ಮಾಸ್ಕ್​ ಧರಿಸುವುದನ್ನು ಹೀಯಾಳಿಸಿದ ವ್ಯಕ್ತಿಗೆ ಕೊರೊನಾ ಪಾಸಿಟಿವ್, ಇದೆಂಥಾ ವಿಚಿತ್ರ ನೋಡಿ!

ಮಾಸ್ಕ್​ ಧರಿಸಿಕೊಂಡು ಮನೆಯಿಂದ ಹೊರಗಡೆ ಬರುವಂತೆ ಎಲ್ಲ ರಾಜ್ಯಗಳ ಸಿಎಂಗಳು ಮನವಿ ಮಾಡ್ತಿದ್ದು, ಇದರ ಮಧ್ಯೆ ಟಿಕ್​ಟಾಕ್​​ನಲ್ಲಿ ತಲೆಹರಟೆ ಮಾಡಿದ್ದ ವ್ಯಕ್ತಿಯೋರ್ವನಿಗೆ ಕೋವಿಡ್​ ಕಾಣಿಸಿಕೊಂಡಿದೆ.

ಸಾಗರ್​: ದೇಶವೇ ಮಹಾಮಾರಿ ಕೊರೊನಾದಿಂದ ತತ್ತರಿಸಿ ಹೋಗಿದ್ದು, ಯಾವುದೇ ಕಾರಣಕ್ಕೂ ಮಾಸ್ಕ್​ ಹಾಕಿಕೊಳ್ಳದೇ ಮನೆಯಿಂದ ಹೊರಬರಬೇಡಿ ಎಂದು ಎಲ್ಲ ರಾಜ್ಯಗಳು ಈಗಾಗಲೇ ಜನರಿಗೆ ಖಡಕ್ ಸೂಚನೆ ನೀಡಿವೆ. ಇದರ ಮಧ್ಯೆ ಮಾಸ್ಕ್​ ಹಾಕಿಕೊಳ್ಳುವುದಕ್ಕೆ ಸಂಬಂಧಿಸಿದಂತೆ ಅವಹೇಳನ ಮಾಡಿದ್ದ ವ್ಯಕ್ತಿಯಲ್ಲಿ ಇದೀಗ ಈ ವೈರಸ್​ ಕಾಣಿಸಿಕೊಂಡಿದೆ.

ಮಧ್ಯಪ್ರದೇಶದ ಸಾಗರ್​​ನಲ್ಲಿ ಟಿಕ್​ಟಾಕ್​ ಮಾಡ್ತಿದ್ದ ವ್ಯಕ್ತಿಯೋರ್ವ ಕಳೆದ ಕೆಲ ದಿನಗಳ ಹಿಂದೆ ಮಾಸ್ಕ್​ ಧರಿಸುವ ವಿಚಾರಕ್ಕೆ ಸಂಬಂಧಿಸಿದಂತೆ ಟಿಕ್​ಟಾಕ್​ ಮಾಡಿ ಅದರಲ್ಲಿ ಅವಹೇಳನ ಮಾಡಿದ್ದನು. ಇದರಲ್ಲಿ ದೇವರ ಮೇಲೆ ನೀವೂ ನಂಬಿಕೆ ಇಡಬೇಕೇ ಹೊರತು ಮಾಸ್ಕ್​ ಮೇಲೆ ಅಲ್ಲ ಎಂದು ಹೇಳಿದ್ದ. ಇದೀಗ ಅದೇ ವ್ಯಕ್ತಿಯಲ್ಲಿ ಕೊರೊನಾ ಪಾಸಿಟಿವ್​ ಕಾಣಿಸಿಕೊಂಡಿದೆ.

ತುಂಡು ಬಟ್ಟೆ ಮೇಲೆ ನಂಬಿಕೆ ಇಡುವುದನ್ನು ಬಿಟ್ಟು ಮೇಲಿರುವ ದೇವರ ಮೇಲೆ ನಂಬಿಕೆ ಇಡಿ ಎಂದು ಹೇಳಿದ್ದ ಟಿಕ್​ಟಾಕ್​ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿದ್ದು, ಅದಕ್ಕೆ ವಿರೋಧ ಕೂಡ ವ್ಯಕ್ತವಾಗಿತ್ತು. ಇದೀಗ 25 ವರ್ಷದ ವ್ಯಕ್ತಿಯನ್ನ ಇದೀಗ ಬುಂದೇಲ್​ಖಂಡ್​ನ ಐಸೋಲೇಷನ್​ ವಾರ್ಡ್​​ನಲ್ಲಿರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಈ ವ್ಯಕ್ತಿ ಕಳೆದ ಕೆಲ ದಿನಗಳ ಹಿಂದೆ ಜಬಲ್ಪುರ್​ದಲ್ಲಿರುವ ತನ್ನ ಸಹೋದರಿ ಮನೆಗೆ ತೆರಳಿದ್ದನು. ಆತನಲ್ಲಿ ಕೊರೊನಾ ಲಕ್ಷಣ ಕಾಣಿಸಿಕೊಂಡಿದ್ದರಿಂದ ಟೆಸ್ಟ್​ ನಡೆಸಲಾಗಿದ್ದು, ಈ ವೇಳೆ ಮಹಾಮಾರಿ ಇರುವುದು ಕನ್ಫರ್ಮ್​​ ಆಗಿದೆ.

ಇನ್ನು ವಾರ್ಡ್​​ನಿಂದಲೇ ಹುಚ್ಚಾಟ ಮುಂದುವರಿಸಿದ್ದ ಈ ವ್ಯಕ್ತಿ ಟಿಕ್​ಟಾಕ್​ನಲ್ಲಿ ಕೆಲವೊಂದು ವಿಡಿಯೋ ಅಪ್​ಲೋಡ್​ ಮಾಡಿದ್ದು, ತನಗೆ ಕೊರೊನಾ ಕಾಣಿಸಿಕೊಂಡಿದ್ದು, ದೇವರಲ್ಲಿ ಪ್ರಾರ್ಥನೆ ಮಾಡಿ ಎಂದು ಹೇಳಿದ್ದ ವಿಡಿಯೋ ಹರಿಬಿಟ್ಟಿದ್ದನು.ಇದರಿಂದ ಆಕ್ರೋಶಗೊಂಡ ಪೊಲೀಸರು ಆತನ ಮೊಬೈಲ್​​ ಕಿತ್ತುಕೊಂಡಿದ್ದಾರೆ.