ರಾಂಚಿ: ಆರ್ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್ ಯಾದವ್ ಮತ್ತೊಮ್ಮೆ ತೊಂದರೆಯಲ್ಲಿ ಸಿಲುಕಿದ್ದಾರೆ. ವೈರಲ್ ಆಡಿಯೋಗೆ ಸಂಬಂಧಿಸಿದಂತೆ ಲಾಲು ಪ್ರಸಾದ್ ವಿರುದ್ಧ ಮತ್ತೊಂದು ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಲಾಗಿದೆ.
ಎನ್ಐಎ ತನಿಖೆಗೆ ಒತ್ತಾಯ: ಭಾರತೀಯ ಜನತಾ ಪಕ್ಷದ ಮುಖಂಡ ಅನುರಂಜನ್ ಅಶೋಕ್ ಅವರು ಬಿಹಾರದ ಮಾಜಿ ಮುಖ್ಯಮಂತ್ರಿ ಮೇವು ಹಗರಣ ಪ್ರಕರಣದ ವೈರಲ್ ಆಡಿಯೋ ಆಧಾರದ ಮೇಲೆ ಜಾರ್ಖಂಡ್ ಹೈಕೋರ್ಟ್ನಲ್ಲಿ ಪಿಐಎಲ್ ಸಲ್ಲಿಸಿದ್ದಾರೆ.
ಅರ್ಜಿದಾರರ ಪರ ವಕೀಲ ರಾಜೀವ್ ಕುಮಾರ್ ಮಾತನಾಡಿ, ಜೈಲಿನಲ್ಲಿ ಫೋನ್ ಬಳಕೆ ಮತ್ತು ಫೋನ್ ಬದಲಾಯಿಸುವಂತೆ ಮಾತನಾಡಿರುವ ವೈರಲ್ ಆಡಿಯೋವನ್ನು ಆಧಾರವಾಗಿರಿಸಲಾಗಿದ್ದು, ಜೈಲಿನಿಂದ ಬಿಡುಗಡೆ ಹೊಂದಲು ನಡೆಸಿದ ತಂತ್ರಗಳ ಬಗ್ಗೆ ಪಿಐಎಲ್ನಲ್ಲಿ ನಮೂದಿಸಲಾಗಿದೆ. ಅಷ್ಟೇ ಅಲ್ಲದೇ, ಜೈಲು ನಿಯಮಗಳನ್ನು ಉಲ್ಲಂಘನೆ ಸಹ ಮಾಡಲಾಗಿದೆ.
ಈ ಹಿಂದೆ ಸಲ್ಲಿಸಿದ್ದ ಅರ್ಜಿಯಲ್ಲಿ ಲಾಲು ಪ್ರಸಾದ್ ಜೈಲಿನಿಂದ ರಾಜಕೀಯ ತಂತ್ರಗಳನ್ನು ಮಾಡುತ್ತಿದ್ದು, ಬಿಹಾರ ಸರ್ಕಾರ ಉರುಳಿಸಲು ಯತ್ನಿಸುತ್ತಿದ್ದಾರೆ ಎಂಬ ಆರೋಪವೂ ಕೇಳಿ ಬಂದಿದೆ.
