ನವದೆಹಲಿ: ಪುಲ್ವಾಮಾ ಉಗ್ರದಾಳಿಗೆ ಪ್ರತ್ಯುತ್ತರವಾಗಿ ಫೆ.26ರ ನಸುಕಿನ ಜಾವ ಬಾಲಾಕೋಟ್ ಉಗ್ರ ನೆಲೆಗಳ ಭಾರತ ನಡೆಸಿದ ವಾಯುದಾಳಿಗೆ 'ಆಪರೇಷನ್ ಬಂದರ್' ಎನ್ನುವ ಕೋಡ್ವರ್ಡ್ ನೀಡಿತ್ತು ಎನ್ನುವುದು ಹಳೆಯ ಸುದ್ದಿ. ಬಾಲಾಕೋಟ್ ಮೇಲೆ ದಾಳಿ ಮಾಡಿದ ಹನ್ನೆರಡು ಮಿರಾಜ್ 2000 ಯುದ್ಧವಿಮಾನದ ಕೋಡ್ ಏನಾಗಿತ್ತು ಎನ್ನುವುದು ಈಗ ರಿವೀಲ್ ಆಗಿದೆ.
ಬಾಲಕೋಟ್ ವಾಯುದಾಳಿ ಕೋಡ್ವರ್ಡ್ ಬಹಿರಂಗ..!
ಬಾಲಾಕೋಟ್ ಮೇಲೆ ದಾಳಿ ನಡೆಸಲು ಭಾರತೀಯ ವಾಯುಸೇನೆ ಹನ್ನೆರಡು ಮಿರಾಜ್ 2000 ಯುದ್ಧವಿಮಾನವನ್ನು ಇಳಿಸಿತ್ತು. ಈ ಯುದ್ಧ ವಿಮಾನಗಳಿಗೆ 'ಸ್ಪೈಸ್'(Spice) ಎನ್ನುವ ಕೋಡ್ ನೀಡಲಾಗಿತ್ತು ಎಂದು ವಾಯುಸೇನೆ ಹೇಳಿಕೊಂಡಿದೆ.
ಯಾಕೆ 'ಸ್ಪೈಸ್' ಕೋಡ್...?
ಮಿರಾಜ್ 2000 ಯುದ್ಧವಿಮಾನ ಸ್ಪೈಸ್ ಬಾಂಬ್ಗಳನ್ನು ತುಂಬಿಸಿಕೊಂಡು ಉಗ್ರನೆಲೆಗಳತ್ತ ಧಾವಿಸಿತ್ತು. ಈ ಸ್ಪೈಸ್ ಬಾಂಬ್ಗಳು ವಿಶೇಷ ಸಾಮರ್ಥ್ಯ ಹೊಂದಿದೆ. 60ಕಿ.ಮೀ ದೂರದಲ್ಲಿರುವ ಗುರಿಯನ್ನು ಸುಲಭವಾಗಿ ಹೊಡೆಯಬಲ್ಲ ತಾಕತ್ತು ಈ ಸ್ಪೈಸ್ ಬಾಂಬ್ ಹೊಂದಿದೆ.
ದಾಳಿಗೂ ಮುನ್ನ ನಾವು ಸಾಕಷ್ಟು ಸಿಗರೇಟ್ ಸೇದಿದ್ದೆವು! ಬಾಲಾಕೋಟ್ ದಾಳಿಯ ರೋಚಕ ಕ್ಷಣಗಳು
ಬಾಲಾಕೋಟ್ ದಾಳಿಗೆ ಭಾರತೀಯ ವಾಯುಸೇನೆ ಬಳಕೆ ಮಾಡಿದ ಸ್ಪೈಸ್ ಬಾಂಬ್ ಕೊಂಚ ಭಿನ್ನವಾಗಿದೆ. ಈ ಬಾಂಬ್ಗಳು ನಿರ್ದಿಷ್ಟ ಜಾಗದ ಕಟ್ಟಡಗಳನ್ನು ಧ್ವಂಸ ಮಾಡುವುದಿಲ್ಲ, ಬದಲಾಗಿ ಆ ಕಟ್ಟಡದಲ್ಲಿ ದೊಡ್ಡ ತೂತುಗಳಿಗೆ ಕಾರಣವಾಗುತ್ತದೆ. ಜೊತೆಗೆ ಆ ಕಟ್ಟಡದಲ್ಲಿರುವ ಜನರು ಸಾವನ್ನಪ್ಪುತ್ತಾರೆ.
