ಮಧುರೈ(ತಮಿಳುನಾಡು): ಕೇಂದ್ರ ಸರ್ಕಾರವು ಸ್ವಚ್ಛ ಭಾರತ ಅಭಿಯಾನದ ಅಡಿಯಲ್ಲಿ ದೇಶದ ಸ್ಚಚ್ಛ ಪವಿತ್ರ ಸ್ಥಳಗಳನ್ನು ಗುರುತಿಸುತ್ತಿದೆ. ಈ ವರ್ಷವೂ ಮಧುರೈ ಮೀನಾಕ್ಷಿ ಅಮ್ಮನ ದೇಗುಲವು ಸತತ ಎರಡನೇ ಬಾರಿಗೆ ಸ್ವಚ್ಛ ಸಾಂಪ್ರದಾಯಿಕ ಸ್ಥಳ ಪ್ರಶಸ್ತಿ ಗೆದ್ದುಕೊಂಡಿದೆ.
ಕೇಂದ್ರ ಸರ್ಕಾರವು ದೇಶದ ಪ್ರಮುಖ ಹತ್ತು ಪವಿತ್ರ ಸ್ಥಳಗಳಿಗೆ ಈ ಪ್ರಶಸ್ತಿನ್ನು ನೀಡುತ್ತಿದ್ದು, ಕಳೆದ ವರ್ಷವೂ ಮೀನಾಕ್ಷಿ ಅಮ್ಮನ ದೇಗುಲ ಈ ಪ್ರಶಸ್ತಿಯನ್ನು ಗೆದ್ದುಕೊಂಡಿತ್ತು. ಈ ಬಾರಿಯೂ ಎರಡನೇ ಸ್ವಚ್ಛ ಸಾಂಪ್ರದಾಯಿಕ ಸ್ಥಳ ಪ್ರಶಸ್ತಿ ಗೆಲ್ಲುವ ಮೂಲಕ ಮತ್ತೊಮ್ಮೆ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದೆ.
ಈ ದೇವಾಲಯದಲ್ಲಿ 25 ಇ-ಶೌಚಾಲಯಗಳಿದ್ದು, ಕಸ ಬೇರ್ಪಡಿಕೆ ಕೇಂದ್ರ, 15 ನೀರು ಶುದ್ಧೀಕರಣ ಘಟಕ, ಬ್ಯಾಟರಿ ಚಾಲಿತ ಕಾರಿನ ವ್ಯವಸ್ಥೆ ಹಾಗೂ ಪ್ಲಾಸ್ಟಿಕ್ ಮುಕ್ತ ಪ್ರದೇಶಗಳನ್ನು ನಿರ್ಮಾಣ ಮಾಡಲಾಗಿದೆ.
ಈ ಎಲ್ಲ ವ್ಯವಸ್ಥೆಗಳನ್ನು ಮಾಡಿದ ನಗರ ಪಾಲಕೆಯ ಕಾರ್ಯವನ್ನು ನೋಡಿ ಈ ಪ್ರಶಸ್ತಿ ಒಲಿದು ಬಂದಿದೆ. ಕಾಶ್ಮೀರದ ವೈಷ್ಣೋ ದೇವಿ ದೇಗುಲಕ್ಕೆ ಈ ಬಾರಿಯ ಉತ್ತಮ ಸ್ವಚ್ಛ ಸಾಂಪ್ರದಾಯಿಕ ಸ್ಥಳ ಪ್ರಶಸ್ತಿ ನೀಡಲಾಗಿದೆ.
