ಕರ್ನಾಲ್ (ಹರಿಯಾಣ): ರಾಷ್ಟ್ರೀಯ ಡೈರಿ ಸಂಶೋಧನಾ ಸಂಸ್ಥೆ (ಎನ್ಡಿಆರ್ಐ) ಹೆಚ್ಚಿನ ಹಾಲು ಉತ್ಪಾದನೆ ಮಾಡುವ ಎಮ್ಮೆಯ ತಳಿಯೊಂದನ್ನು ಅಭಿವೃದ್ಧಿ ಪಡಿಸಿದ್ದು, ಈ ತಳಿಯ ಗಂಡು ಕರುವಿಗೆ ತೇಜಸ್ ಎಂದು ಹೆಸರಿಟ್ಟಿದೆ.
ಕ್ಲೋನಿಂಗ್ ತಂತ್ರಜ್ಞಾನದ ಮೂಲಕ ಈ ಎಮ್ಮೆಯ ತಳಿ ಅಭಿವೃದ್ಧಿಪಡಿಸಿದ್ದು, ಎಮ್ಮೆಗಳಲ್ಲಿ ಹಾಲು ಉತ್ಪಾದನೆ ಮಾಡಲು ಇದು ಸಹಕಾರಿಯಾಗಿದೆ ಎಂದು ಎನ್ಡಿಆರ್ಐ ನಿರ್ದೇಶಕ ಮನಮೋಹನ್ ಸಿಂಗ್ ಚೌಹಾಣ್ ತಿಳಿಸಿದ್ದಾರೆ.
ರೈತರ ಆದಾಯ ಹೆಚ್ಚಿಸುವ ಭಾಗವಾಗಿ ಈ ಡೈರಿ ಸಂಶೋಧನಾ ಕೇಂದ್ರವು ದೇಶದಲ್ಲಿ ಹಾಲು ಉತ್ಪಾದನೆ ಹೆಚ್ಚಿಸಲು ಕೆಲಸ ಮಾಡುತ್ತಿದೆ ಎಂದು ಚೌಹಾಣ್ ಹೇಳಿದ್ದು ಈ ಹೊಸ ತಳಿಯ ಕೃತಕ ಗರ್ಭಧಾರಣೆಗೆ 2021-22ರ ವೇಳೆಗೆ 140 ಮಿಲಿಯನ್ ಡೋಸ್ ವೀರ್ಯದ ಅವಶ್ಯಕತೆ ಇದೆ. ಪ್ರಸ್ತುತ 85 ಮಿಲಿಯನ್ ಡೋಸ್ಗಳು ಲಭ್ಯವಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಈ ಹೊಸ ತೇಜಸ್ ತಳಿಯನ್ನು ಕ್ಲೋನ್ ಮಾಡಲಾದ 16 ಎಮ್ಮೆಗಳ ಹಾಲು, ಕಿವಿ, ರಕ್ತ, ವೀರ್ಯಗಳಿಂದ ಪಡೆದ ಜೀವಕೋಶಗಳನ್ನು ಬಳಸಿ ಅಭಿವೃದ್ಧಿಪಡಿಸಲಾಗಿದೆ ಎಂದು ಚೌಹಾಣ್ ಹೇಳಿದ್ದಾರೆ.
2009ರಲ್ಲಿ ಎನ್ಡಿಆರ್ಐ ಈ ಸಂಸ್ಥೆಯಲ್ಲಿ ಗರಿಮಾ ಎಂಬ ಹೆಸರಿನ ಮೊದಲ ಹೆಣ್ಣು ಎಮ್ಮೆ ತದ್ರೂಪಿಯನ್ನು ಅಭಿವೃದ್ಧಿ ಪಡಿಸಿ ಪ್ರಚಲಿತಕ್ಕೆ ಬಂದಿತ್ತು. ಗರಿಮಾದ ನಂತರ ಸಾಮಾನ್ಯ ಜನನದ ಮೂಲಕ 2013 ಮತ್ತು 2014ರಲ್ಲಿ ಮಹಿಮಾ ಮತ್ತು ಕರಿಷ್ಮಾ ಎಂಬ ಎಮ್ಮೆಯ ತಳಿಗಳನ್ನು ಅಭಿವೃದ್ಧಿಪಡಿಸಿತ್ತು.
