ಎಲ್​​​ಜಿ ಪಾಲಿಮರ್ಸ್​​ ಕಂಪನಿ ವಿರುದ್ಧ ಎಡಪಕ್ಷಗಳ ಪ್ರತಿಭಟನೆ: 96 ಮಂದಿ ಪೊಲೀಸರ ವಶಕ್ಕೆ

ಎಲ್​​​ಜಿ ಪಾಲಿಮರ್ಸ್​​ ಕಂಪನಿ ವಿರುದ್ಧ ಎಡಪಕ್ಷಗಳು ಪ್ರತಿಭಟನೆ ನಡೆಸಿದ್ದು, ಪ್ರತಿಭಟನೆಗೆ ಯಾವುದೇ ಪರವಾನಗಿ ಪಡೆಯದ ಹಿನ್ನೆಲೆ ಪೊಲೀಸರು 96 ಮಂದಿಯನ್ನ ವಶಕ್ಕೆ ಪಡೆದು ಎಫ್​ಐಆರ್​ ದಾಖಲಿಸಿದ್ದಾರೆ.

ವಿಶಾಖಪಟ್ಟಣಂ: ಎಲ್​​​ಜಿ ಪಾಲಿಮರ್ಸ್​​ ಕಂಪನಿ ವಿರುದ್ಧ ಎಡಪಕ್ಷಗಳು ಪ್ರತಿಭಟನೆ ನಡೆಸುತ್ತಿವೆ. ಕಳೆದ ತಿಂಗಳು ಕಂಪನಿಯಲ್ಲಿ ಅನಿಲ​ ಸೋರಿಕೆ ಆಗಿ ಹಲವರನ್ನ ಬಲಿ ಪಡೆದಿತ್ತು.

ಈ ಕಾರಣದಿಂದ ಸೂಕ್ತ ಪರಿಹಾರ ಹಾಗೂ ರಕ್ಷಣೆಗೆ ಒತ್ತಾಯಿಸಿ ಎಡಪಕ್ಷಗಳ ಕಾರ್ಯಕರ್ತರು ಪ್ರತಿಭಟನೆಗೆ ಇಳಿದಿದ್ದಾರೆ. ಪ್ರತಿಭಟನೆಗೆ ಯಾವುದೇ ಪರವಾನಗಿ ಪಡೆಯದ ಹಿನ್ನೆಲೆ ಪೊಲೀಸರು ಪ್ರತಿಭಟನಾಕಾರರನ್ನು ಚದುರಿಸಿದರಲ್ಲದೇ 96 ಮಂದಿಯನ್ನ ವಶಕ್ಕೆ ಪಡೆದು ಎಫ್​ಐಆರ್​ ದಾಖಲಿಸಿದ್ದಾರೆ.