243 ಪ್ರಯಾಣಿಕರನ್ನು ಹೊತ್ತು ಅಮೃತಸರದಿಂದ ಕೆನಡಾಗೆ ಹಾರಿದ ವಿಶೇಷ ವಿಮಾನ

ಲಾಕ್ ಡೌನ್ ಹಿನ್ನೆಲೆ ವಿಮಾನ ಸೇವೆಗಳು ಸ್ಥಗಿತಗೊಂಡು ಊರಿಗೆ ಹಿಂದಿರುಗಲಾಗದೆ ಸಿಲುಕಿಕೊಂಡಿದ್ದ ಕೆನಡಾ ಪ್ರಜೆಗಳನ್ನು ವಿಶೇಷ ವಿಮಾನದ ಮೂಲಕ ಪಂಜಾಬ್​ನ ಅಮೃತಸರ ವಿಮಾನ ನಿಲ್ದಾದಿಂದ ಕಳಿಸಿಕೊಡಲಾಯಿತು.

ಅಮೃತಸರ (ಪಂಜಾಬ್) : 243 ಕೆನಡಿಯನ್ನರನ್ನು ಹೊತ್ತ ಕತಾರ್ ಏರ್‌ವೇಸ್‌ನ ವಿಶೇಷ ವಿಮಾನ ಬುಧವಾರ ಬೆಳಗ್ಗೆ ಅಮೃತಸರ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಕೆನಡಾಗೆ ಪ್ರಯಾಣ ಬೆಳೆಸಿತು.

ಈ ಬಗ್ಗೆ ಟ್ವಿಟ್ಟರ್​ನಲ್ಲಿ ಮಾಹಿತಿ ಹಂಚಿಕೊಂಡ ರಾಜ್ಯ ಮುಖ್ಯ ಕಾರ್ಯದರ್ಶಿ ಕೆಬಿಎಸ್​ ಸಿಧು, ಅಮೃತಸರ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಕತಾರ್​ ಏರ್​ವೇಸ್​ಗೆ ಸೇರಿದ ವಿಶೇಷ ವಿಮಾನವು 243 ಕೆನಡಿಯನ್ನರನ್ನು ಹೊತ್ತು ಪ್ರಯಾಣ ಬೆಳೆಸಿದೆ. ಈ ವಿಮಾನವು ದೋಹ ಮೂಲಕ ಕೆನಡಾದ ಮಾಂಟ್ರಿಯಲ್​ಗೆ ತಲುಪಲಿದೆ ಎಂದು ತಿಳಿಸಿದ್ದಾರೆ.

ಕಳೆದ ತಿಂಗಳು ದೇಶದಲ್ಲಿ ಲಾಕ್ ಡೌನ್​ ಘೋಷಣೆಯಾದ ಬಳಿಕ ವಿಮಾನ ಸೇವೆಗಳು ಸ್ಥಗಿತಗೊಂಡು ಸಾವಿರಾರು ವಿದೇಶಿ ಪ್ರವಾಸಿಗರು ದೇಶದ ವಿವಿಧ ಭಾಗಗಳಲ್ಲಿ ಸಿಲುಕಿಕೊಂಡಿದ್ದಾರೆ. ಅವರೆಲ್ಲರನ್ನು ಹಂತ ಹಂತವಾಗಿ ವಿಶೇಷ ವಿಮಾನದ ಮೂಲಕ ಅವರ ದೇಶಗಳಿಗೆ ಕಳಿಸಲಾಗುತ್ತಿದೆ.