ಹೈದರಾಬಾದ್​: ನಾಪತ್ತೆಯಾಗಿದ್ದ ಬಾಲಕಿ ಶವವಾಗಿ ಪತ್ತೆ

ನಾಪತ್ತೆಯಾಗಿದ್ದ ಹೈದರಾಬಾದ್​ ನಗರದ ಬಾಲಕಿಯೋರ್ವಳು ಶವವಾಗಿ ಪತ್ತೆಯಾಗಿದ್ದಾಳೆ.

ಹೈದರಾಬಾದ್: ಗುರುವಾರ ಸಂಜೆ ನಾಪತ್ತೆಯಾಗಿದ್ದ ನಗರದ ನೆರೆಡ್‌ಮೆಟ್‌ ಕಾಕತಿಯಾ ನಗರದ 12 ವರ್ಷದ ಬಾಲಕಿ ಶವವಾಗಿ ಪತ್ತೆಯಾಗಿದ್ದಾಳೆ.

ಮೃತ ಬಾಲಕಿಯನ್ನು ಸುಮೇಧಾ ಕಪುರಿಯಾ ಎಂದು ಗುರುತಿಸಲಾಗಿದೆ. ಗುರುವಾರ ಸಂಜೆ ಮನೆಯಿಂದ ಸೈಕಲ್​​ನಲ್ಲಿ ತೆರಳಿದ ಸುಮೇಧಾ ಬಳಿಕ ನಾಪತ್ತೆಯಾಗಿದ್ದಳು. ಈ ಬಗ್ಗೆ ಪೋಷಕರು ನಾಪತ್ತೆ ದೂರು ದಾಖಲಿಸಿದ್ದರು.

ಬಾಲಕಿಯ ಸೈಕಲ್​ ಪತ್ತೆಯಾದ ಸ್ಥಳ

ಬಾಲಕಿಗಾಗಿ ಹಡುಕಾಟ ಆರಂಭಿಸಿದ ಪೊಲೀಸರು, ಚರಂಡಿಯೊಂದರಲ್ಲಿ ಆಕೆಯ ಸೈಕಲ್ ಪತ್ತೆ ಮಾಡಿದ್ದಾರೆ. ಇಂದು ಬಾಲಕಿಯ ಮೃತದೇಹ ನೆರೆಡ್‌ಮೆಟ್ ಬಂಡಾ ನದಿಯಲ್ಲಿ ಪತ್ತೆಯಾಗಿದೆ. ಮೃತದೇಹವನ್ನು ಉಸ್ಮಾನಿಯಾ ಆಸ್ಪತ್ರೆಗೆ ರವಾನಿಸಲಾಗಿದೆ.