿ ಅಬೆ ಪೂರ್ವಜರು ಜಪಾನಿನಲ್ಲಿ ಕಾರ್ಯಸಾಧ್ಯವಾದ ರಾಜಮನೆತನದ ರೀತಿಯ ರಾಜಕೀಯ ಹಿನ್ನೆಲೆ ಹೊಂದಿರುವವರಾಗಿದ್ದಾರೆ (ಜಪಾನ್‌ನ ಕ್ರೈಸಾಂಥೆಮಮ್ ಸಿಂಹಾಸನ ರಾಜಪ್ರಭುತ್ವದ ಪ್ರಾಚೀನ ವಂಶಾವಳಿಯಿಂದ ಭಿನ್ನವಾಗಿದೆ) - ಅಬೆ ಅವರ ಅಜ್ಜ ನೊಬುಸುಕೆ ಕಿಶಿ ಪ್ರಧಾನ ಮಂತ್ರಿಯಾಗಿದ್ದರು (1957- 60), ಅವರ ತಂದೆ ಶಿಂಟಾರೊ ಅಬೆ ವಿದೇಶಾಂಗ ಸಚಿವರಾಗಿದ್ದರು ಮತ್ತು ಜಪಾನ್ ಪ್ರಧಾನ ಮಂತ್ರಿ ಶಿಂಜೋ ಅಬೆ ಅವರು ತಮ್ಮ ಚಿಕ್ಕಪ್ಪ ಐಸಾಕು ಸಾಟೊ ಅವರನ್ನು ಹಿಂದಿಕ್ಕಿ ಜಪಾನಿನಲ್ಲಿ ಅತಿ ಹೆಚ್ಚು ಕಾಲ ಆಡಳಿತ ನಡೆಸಿದ ಪ್ರಧಾನಮಂತ್ರಿಯಾಗಿದ್ದಾರೆ - ಆದರೆ, ಭಾರತದ ಪ್ರಧಾನ ಮಂತ್ರಿಮೋದಿಯವರು ವಿನಮ್ರ ಆರಂಭದಿಂದ ಮೇಲೇರಿದ್ದಾರೆ.
ಅವರ ಬಲವಾದ ರಾಷ್ಟ್ರೀಯತಾವಾದಿ ದೃಷ್ಟಿಕೋನಗಳು, “ಬಲವಾದ” ರಾಷ್ಟ್ರದ ಹಂಚಿಕೆಯ ದೃಷ್ಟಿ ಮತ್ತು ಜಪಾನಿನ ಬಂಡವಾಳವನ್ನು ಚೀನಾದಿಂದ ಹೊರತೆಗೆಯಲು ಅಬೆ ಅವರ ಕ್ರಮೇಣ ನಡೆ ಕೇವಲ ರಾಷ್ಟ್ರೀಯ ಹಿತಾಸಕ್ತಿಗಳ ಒಗ್ಗೂಡಿಸುವಿಕೆಯನ್ನು ಹುಟ್ಟು ಹಾಕಿದೆ, ಆದರ ಜೊತೆಗೆ ಅವರ ವೈಯಕ್ತಿಕ ಬಾಂಧವ್ಯವೂ ಸಹ ಉತ್ತಮವಾಗಿದೆ. ಜಪಾನ್ ಪ್ರಧಾನ ಮಂತ್ರಿ ಶಿಂಜೋ ಅವರು ಆತಿಥೇಯ ಭಾರತದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರಿಗೆ ಅವರ ಪೂರ್ವಜರ ಮನೆ ಯಮನಶಿಯಲ್ಲಿ ಗೌರವ ಆತಿಥ್ಯ ನೀಡಿದ್ದರು. ಈ ಗೌರವ ಪಡೆದ ಮೊದಲ ವಿದೇಶಿ ನಾಯಕ ನರೇಂದ್ರಮೋದಿ ಆಗಿದ್ದಾರೆ.
ವಿದೇಶಾಂಗ ನೀತಿಯ ಮುಂಚೂಣಿಯಲ್ಲಿ, ಶಿಂಜೋ ಅಬೆ ಜಪಾನಿನ ಪ್ರಮುಖ ಮಿತ್ರ ರಾಷ್ಟ್ರವಾದ ಯುನೈಟೇಡ್‌ ಸ್ಟೇಟ್ಸ್‌ ಆಫ್‌ ಅಮೆರಿಕದ ಪಾದರಸದಂತಹ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನೇತೃತ್ವದಲ್ಲಿ ಉಳಿಯಲು ಯಶಸ್ವಿಯಾದರು, ಆದರೆ, ಹೆಚ್ಚು ಪ್ರಬಲ ಮತ್ತು ದೃಢವಾದ ಚೀನಾ ವಿರುದ್ಧ ದೃಢವಾಗಿ ನಿಂತು ಭಾರತ ಸೇರಿದಂತೆ ಇತರ ದೇಶಗಳೊಂದಿಗೆ ಸಂಬಂಧ ವೃದ್ಧಿಸಿಕೊಂಡು ಅದರೊಂದಿಗೆ, ಏಷ್ಯಾ ಆಫ್ರಿಕಾ ಬೆಳವಣಿಗೆಯ ಕಾರಿಡಾರ್ ಆರಂಭಿಸಿದರು. ಇದು ಚೀನಾ ನಿರ್ಮಿಸುತ್ತಿರುವ ಬೆಲ್ಟ್ ಮತ್ತು ರೋಡ್‌ ಯೋಜನೆಗೆ ಪರ್ಯಾಯ ಮಾದರಿಯಾಗಿದೆ. ಜಪಾನ್ ಮತ್ತು ಭಾರತ, ಯುನೈಟೇಡ್‌ ಸ್ಟೇಟ್ಸ್‌ ಆಫ್‌ ಅಮೆರಿಕ ಮತ್ತು ಆಸ್ಟ್ರೇಲಿಯಾ ಸೇರಿದಂತೆ ಪ್ರಜಾಪ್ರಭುತ್ವಗಳ ಚತುರ್ಭುಜ(ಕ್ವಾಡ್)ವನ್ನು ಒಟ್ಟುಗೂಡಿಸಿ ಒಂದು ಒಕ್ಕೂಟ ರಚಿಸುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದಾರೆ, ಈ ಮೂಲಕ ಈ ಪ್ರದೇಶದಲ್ಲಿ ಚೀನಾ ಪ್ರತಿಪಾದಿಸುವ ನೀತಿಗಳು ಅಸಹ್ಯಕರವೆಂಬುದು ಸ್ಪಷ್ಟವಾದ ಸಂಕೇತವಾಗಿದೆ.
ಅಭೂತಪೂರ್ವ ಜಾಗತಿಕ ಸ್ವೀಕಾರಾರ್ಹತೆಯ ಹೊರತಾಗಿಯೂ, ಜಪಾನ್ ಪ್ರಧಾನ ಮಂತ್ರಿ ಶಿಂಜೋ ಅಬೆ ಅವರು ಜಪಾನ್ ದೇಶದೊಳಗೆ ಜನಪ್ರಿಯ ಜನ ಬೆಂಬಲವನ್ನು ಪಡೆಯಲು ಸಾಧ್ಯವಾಗಲಿಲ್ಲ, ಅದರಲ್ಲೂ ವಿಶೇಷವಾಗಿ ಅವರ ರಾಷ್ಟ್ರೀಯತಾವಾದಿ ನೀತಿಗಳು ಮತ್ತು ದೇಶದ ಸಂವಿಧಾನವನ್ನು ಪುನಃ ರಚಿಸುವ ಮತ್ತು ಇತಿಹಾಸವನ್ನು ಪರಿಷ್ಕರಿಸುವ ಪ್ರಯತ್ನಗಳಿಗಾಗಿ, ವಿಶೇಷವಾಗಿ ಜಪಾನ್‌ನ ವಸಾಹತುಶಾಹಿ ಇತಿಹಾಸ ಮತ್ತು ಯುದ್ಧಕಾಲದ ಶೋಷಣೆ, ಹಿಂಸಾಚಾರದಲ್ಲಿ ಜಪಾನಿನ ಸಶಸ್ತ್ರ ಪಡೆಗಳ ಪಾತ್ರ ಮತ್ತು ಕೊರಿಯಾದಲ್ಲಿ 'ಸಾಂತ್ವನ ಮಹಿಳೆಯರ' ಗುಲಾಮಗಿರಿ ವಿಷಯ. ಆದರೆ, ಅವರ ಸರ್ಕಾರವು ಇತ್ತೀಚೆಗೆ ಬಿಡುಗಡೆ ಮಾಡಿರುವ ರಕ್ಷಣಾ ಕ್ಷೇತ್ರದ ಕುರಿತಾದ ಶ್ವೇತಪತ್ರವು ಹೇಳುವಂತೆ, ಜಪಾನ್ ಪ್ರಧಾನ ಮಂತ್ರಿ ಶಿಂಜೋ ಅಬೆಅವರು ಜಪಾನಿನ ಸ್ವರಕ್ಷಣಾ ಪಡೆಗಳನ್ನು ಅತ್ಯುತ್ತಮ ಮಟ್ಟಕ್ಕೆ ಬಲಪಡಿಸಿದ್ದಾರೆ.
ಭಾರತದೊಂದಿಗೆ ಜಪಾನ್ ದೇಶದ ಸಂಬಂಧವು ಸುಧಾರಿಸಿದಂತೆ, 2 + 2 ವಿದೇಶಿ ಮತ್ತು ರಕ್ಷಣಾ ಮಂತ್ರಿಗಳ ಸಭೆಯ ಉಪಕ್ರಮವು 2019 ರ ನವೆಂಬರ್‌ನಿಂದ ಪ್ರಾರಂಭವಾಯಿತು, ಇದು ಎರಡು ದೇಶಗಳ ದ್ವಿಪಕ್ಷೀಯ ಕಾರ್ಯತಂತ್ರದ ಪಾಲ್ಗೊಳ್ಳುವಿಕೆಯ ಅತ್ಯಂತ ಸಮೀಪ ಮಟ್ಟವನ್ನು ಸೂಚಿಸುತ್ತದೆ. ಯುದ್ಧದ ನಂತರದ ಶಾಂತಿಪ್ರಿಯ ಜಪಾನ್‌ಗೆ ರಕ್ಷಣಾ ಉಪಕರಣಗಳು ಮತ್ತು ತಂತ್ರಜ್ಞಾನ ವರ್ಗಾವಣೆಯ ಒಪ್ಪಂದಕ್ಕೆ ಉಭಯ ದೇಶಗಳು 2015 ರಲ್ಲಿ ಸಹಿ ಹಾಕಿದವು. ಮಿಲಿಟರಿ ಲಾಜಿಸ್ಟಿಕ್ಸ್ ಬೆಂಬಲ, ಸ್ವಾಧೀನ ಮತ್ತು ಅಂತರ್-ಸೇವೆ ಒಪ್ಪಂದದ ಬಗ್ಗೆ ಮಾತುಕತೆ ನಡೆಸುತ್ತಿವೆ.
ಭಾರತದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮತ್ತು ಜಪಾನ್ ಪ್ರಧಾನಿ ಶಿಂಜೋ ಅಬೆ ಅವರು ಭಾರತ ಮತ್ತು ಜಪಾನ್ ನಡುವಿನ ದ್ವಿಪಕ್ಷೀಯ ಸಂಬಂಧಗಳನ್ನು “ವಿಶೇಷ ಕಾರ್ಯತಂತ್ರ ಮತ್ತು ಜಾಗತಿಕ ಸಹಭಾಗಿತ್ವ” ಹಂತಕ್ಕೆ ಕೊಂಡೊಯ್ದಿದ್ದಾರೆ. ಪರಮಾಣು ದಾಳಿಯನ್ನು ಅನುಭವಿಸಿದ ಏಕೈಕ ದೇಶವಾದ ಜಪಾನ್, ಎನ್‌ಪಿಟಿ ಅಲ್ಲದ ರಾಷ್ಟ್ರವಾದ ಭಾರತದೊಂದಿಗೆ ಮೂಲ ನಾಗರಿಕ ಪರಮಾಣು ಇಂಧನ ಒಪ್ಪಂದಕ್ಕೆ ಸಹಿ ಹಾಕಿದೆ ಮತ್ತು ಈ ಸಂಬಂಧವು ಈಗ ನಾಗರಿಕ ಪರಮಾಣು ಶಕ್ತಿ, ಭಯೋತ್ಪಾದನೆ ನಿಗ್ರಹ, ಸಮುದ್ರ ಭದ್ರತೆಗೆ ರಕ್ಷಣೆ, ಗುಣಮಟ್ಟದ ಮೂಲಸೌಕರ್ಯಕ್ಕೆ ಬುಲೆಟ್ ರೈಲು ಒದಗಿಸಿದ್ದು, ಇದು ತೃತೀಯ ರಂಗದ ದೇಶಗಳು ಒಳಗೊಂಡಂತೆ ಇಂಡೋ-ಪೆಸಿಫಿಕ್ ಕಾರ್ಯತಂತ್ರದ ಭಾಗವಾಗಿದೆ. ಭಾರತದ ಈಶಾನ್ಯವು ಆಕ್ಟ್ ಈಸ್ಟ್ ಫೋರಂನ ಅಡಿಯಲ್ಲಿ ಮತ್ತೊಂದು ಕೇಂದ್ರೀಕೃತ ಪ್ರದೇಶವಾಗಿದ್ದು, ಇಲ್ಲಿ ಜಪಾನಿನ ದೊಡ್ಡ ಹೂಡಿಕೆಗಳನ್ನು ಮಾಡಲು ಒಪ್ಪಂದವಾಗಿದೆ.
ಇಂಡೋ-ಪೆಸಿಫಿಕ್ ಕಡಲ ಪ್ರದೇಶದಲ್ಲಿ ಚೀನಾದ ಆಕ್ರಮಣ ಹೆಚ್ಚಾಗಿದೆ ಮತ್ತು 2017 ರಲ್ಲಿ ಡೋಕ್ಲಾಮ್‌ ಪ್ರದೇಶದಲ್ಲಿ ಭಾರತ-ಚೀನಾ ಗಡಿ ಸಂಘರ್ಷದ ಸಮಯದಲ್ಲಿ, ಮತ್ತು ಈ ವರ್ಷದ ಆರಂಭದಲ್ಲಿ ಲಡಾಖ್‌ ಪ್ರದೇಶದ ವಾಸ್ತವಿಕ ಗಡಿ ರೇಖೆಯಲ್ಲಿ ಚೀನಾದ ಉಪಟಳದ ನಂತರ ಅಮೆರಿಕ, ಆಸ್ಟ್ರೇಲಿಯಾ, ಜಪಾನ್ ಮತ್ತು ಭಾರತ ದೇಶಗಳನ್ನೊಳಗೊಂಡ ಕ್ವಾಡ್ ಪ್ರಾತಿನಿಧ್ಯವನ್ನು ವಿದೇಶಿ ಮಂತ್ರಿಗಳ ಮಟ್ಟಕ್ಕೆ ಹೆಚ್ಚಿಸಲು ಜಪಾನ್ ಪ್ರಧಾನಿ ಅಬೆ ಮುಂದಾಗಿದ್ದಾರೆ.
ಚೀನಾದ ನಡವಳಿಕೆ ಮತ್ತು ಭಾರತದ ಗಡಿಯಲ್ಲಿ ಯಥಾಸ್ಥಿತಿಯನ್ನು ಏಕಪಕ್ಷೀಯವಾಗಿ ಬದಲಾಯಿಸುವ ಪ್ರಯತ್ನಗಳನ್ನು ಸಾರ್ವಜನಿಕವಾಗಿ ಟೀಕಿಸಿದ ಜಪಾನ್, ಭಾರತವನ್ನು ಬೆಂಬಲಿಸಿತು. ಇದರ ಮಧ್ಯೆ, ಟೋಕಿಯೊ, ಜಮ್ಮು ಮತ್ತು ಕಾಶ್ಮೀರ ಮತ್ತು ಪೌರತ್ವ ತಿದ್ದುಪಡಿ ಕಾಯ್ದೆ ಸೇರಿದಂತೆ ಭಾರತದ ದೇಶೀಯ ವಿಷಯಗಳ ಬಗ್ಗೆ ಎಂದಿಗೂ ಪ್ರತಿಕ್ರಿಯಿಸಿಲ್ಲ, ಇದರ ಪರಿಣಾಮವಾಗಿ ಭುಗಿಲೆದ್ದ ಜಪಾನ್ ವಿರುದ್ಧದ ಪ್ರತಿಭಟನೆಯು ಡಿಸೆಂಬರ್ 2019 ರಲ್ಲಿ ಜಪಾನ್ ಪ್ರಧಾನಿ ಶಿಂಜೋ ಅಬೆ ಗುವಾಹಟಿಯ ಭೇಟಿಯನ್ನು ರದ್ದುಗೊಳಿಸುವಂತೆ ಒತ್ತಾಯಿಸಿತು.
ಆರೋಗ್ಯ ಸಮಸ್ಯೆಯಿಂದಾಗಿ 2021 ರ ಸೆಪ್ಟೆಂಬರ್‌ನಲ್ಲಿ ಜಪಾನ್ ಪ್ರಧಾನ ಮಂತ್ರಿ ಹುದ್ದೆಯಿಂದ ಕೆಳಗಿಳಿಯುವುದಾಗಿ ಅವರು ಘೋಷಿಸಿದ್ದಾರೆ. ಇದೇವೇಳೆ, ತಾನು ಘೋಷಿಸಿದ ಕಾರ್ಯಕ್ರಮಗಳನ್ನ ಅರ್ಧದಲ್ಲೇ ಉಳಿಸಿ ಹೋಗುತ್ತಿರುವುದಕ್ಕೆ ಜಪಾನಿನ ಸುದೀರ್ಘ ಅವಧಿಯ ಪ್ರಧಾನ ಮಂತ್ರಿಯಾಗಿದ್ದ 66 ವರ್ಷದ ಶಿಂಜೋ ಅಬೆ ಅವರು ಜಪಾನಿನ ಜನರಲ್ಲಿ ಕ್ಷಮೆಯಾಚಿಸಿದ್ದಾರೆ.
ಶಿಂಜೋ ಅಬೆ ಅವರು ತಮ್ಮ ಸ್ಥಾನ ತೊರೆಯುವ ಸಮಯಕ್ಕೆ ಇನ್ನೂ ಒಂದು ವರ್ಷವಿದೆ. ಈ ಸಂದರ್ಭ ಅವರು, ಜಪಾನ್‌ನ ಆರ್ಥಿಕ ಪುನರುಜ್ಜೀವನದ ಮೇಲೆ ಕೇಂದ್ರೀಕರಿಸಿದ ಅವರ ಆರ್ಥಿಕ ನೀತಿ ರೂಪಿಸುವ ಬ್ರಾಂಡ್ 'ಅಬೆನೊಮಿಕ್ಸ್', ಜಪಾನಿನ ಆರ್ಥಿಕ ಪುನಶ್ಚೇತನ ಮತ್ತು ದೇಶೀಯ ಬೇಡಿಕೆ ಹೆಚ್ಚಿಸುವ ಮೂಲಕ ಜಪಾನಿನ ಆರ್ಥಿಕತೆಯಲ್ಲಿ ಸ್ಥಿರತೆ ಸೇರಿದಂತೆ ಸಾಮಾನ್ಯವಾಗಿ ಅವರ ಸಾಧನೆಗಳನ್ನು ಅವರು ಉಲ್ಲೇಖಿಸಬಹುದು.
ಜಪಾನಿನ ಪ್ರಧಾಮಂತ್ರಿ ಶಿಂಜೋ ಅಬೆ ಅವರ ಹಠಾತ್ ರಾಜೀನಾಮೆ ನಿರ್ಧಾರವು ಅವರ ಲಿಬರಲ್ ಡೆಮಾಕ್ರಟಿಕ್ ಪಕ್ಷದೊಳಗೆ ಕೋಲಾಹಲವನ್ನು ಉಂಟುಮಾಡುತ್ತದೆ. ಮತ್ತೆ ಚುನಾವಣೆ ನಡೆದು ಅವರ ಚುನಾಯಿತ ಉತ್ತರಾಧಿಕಾರಿ ಅಧಿಕಾರಕ್ಕೆ ಬರುವವರೆಗೂ ಸೆಪ್ಟೆಂಬರ್ 2021 ರವರೆಗೆ ಶಿಂಜೋ ಅಬೆ ಅವರು ತಮ್ಮ ಉಳಿದ ಅವಧಿಯನ್ನು ಪೂರೈಸುತ್ತಾರೆ. ಅವರ ಉತ್ತರಾಧಿಕಾರಿ ಭಾರತದೊಂದಿಗಿನ ಆಳವಾದ ಮತ್ತು ಆತ್ಮೀಯ ಜಪಾನ್ ಸಂಬಂಧವನ್ನು ಉಳಿಸಿಕೊಳ್ಳುತ್ತಾರೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ, ಆದರೆ, ಭಾರತವು ಸದ್ಯ ಟೋಕಿಯೊದಲ್ಲಿ ಮುಂಬರುವ ರಾಜಕೀಯ ಬೆಳವಣಿಗೆಗಳನ್ನು ಪ್ರಮುಖವಾಗಿ ಆಸಕ್ತಿಯಿಂದ ಎದುರು ನೋಡುತ್ತಿದೆ.
- ನಿಲೋವಾ ರಾಯ್ ಚೌಧರಿ
