ಜಮ್ಮು: ದಕ್ಷಿಣ ಕಾಶ್ಮೀರದ ವಾರ್ಷಿಕ ತೀರ್ಥಯಾತ್ರೆ ಕೈಗೊಳ್ಳುವ ಸಲುವಾಗಿ ಇಂದು 2,723 ಯಾತ್ರಿಕರ 23ನೇ ತಂಡ ಜಮ್ಮುವಿನಿಂದ ಅಮರನಾಥಕ್ಕೆ ತೆರಳಿವೆ.
626 ಮಹಿಳೆಯರು, 5 ಮಕ್ಕಳು, 141 ಸಾಧುಗಳನ್ನು ಬಿಗಿ ಭದ್ರತೆ ಒದಗಿಸಿ, 100 ಗಾಡಿಗಳ ಮೂಲಕ ಕಳುಹಿಸಲಾಗಿದೆ. ಅಲ್ಲದೇ, ಯಾತ್ರಿಕರು ಆದಷ್ಟು ಬೇಗ ಎರಡು ಬೇಸ್ ಕ್ಯಾಂಪ್ಗಳಿಗೆ ತಲುಪುವ ನಿರೀಕ್ಷೆಯಲ್ಲಿದ್ದಾರೆಂದು ಅಧಿಕಾರಿಗಳು ತಿಳಿಸಿದ್ದಾರೆ. ಜುಲೈ 1ಕ್ಕೆ ಪಹಲ್ಗಾಮ್ ಮತ್ತು ಬಾಲ್ಟಾಲ್ ಮಾರ್ಗ ಮೂಲಕವಾಗಿ ಆರಂಭಗೊಂಡ ಅಮರನಾಥ ಯಾತ್ರೆ ಉತ್ತಮ ರೀತಿಯಲ್ಲಿ ಪ್ರಗತಿಯಲ್ಲಿದ್ದು, ಈಗಾಗಲೇ 2,96,302 ಮಂದಿ 3,880 ಮೀಟರ್ ಎತ್ತರದಲ್ಲಿರುವ ಹಿಮಾವೃತ ಶಿವಲಿಂಗಕ್ಕೆ ಪಾರ್ಥನೆ ಸಲ್ಲಿಸಿದ್ದಾರೆ.
ಈ ಹೊಸ ಬ್ಯಾಚ್ನ 220 ಮಹಿಳೆಯರು, 1ಮಗು 141 ಸಾಧುಗಳು ಸೇರಿದಂತೆ 1,476 ಯಾತ್ರಾರ್ಥಿಗಳು ಪಹಲ್ಗಾಮ್ ಬೇಸ್ ಕ್ಯಾಂಪ್ನಿಂದ, ಉಳಿದ 406 ಮಹಿಳೆಯರು, 4 ಮಕ್ಕಳು ಸೇರಿದಂತೆ ಒಟ್ಟು ಬಾಲ್ಟಾಲ್ ಮಾರ್ಗ ಮೂಲಕವಾಗಿ ಅಮರನಾಥಕ್ಕೆ ಯಾತ್ರೆ ನಡೆಸಲಿದ್ದಾರೆಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಯಾತ್ರೆ ಆಗಸ್ಟ್ 15ಕ್ಕೆ ರಕ್ಷಾ ಬಂಧನ ದಿನದಂದು ಮುಕ್ತಾಯಗೊಳ್ಳಲಿದೆ. ಕಳೆದ ಬಾರಿಯ ಯಾತ್ರೆಯ 22ನೇ ದಿನದಂದು 2.85 ಲಕ್ಷ ಯಾತ್ರಿಕರು ಭೇಟಿ ನೀಡಿದ್ದು, ಈ ಬಾರಿ ಆ ದಾಖಲೆಯನ್ನು ಮುರಿದಿದೆ. 2015ರಲ್ಲಿ 3,52,771 ಯಾತ್ರಿಕರು, 2016ರಲ್ಲಿ 3,52,771 ಯಾತ್ರಿಕರು ಹಾಗೂ 2017ರಲ್ಲಿ 2,60,003 ಯಾತ್ರಿಕರು ಅಮರನಾಥಕ್ಕೆ ಭೇಟಿ ನೀಡಿದ್ದು ಈ ಬಾರಿ ಎಲ್ಲಾ ದಾಖಲೆಗಳನ್ನು ಮುರಿಯುವ ಸಾಧ್ಯತೆಯಿದೆ.
