ಕೊಲ್ಲಂ(ಕೇರಳ): ದೇವರನಾಡು ಕೇರಳದಲ್ಲಿ ಇಂದು ಓಣಂ ಹಬ್ಬದ ಸಂಭ್ರಮ ಮನೆ ಮಾಡಿದೆ. ಕೇರಳ ರಾಜ್ಯದೆಲ್ಲೆಡೆ ಇಂದು ಹಬ್ಬದ ವಾತಾವರಣವಿದ್ದರೆ ಕೊಲ್ಲಂನಲ್ಲಿರುವ ಸಸ್ತಂಕೊಟ್ಟ ದೇವಸ್ಥಾನದಲ್ಲಿ ಓಣಂ ಕೊಂಚ ಸ್ಪೆಷಲ್.
ಕೊಲ್ಲಂನಲ್ಲಿರುವ ಸಸ್ತಂಕೊಟ್ಟ ದೇವಸ್ಥಾನದಲ್ಲಿ ಓಣಂ ವಿಶೇಷ ಭೋಜನ ಅರ್ಥಾತ್ 'ಓಣಂ ಸಾಧ್ಯ'ವನ್ನು ಹತ್ತಾರು ಕೋತಿಗಳು ಸವಿಯುತ್ತವೆ. ಬಾಳೆ ಎಲಯಲ್ಲಿ ಓಣಂ ಸಾಧ್ಯವನ್ನು ಬಡಿಸಲಾಗುತ್ತಿದ್ದು, ಕೋತಿಗಳು ಇದನ್ನು ತಿನ್ನುತ್ತವೆ. ಕಳೆದ 35 ವರ್ಷದಿಂದ ಈ ಸಂಪ್ರದಾಯ ನಡೆದುಕೊಂಡು ಬರುತ್ತಿದೆ.
ಕೋತಿಗಳಿಗೆ 'ಓಣಂ ಸಾಧ್ಯ'ವನ್ನು ನೀಡುವ ವೇಳೆ ದೇವಸ್ಥಾನದ ಅಧಿಕಾರಿ ವರ್ಗ ಹೆಚ್ಚಿನ ಗಮನ ನೀಡುತ್ತಿದ್ದು, ಉಪ್ಪಿನ ಕಾಯಿಯಿಂದ ಹಿಡಿದು ಪಾಯಸದವರೆಗೆ ಎಲ್ಲವನ್ನು ಬಡಿಸಲಾಗುತ್ತದೆ. ದೇವಸ್ಥಾನದ ಮುಂಭಾಗದಲ್ಲೇ ಈ ಭೋಜವನ್ನು ಕೋತಿಗಳಿಗೆ ನೀಡಲಾಗುತ್ತದೆ.
ಕೋತಿಗಳಲ್ಲಿ ಆ್ಯಂಡ್ರೂಸ್ ಹೆಸರಿನ ನಾಯಕನಿದ್ದು, ಈತ ಮೊದಲಿಗೆ ಭೋಜನ ಸವಿದು ಗ್ರೀನ್ ಸಿಗ್ನಲ್ ನೀಡಿದ ಬಳಿಕವಷ್ಟೇ ಉಳಿದ ಕೋತಿಗಳು ಓಣಂ ಸ್ಪೆಷಲ್ ಸವಿಯುತ್ತವೆ. ಹೀಗಾಗಿ ಈ ಭೋಜನಕ್ಕೆ 'ವಾನರ ಭೋಜನ' ಎಂದೂ ಕರೆಯಲಾಗುತ್ತದೆ.
