ಕೊರೊನಾ ವೈರಸ್ ಸೋಂಕಿತ ವ್ಯಕ್ತಿಯು ನಿಮ್ಮ ಹತ್ತಿರದಲ್ಲಿ ನಿಂತು ಸೀನುವುದು ಅಥವಾ ಕೆಮ್ಮುವುದಕ್ಕಿಂತ ಅಪಾಯಕಾರಿ ಈಗಿನ ಸನ್ನಿವೇಶದಲ್ಲಿ ಮತ್ತೊಂದಿಲ್ಲ. ಗಾಳಿಯಲ್ಲಿ, ಕಚೇರಿಯಲ್ಲಿ ಅಷ್ಟೇ ಏಕೆ ವಿಮಾನದಲ್ಲೂ ಕೊರೊನಾ ವೈರಸ್ ಸೋಂಕಿತನಿಂದ ವೈರಸ್ ಹರಡುತ್ತದೆ. ಅಂದರೆ ಕೊರೊನಾ ವೈರಸ್ ಹರಡುವ ವ್ಯಾಪ್ತಿ ಎಷ್ಟು ವಿಶಾಲವಾಗಿದೆ ಎಂಬುದನ್ನು ನೀವು ಊಹಿಸಬಹುದು.
ಕೊರೊನಾ ವೈರಸ್ ಹರಡುವಿಕೆಯ ಕುರಿತು ಅಮೆರಿಕದ ಇಂಡಿಯಾನಾ ವಿಶ್ವವಿದ್ಯಾಲಯವು ಚಿತ್ರಗಳ ಸಣ್ಣ ಕ್ಲಿಪ್ಪಿಂಗ್ ಒಂದನ್ನು ರಚಿಸಿದೆ. ಸೋಂಕಿತ ವ್ಯಕ್ತಿಯೊಬ್ಬ ಕುಳಿತಾಗ ಹಾಗೂ ಚಲನೆಯಲ್ಲಿರುವಾಗ ವೈರಸ್ ಎಷ್ಟು ವೇಗದಲ್ಲಿ ಹರಡುತ್ತದೆ ಎಂಬುದನ್ನು ಇದರಲ್ಲಿ ಬಿಂಬಿಸಲಾಗಿದೆ.
ವಿಮಾನದ ಕ್ಯಾಬಿನ್ನಲ್ಲಿ ಕುಳಿತಾಗ: ವಿಮಾನದ ಕ್ಯಾಬಿನ್ನಲ್ಲಿರುವ ಸೋಂಕಿತ ವ್ಯಕ್ತಿ ಸೀನಿದಾಗ ಅಥವಾ ಕೆಮ್ಮಿದಾಗ ವೈರಸ್ಗಳು ಅತಿ ವೇಗವಾಗಿ ಎಲ್ಲೆಡೆ ಚದುರುತ್ತವೆ. ವ್ಯಕ್ತಿಯ ಹತ್ತಿರ ಕುಳಿತ 10 ಜನರಿಗೆ ಇಂಥ ಸಂದರ್ಭದಲ್ಲಿ ಸೋಂಕು ತಗುಲುವ ಸಾಧ್ಯತೆಗಳಿರುತ್ತವೆ. ಮಾಸ್ಕ್ ಧರಿಸುವ ಮೂಲಕ ಈ ರೀತಿ ವೈರಸ್ ದಾಳಿಯನ್ನು ತಡೆಗಟ್ಟಬಹುದು ಎಂಬುದು ತಜ್ಞರ ಅಭಿಪ್ರಾಯವಾಗಿದೆ.
ಓಡುತ್ತಿರುವಾಗ: ಇಬ್ಬರು ವ್ಯಕ್ತಿಗಳು ಒಬ್ಬರ ಹಿಂದೊಬ್ಬರು ಓಡುತ್ತಿದ್ದಾರೆ ಎಂದಿಟ್ಟುಕೊಳ್ಳಿ.. ಮುಂದಿರುವ ವ್ಯಕ್ತಿಯು ಕೆಮ್ಮಿದಾಗ ಹಿಂದೆ ಬರುತ್ತಿರುವ ವ್ಯಕ್ತಿಯ ಮೇಲೆ ಭಾರಿ ಪ್ರಮಾಣದ ಡ್ರಾಪ್ಲೆಟ್ಸ್ಗಳು( ಸೀನಿನ ಹನಿಗಳು) ಸಿಂಪಡಣೆಯಾಗುವ ಸಾಧ್ಯತೆಗಳಿರುತ್ತವೆ. ಆದರೆ ಇಬ್ಬರೂ ವ್ಯಕ್ತಿಗಳ ಮಧ್ಯೆ ಸಾಕಷ್ಟು ಅಂತರವಿಟ್ಟುಕೊಂಡು ಓಡುತ್ತಿದ್ದರೆ ಯಾವುದೇ ಅಪಾಯವಿರುವುದಿಲ್ಲ. ಸೋಂಕಿತ ವ್ಯಕ್ತಿಯು ಸೀನಿದಾಗ ಅಥವಾ ಕೆಮ್ಮಿದಾಗ ವೈರಸ್ ಖಂಡಿತವಾಗಿಯೂ ಹರಡುತ್ತದೆ ಎನ್ನುತ್ತಾರೆ ಸಂಶೋಧಕರು.
