ನವದೆಹಲಿ: ಪಿಎಂ ಆವಾಸ್ ಯೋಜನೆ (ಪಿಎಂವೈ) ಅಡಿ ನಗರ ಪ್ರದೇಶದಲ್ಲಿ 2020ರಿಂದ ಮುಂದಿನ ಎರಡು ವರ್ಷಗಳಲ್ಲಿ 1 ಕೋಟಿ ಮನೆಗಳನ್ನು ನಿರ್ಮಿಸಿ ಫಲಾನುಭವಿಗಳಿಗೆ ಹಸ್ತಾಂತರಿಸುವುದಾಗಿ ಕೇಂದ್ರ ವಸತಿ ಸಚಿವ ಹರ್ದೀಪ್ ಸಿಂಗ್ ಪುರಿ ಭರವಸೆ ನೀಡಿದ್ದಾರೆ.
ಮುಂದಿನ ವರ್ಷದ ಮೊದಲ ತ್ರೈಮಾಸಿಕದ ವೇಳೆಗೆ ಅಗತ್ಯವಿರುವ ಎಲ್ಲ ಮನೆಗಳಿಗೆ ಮಂಜೂರಾತಿ ದೊರೆಯಲಿದೆ. ವರ್ಷಾಂತ್ಯಕ್ಕೆ ಈ ವಸತಿಗಳ ನಿರ್ಮಾಣ ಕಾರ್ಯ ಪೂರ್ಣಗೊಳ್ಳುವ ವಿಶ್ವಾಸವಿದೆ ಎಂದು ಪುರಿ ಹೇಳಿದ್ದಾರೆ.
4.83 ಲಕ್ಷ ಕೋಟಿ ರೂ. ಹೂಡಿಕೆಯೊಂದಿಗೆ ಈವರೆಗೆ 81 ಲಕ್ಷಕ್ಕೂ ಅಧಿಕ ಮನೆಗಳನ್ನು ಮಂಜೂರು ಮಾಡಲಾಗಿದೆ. ಒಂದು ಕೋಟಿ ಮನೆಗಳ ಬೇಡಿಕೆಯಲ್ಲಿ ಇಷ್ಟುನ್ನು ಪೂರೈಸಿದ್ದೇವೆ. ಪಿಎಂಎವೈನ ಕ್ರೆಡಿಟ್-ಲಿಂಕ್ಡ್ ಸಬ್ಸಿಡಿ ಯೋಜನೆಯಡಿ 6.32 ಲಕ್ಷಕ್ಕೂ ಹೆಚ್ಚು ಕುಟುಂಬಗಳು ಬಡ್ಡಿ ಸಹಾಯಧನ ಪಡೆದಿವೆ ಎಂದು ವಿವರಿಸಿದ್ದಾರೆ.
