ಉತ್ತರಾಖಂಡ: ಭಾರೀ ಮಳೆಯಿಂದಾಗಿ ಸೇತುವೆಯ ಒಂದು ಭಾಗ ಕುಸಿತ

ಉತ್ತರಾಖಂಡದ ಪಿಥೋರಘರ್​​ ಜಿಲ್ಲೆಯಲ್ಲಿ ಗೋಸಿ ನದಿಗೆ ಅಡ್ಡಲಾಗಿ ನಿರ್ಮಿಸಲಾದ ಸೇತುವೆಯ ಒಂದು ಭಾಗ ಕುಸಿದಿದೆ. ಇದರ ಪರಿಣಾಮವಾಗಿ ಮಾರ್ಗದಲ್ಲಿ ಸಂಚಾರವನ್ನು ನಿಲ್ಲಿಸಲಾಗಿದೆ.

ಪಿಥೋರಘರ್​​​ (ಉತ್ತರಾಖಂಡ): ಭಾರೀ ಮಳೆಯ ಹಿನ್ನೆಲೆ ಉತ್ತರಾಖಂಡದ ಪಿಥೋರಘರ್​​ ಜಿಲ್ಲೆಯಲ್ಲಿ ಗೋಸಿ ನದಿಗೆ ಅಡ್ಡಲಾಗಿ ನಿರ್ಮಿಸಲಾದ ಸೇತುವೆಯ ಒಂದು ಭಾಗ ಕುಸಿದಿದೆ.

ರಾತ್ರಿಯಿಡೀ ಭಾರೀ ಮಳೆ ಸುರಿದ ಹಿನ್ನೆಲೆ ಪಿಥೋರ​ಘಡ್​ ಮತ್ತು ಬಂಗಪಾನಿ ತಹಸಿಲ್​ನಲ್ಲಿರುವ ಸೇತುವೆಯ ಒಂದು ಭಾಗ ಇಂದು ಬೆಳಗ್ಗೆ ಕುಸಿದಿದೆ ಎಂದು ತಿಳಿದು ಬಂದಿದೆ.

ಪರಿಣಾಮವಾಗಿ ಮಾರ್ಗದಲ್ಲಿ ಸಂಚಾರವನ್ನು ನಿಲ್ಲಿಸಲಾಗಿದೆ. ನಿನ್ನೆ ಪಿಥೋರಘರ್​​ ಜಿಲ್ಲೆಯ ಎರಡು ಪ್ರತ್ಯೇಕ ಘಟನೆಗಳಲ್ಲಿ ಧಾರಾಕಾರ ಮಳೆಯಿಂದಾಗಿ ಮನೆಗಳ ಮೇಲೆ ಕಲ್ಲು ಮಣ್ಣು ಕುಸಿದ ಕಾರಣ ಮೂವರು ಮೃತಪಟ್ಟಿದ್ದರು.