ತಿರುವನಂತಪುರ: ಕೇರಳ ರಾಜ್ಯ ರಸ್ತೆ ಸಾರಿಗೆ ನಿಗಮ(ಕೆಎಸ್ಆರ್ಟಿಸಿ)ದ ಬಸ್ ಚಾಲಕನೊಬ್ಬನ ತನ್ನ ಅಜಾಗರೂಕತೆಯಿಂದ ಸಾರ್ವಜನಿಕರ ಕೆಂಗಣ್ಣಿಗೆ ಗುರಿಯಾಗಿದ್ದಾನೆ.
ತಿರುವನಂತಪುರಂನಿಂದ ಕೊಯಮತ್ತೂರ್ ನಡುವೆ ಸಂಚರಿಸುವ KL15A-279 ನಂಬರ್ನ ಸರ್ಕಾರಿ ಬಸ್ ಚಾಲಕ, ಬಸ್ ಚಾಲನೆ ವೇಳೆ ಒಂದು ಕೈಯಲ್ಲಿ ಮೊಬೈಲ್ ಬಳಸುತ್ತಾ, ಮತ್ತೊಂದು ಕೈಯಲ್ಲಿ ಸ್ಟಿಯರಿಂಗ್ ಹಿಡಿದು ಬಸ್ ಚಲಾಯಿಸಿದ್ದಾನೆ. ಘನ ಹಾಗೂ ಲಘು ವಾಹನಗಳು ವಿರುದ್ಧ ದಿಕ್ಕಿನಿಂದ ಬರುತ್ತಿದ್ದರೂ, ಪ್ರಯಾಣಿಕರ ಬಗೆಗೆ ಅಜಾಗರೂಕತೆ ತೋರಿದ್ದಾನೆ.
ಕೇರಳ ಸರ್ಕಾರಿ ಬಸ್ ಚಾಲಕನ ನಿರ್ಲಕ್ಷ್ಯ
ಈ ದೃಶ್ಯವನ್ನು ಬಸ್ನಲ್ಲೇ ಇದ್ದ ಪ್ರಯಾಣಿಕನೊಬ್ಬ ಚಿತ್ರೀಕರಿಸಿ 'ಈಟಿವಿ ಭಾರತ್'ಗೆ ನೀಡಿದ್ದಾನೆ. ಚಾಲಕನ ಈ ಅಜಾಗರೂಕತೆಯ ಚಾಲನೆಗೆ ಎಲ್ಲೆಡೆ ವಿರೋಧ ವ್ಯಕ್ತವಾಗಿದೆ. ಅಲ್ಲದೆ ಇದು ಅಪರಾಧವೆಂದು, ಚಾಲಕನ ಪರಾವಾನಗಿ ರದ್ದತಿಗೆ ಪ್ರಯಾಣಿಕರು ಹಾಗೂ ಸಾರ್ವಜನಿಕರು ಒತ್ತಾಯಿಸಿದ್ದಾರೆ.
