ಮುಂಬೈ: ತಾಂತ್ರಿಕ ತೊಂದರೆಯ ಕಾರಣ ಏರ್ ಇಂಡಿಯಾ ಬೋಯಿಂಗ್-865 ವಿಮಾನ ಹಾರಾಟ ಮಾಡಲು ವಿಳಂಬವಾದ ಕಾರಣ ಆಕ್ರೋಶಗೊಂಡ ಪ್ರಯಾಣಿಕರು ಕಾಕ್ಪಿಟ್ ಬಾಗಿಲು ಮುರಿಯಲು ಯತ್ನಿಸಿರುವ ಘಟನೆ ನಡೆದಿದೆ.
ತಾಂತ್ರಿಕ ತೊಂದರೆಯಿಂದ ಹಾರದ ಏರ್ ಇಂಡಿಯಾ ವಿಮಾನ
ಜನವರಿ 2ರಂದು ಈ ಘಟನೆ ನಡೆದಿದ್ದು, ದೆಹಲಿ-ಮುಂಬೈ ನಡುವೆ ಪ್ರಯಾಣ ಬೆಳೆಸಬೇಕಾಗಿದ್ದ ವಿಮಾನ ತಾಂತ್ರಿಕ ತೊಂದರೆ ಕಾರಣ ಹಾರಾಟ ನಡೆಸಲು ವಿಳಂಬ ಮಾಡಿದೆ. ಈ ವೇಳೆ ಅದರೊಳಗೆ ಕುಳಿತಿದ್ದ ಪ್ರಯಾಣಿನೊಬ್ಬ ಅಶಿಸ್ತಿನಿಂದ ನಡೆದುಕೊಂಡಿದ್ದು, ಬಾಗಿಲು ತೆಗೆಯುವ ಪ್ರಯತ್ನ ನಡೆಸಿದ್ದಾನೆ. ಈ ವೇಳೆ ವಿಮಾನಯಾನ ಸಿಬ್ಬಂದಿ ಅವರ ಮನವೊಲಿಕೆ ಮಾಡುವ ಯತ್ನ ನಡೆಸಿದ್ದಾರೆ. ಅದರ ವಿಡಿಯೋ ಇದೀಗ ವೈರಲ್ ಆಗಿದೆ.
ಪ್ರಯಾಣಿಕನ ವರ್ತನೆ ಬಗ್ಗೆ ಈಗಾಗಲೇ ಏರ್ ಇಂಡಿಯಾ ಮ್ಯಾನೇಜ್ಮೆಂಟ್ ವರದಿ ಕೇಳಿದ್ದು, ಅದನ್ನ ಪಡೆದುಕೊಂಡ ಬಳಿಕ ಮುಂದಿನ ಕ್ರಮ ಜರುಗಿಸುವುದಾಗಿ ತಿಳಿಸಿದ್ದಾರೆ.
