ಇಡೀ ಭಾರತವೇ ಮಾಜಿ ರಾಷ್ಟ್ರಪತಿ ಡಾ. ಸರ್ವೆಪಲ್ಲಿ ರಾಧಾಕೃಷ್ಣನ್ ಅವರ ಹುಟ್ಟುಹಬ್ಬವನ್ನು ಶಿಕ್ಷಕರ ದಿನವಾಗಿ ಆಚರಿಸುತ್ತದೆ. ಆದರೆ, ಅವರ ಹುಟ್ಟುಹಬ್ಬದ ದಿನಾಂಕದ ಬಗ್ಗೆಯೇ ಕೆಲವು ಸಂದೇಹಗಳಿವೆ.
ಪುತ್ರ ಸರ್ವೆಪಲ್ಲಿ ಗೋಪಾಲ್ ಅವರೇ ಈ ವಿಷಯವನ್ನು ಹೇಳಿಕೊಂಡಿದ್ದಾರೆ. 1992ರಲ್ಲಿ ದೆಹಲಿಯ ಆಕ್ಸ್ಫರ್ಡ್ ಪ್ರಕಾಶನವು ಸರ್ವೆಪಲ್ಲಿ ಗೋಪಾಲ್ ಅವರು ಬರೆದಿರುವ 'ರಾಧಾ ಕೃಷ್ಣನ್ ಎ ಬಯೋಗ್ರಫಿ' ಎಂಬ ಪುಸ್ತಕದಲ್ಲಿ ಈ ವಿಷಯವನ್ನು ಉಲ್ಲೇಖಿಸಿದ್ದಾರೆ.
ರಾಧಾಕೃಷ್ಣನ್ ಅವರ ಅಧಿಕೃತ ದಾಖಲೆಗಳ ಪ್ರಕಾರ ಹುಟ್ಟುಹಬ್ಬವು 1888 ಸೆಪ್ಟೆಂಬರ್ 5ರಂದು ಎಂದು ನಮೂದಿಸಲಾಗಿದೆ. ಆದರೆ ಖುದ್ದು ರಾಧಾಕೃಷ್ಣನ್ ಅವರೇ ತಾವು ಹುಟ್ಟಿದ್ದು 1887 ಸೆಪ್ಟೆಂಬರ್ 20 ಎಂದು ನಂಬಿದ್ದರು ಎಂದು ಪುತ್ರ ತಮ್ಮ ಪುಸ್ತಕದಲ್ಲಿ ಹೇಳಿದ್ದಾರೆ.
