ಅಹಮದಾಬಾದ್ (ಗುಜರಾತ್): ಒಂದು ವರ್ಷದ ಮಗುವನ್ನು ಹಿಡಿದುಕೊಂಡು ಮಹಿಳಾ ಪೊಲೀಸ್ ಪೇದೆಯೊಬ್ಬರು ಕರ್ತವ್ಯ ನಿರ್ವಹಿಸುತ್ತಿದ್ದ ದೃಶ್ಯ ಅಹಮಾದಾಬಾದ್‌ನಲ್ಲಿ ಕಂಡುಬಂತು.
ನಗರದ ವಿಸಾತ್ ಪ್ರದೇಶದ ಠಾಣೆಯಲ್ಲಿ ಸಂಗೀತಾ ಪಾರ್ಮರ್ ಎಂಬ ಮಹಿಳಾ ಪೇದೆ ಕರ್ತವ್ಯ ನಿರ್ವಹಣೆಯ ಜೊತೆಜೊತೆಗೆ, ತನ್ನ ಕೆಲಸದ ನಡುವೆಯೂ ಮಗುವಿನ ಲಾಲನೆಯಲ್ಲಿಯೂ ತೊಡಗಿದ್ದರು.
ಪೊಲೀಸ್ ಪೇದೆ ಸಂಗೀತಾ ಪಾರ್ಮರ್
ಈ ಬಗ್ಗೆ ಮಾತನಾಡಿರುವ ಅವರು, ತಾಯಿಯಾಗಿ ಮತ್ತು ಪೊಲೀಸ್ ಪೇದೆಯಾಗಿ ಎರಡೂ ಕೆಲಸಗಳನ್ನೂ ನಿರ್ವಹಿಸುವುದು ಕಷ್ಟ. ಆದರೂ ಇದು ನನ್ನ ಕರ್ತವ್ಯ. ಮಗುವಿಗೆ ಹುಷಾರಿಲ್ಲ, ಆದ್ದರಿಂದ ಮೊಲೆ ಹಾಲುಣಿಸಲು ಕರೆದುಕೊಂಡು ಬಂದಿರುವೆ ಎಂದು ತಿಳಿಸಿದ್ದಾರೆ.
