ಜಮ್ಮು-ಕಾಶ್ಮೀರ : ಡ್ರೋನ್ ಮೂಲಕ ಕಳುಹಿಸಲಾಗಿದ್ದ ಭಾರಿ ಪ್ರಮಾಣದ ಶಸ್ತ್ರಾಸ್ತ್ರ ಮತ್ತು ಮದ್ದು ಗುಂಡುಗಳನ್ನು ಜಮ್ಮು ಮತ್ತು ಕಾಶ್ಮೀರದ ಅಂಕೂರ್ ಗಡಿ ಪ್ರದೇಶದಲ್ಲಿ ಭದ್ರತಾ ಪಡೆ ವಶಪಡಿಸಿಕೊಂಡಿದೆ.
ಎರಡು ಎಕೆ -47 ರೈಫಲ್‌ಗಳು, ಮೂರು ಸ್ಫೋಟಕ ವಸ್ತುಗಳು (AK magazines) ಪಿಸ್ತೂಲ್ ಸೇರಿ ಇತರ ಶಸ್ತ್ರಾಸ್ತ್ರಗಳನ್ನು ಸ್ಥಳೀಯ ಪೊಲೀಸರು ಹಾಗೂ ಸೇನಾ ಪಡೆ ಸಿಬ್ಬಂದಿ ವಶಪಡಿಸಿಕೊಂಡಿದ್ದಾರೆ.
ಇವುಗಳನ್ನು ಉಗ್ರರ ಬಳಕೆಗಾಗಿ ಡ್ರೋನ್ ಮೂಲಕ ಅಂಕೂರ್ ಗಡಿ ಪ್ರದೇಶದೆಡೆ ಕಳುಹಿಸಲಾಗಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಸೆ.19ರಂದು ರಾಜೌರಿ ಜಿಲ್ಲೆಯಲ್ಲಿ ಲಷ್ಕರ್- ಇ-ತೋಯ್ಬಾ (ಎಲ್‌ಇಟಿ) ಸಂಘಟನೆಯ ಮೂವರು ಉಗ್ರರನ್ನು ಬಂಧಿಸಿದ ಭದ್ರತಾ ಪಡೆ, ಪಾಕಿಸ್ತಾನದಿಂದ ಡ್ರೋನ್‌ಗಳ ಮೂಲಕ ಕಳುಹಿಸಿದ್ದ ಎರಡು ಎಕೆ -56 ರೈಫಲ್‌ಗಳು, ಎರಡು ಚೀನಿ ಪಿಸ್ತೂಲ್‌ಗಳು, ನಾಲ್ಕು ಗ್ರೆನೇಡ್‌ಗಳು ಸೇರಿ ಭಾರಿ ಪ್ರಮಾಣದ ಶಸ್ತ್ರಾಸ್ತ್ರ ವಶಪಡಿಸಿಕೊಂಡಿತ್ತು.
