ಬೆಂಗಳೂರು: ಜನಪ್ರಿಯ ಆಹಾರ ವಿತರಣಾ ವೇದಿಕೆಯಾದ ಬೆಂಗಳೂರು ಮೂಲದ ಸ್ವಿಗ್ಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಟ್ವೀಟ್ಗೆ ಪ್ರತ್ಯುತ್ತರ ನೀಡಿದೆ.
ಟ್ವಿಟ್ಟರ್ನಲ್ಲಿ ಟ್ರಂಪ್ಗೆ ಸ್ವಿಗ್ಗಿ ಉತ್ತರ ನೀಡಿದ್ದು, ಭಾರತೀಯ ಪಾಕಪದ್ಧತಿ ಅದರಲ್ಲೂ ವಿಶೇಷವಾಗಿ ಸಸ್ಯಾಹಾರಿ ಬಿರಿಯಾನಿ ಬಗ್ಗೆ ಚರ್ಚೆಯನ್ನು ನಡೆಸಿದೆ.
'ಚುನಾವಣೆಯಲ್ಲಿ ನಾನು ಗೆದ್ದಿದ್ದೇನೆ!' ಎನ್ನುವ ಡೊನಾಲ್ಡ್ ಟ್ರಂಪ್ ಅವರ ಟ್ವೀಟ್, ಇದೀಗ ಚರ್ಚೆಗೆ ಒಳಪಟ್ಟಿದ್ದು, ವಿವಿಧ ಖಾತೆಗಳಿಂದ ಪ್ರತ್ಯುತ್ತರಗಳು ಬರುತ್ತಿವೆ. ಈ ಚರ್ಚೆಯಲ್ಲಿ ಸ್ವಿಗ್ಗಿ ಕೂಡ ತನ್ನ ಪಾತ್ರ ವಹಿಸಿದೆ. ಚುನಾವಣೆಯಲ್ಲಿ ಗೆದ್ದಿದ್ದರೆ, 'ವೆಜ್ ಬಿರಿಯಾನಿ ಭಾರತದ ರಾಷ್ಟ್ರೀಯ ಆಹಾರ'ವಾಗಿದೆ ಎಂದು ವ್ಯಂಗ್ಯವಾಡಿದ್ದಾರೆ.
ತರಕಾರಿ ಬಿರಿಯಾನಿಯನ್ನು ಭಾರತದ ಹೆಚ್ಚಿನ ಭಾಗದ ಜನರು 'ಬಿರಿಯಾನಿ' ಎಂದೇ ಪರಿಗಣಿಸುವುದಿಲ್ಲ. ಇದನ್ನು 'ಪುಲಾವ್' ಎಂದು ಕರೆಯಲು ಬಯಸುತ್ತಾರೆ. ಈ ವಿಷಯವು ಆಗಾಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಟ್ರೋಲ್ಗೆ ಒಳಗಾಗುತ್ತಿದ್ದು, ಇದೀಗ ಟ್ರಂಪ್ ಟ್ವೀಟ್ನ ಸರದಿಯಾಗಿದೆ.
ಅಂದಹಾಗೆ ಟ್ರಂಪ್ ಟ್ವೀಟ್ ಟೀಕೆಗೆ ಒಳಗಾಗುತ್ತಿರುವುದು ಇದೇ ಮೊದಲೇನಲ್ಲ. ಸ್ವಿಗ್ಗಿ ಟ್ವೀಟ್ ಮಾಡಿದ ಕೂಡಲೇ, ಪ್ರತಿಕ್ರಿಯೆಗಳು ಹರಿದು ಬರುತ್ತಿವೆ.
