ಆಭರಣ ವಿಮೆಯಿಂದ ನೀವು ಕಳೆದುಕೊಂಡ ನಿಮ್ಮ ನಷ್ಟವನ್ನು ಮರಳಿಪಡೆಯಬಹುದು; ಹೇಗೆ ಎಂದು ತಿಳಿಯಿರಿ

ಆಭರಣ ವಿಮಾ ಪಾಲಿಸಿಗಳನ್ನು ಮಾಡುವ ಮೂಲಕ ಗ್ರಾಹಕರು ಹಲವು ಲಾಭಗಳನ್ನು ಪಡೆಯಬಹುದು. ನಗದು ಹಣವಾಗಿರಲಿ ಅಥವಾ ಪ್ರಾಪರ್ಟಿಯಾಗಿರಲಿ, ಕಳ್ಳತನ, ದರೋಡೆ, ಪ್ರಾಕೃತಿಕ ವಿಕೋಪ ಮುಂತಾದವುಗಳಿಂದ ಅವುಗಳನ್ನು ಸುರಕ್ಷತವಾಹಿಡುವುದು ಸ್ವಲ್ಪ ಕಷ್ಟದ ಕೆಸಲವೇ. ಎಷ್ಟೋ ಬಾರಿ ನಮ್ಮ ಕಣ್ತಪ್ಪಿನಿಂದ ನಮ್ಮ ಆಭರಣ ನಮ್ಮ ಕೈತಪ್ಪಿಹೋಗಬಹುದು. ಆದರೆ, ಈ ಆಭರಣ ವಿಮಾ ಪಾಲಿಸಿ ಮಾಡುವುದರಿಂದ ನಿಮಗೆ ನಿಮ್ಮ ಆದಾಯವನ್ನು ಮರಳಿ ತಂದುಕೊಡಬಹುದು. ಹೇಗೆ ಗೊತ್ತಾ? ನಿಮ್ಮ ಪ್ರೀತಿಯ

ಹೈದರಾಬಾದ್: ನಿಮ್ಮ ಪ್ರೀತಿಯ ಆಭರಣಗಳಿಗೆ ನೈಸರ್ಗಿಕ ವಿಪತ್ತು ಸಂಭವಿಸಿದಾಗ, ಬೆಂಕಿಯಿಂದ ಹಾನಿಯಾದಾಗ, ಕಳ್ಳತನವಾದಾಗ ವಿನಾ ಕಾರಣ ನನಗೆ ನಷ್ಟ ಆಯಿತು ಎಂದು ಕೊರಗುವ ಅವಶ್ಯಕತೆ ಇಲ್ಲ. ಇದೀಗ ನಿಮ್ಮ ನಷ್ಟವನ್ನು ನೀವು ಮರುಪಡೆಯಬಹುದು. ಅದು ಹೇಗೆ ಗೊತ್ತಾ?

ಆಭರಣ ವಿಮೆ ಮಾಡಿಸಿದರೆ ಮಾತ್ರ ನಿಮ್ಮ ನಷ್ಟವನ್ನು ನೀವು ಮರಳಿಪಡೆಯಬಹುದು. ಆಭರಣ ವಿಮೆ ಈಗ ನಿಮ್ಮ ನಷ್ಟವನ್ನು ಭರಿಸುವ ಒಂದು ಉಪಕಾರಿ ಪಾಲಿಸಿಯಾಗಿದೆ.

ಇದನ್ನೂ ಓದಿ: ಜುವೆಲ್ಲರಿ ಶಾಪ್​ಗೆ ಬಂದ್ರು, ಸ್ಯಾನಿಟೈಸರ್ಸ್​​ನಿಂದ ಕೈತೊಳೆದು, ಪಿಸ್ತೂಲ್​ನಿಂದ ಬೆದರಿಸಿ ದರೋಡೆ ಮಾಡಿದ್ರು... ವಿಡಿಯೋ

ಹೊಸ ಹೊಸ ನೀತಿಗಳಡಿ ಗ್ರಾಹಕರು ಈಗ ತಮ್ಮ ಆಭರಣಗಳನ್ನು ವಿಮೆ ಮಾಡಬಹುದು. ಆದ್ದರಿಂದ ಮುಂದಿನ ಬಾರಿ ನೀವು ವಿವಾಹ ಸಮಾರಂಭದಲ್ಲಿ ಯಾವುದೇ ಆಭರಣವನ್ನು ಕಳೆದುಕೊಂಡಾಗ ಅಥವಾ ಕಳ್ಳತನವಾದಾಗ ಆಭರಣ ವಿಮಾ ಪಾಲಿಸಿಯ ಮೂಲಕ ಕೆಲವು ಶರತ್ತುಗಳೊಂದಿಗೆ ನಿಮ್ಮ ಹೆಚ್ಚಿನ ನಷ್ಟವನ್ನು ನೀವು ಮರಳಿ ಪಡೆಯಬಹುದು.

ಇದನ್ನೂ ಓದಿ: ದರೋಡೆ ಯತ್ನ ವಿಫಲ...ಬಂಗಾರದಂಗಡಿ ಮಾಲೀಕನ ಮೇಲೆ ಗುಂಡು ಹಾರಿಸಿದ ದುಷ್ಕರ್ಮಿಗಳು

ಈ ನೀತಿಗಳ ಪ್ರಮುಖ ಲಕ್ಷಣಗಳು ಯಾವುವು ಮತ್ತು ಅವುಗಳನ್ನು ಹೇಗೆ ಖರೀದಿಸಬಹುದು ಎಂಬುದರ ಕುರಿತು ವಿವರವಾದ ನೋಟ ಇಲ್ಲಿದೆ:

ಆಭರಣ ವಿಮಾ ಪಾಲಿಸಿಗಳನ್ನು ಯಾರು ಮಾರಾಟ ಮಾಡುತ್ತಾರೆ?

ಪ್ರಮುಖ ವಿಮಾದಾರರಾದ ರಿಲಯನ್ಸ್ ಹೋಂ ಇನ್ಶುರೆನ್ಸ್, ಹೆಚ್​ಡಿಎಫ್‌ಸಿ ಎರ್ಗೊ ಇತ್ಯಾದಿಗಳು ಆಭರಣ ವಿಮಾ ಪಾಲಿಸಿಗಳನ್ನು ನೀಡುತ್ತವೆ. ಈ ವಾರದ ಆರಂಭದಲ್ಲಿ ಮುತ್ತೂಟ್ ಫೈನಾನ್ಸ್ ಬಜಾಜ್ ಅಲಿಯಾನ್ಸ್ ಜನರಲ್ ಇನ್ಶುರೆನ್ಸ್ ಸಹಭಾಗಿತ್ವದಲ್ಲಿ ಚಿನ್ನದ ಆಭರಣ ವಿಮಾ ಯೋಜನೆಯನ್ನು ಪ್ರಾರಂಭಿಸಲಿದೆ.

ಆಭರಣಗಳನ್ನು ಗೃಹ ವಿಮೆಯ ವ್ಯಾಪ್ತಿಗೆ ಒಳಪಡಿಸಲಾಗಿದೆಯೇ?

ಸಾಮಾನ್ಯವಾಗಿ ಆಭರಣಗಳು ಮತ್ತು ಚಿನ್ನದ ಸರಕುಗಳನ್ನು ಸಮಗ್ರ ಗೃಹ ವಿಮಾ ಯೋಜನೆಗಳ ಅಡಿಯಲ್ಲಿ ಮಾತ್ರ ನೀಡಲಾಗುತ್ತದೆ. ಮೂಲ ಗೃಹ ವಿಮಾ ಯೋಜನೆಗಳು ಆಭರಣಗಳಂತಹ ವಿಷಯಗಳನ್ನು ವಿಮೆ ಮಾಡಬೇಕಾಗಿಲ್ಲ.

ಯಾವ ರೀತಿಯ ವಸ್ತುಗಳನ್ನು ಒಳಗೊಂಡಿದೆ?

ಆಭರಣ ವಿಮೆಯು ರತ್ನದ ಕಲ್ಲುಗಳು, ಬೆಳ್ಳಿ, ಚಿನ್ನ, ಪ್ಲಾಟಿನಂ ಅಥವಾ ಇತರೆ ಅಮೂಲ್ಯ ಲೋಹಗಳನ್ನು ಒಳಗೊಂಡಿರುವ ವೈಯಕ್ತಿಕ ಅಲಂಕಾರಕ ಸರಕುಗಳನ್ನು ಮಾತ್ರ ಒಳಗೊಂಡಿರುತ್ತದೆ.

ಯಾವ ರೀತಿಯ ಅಪಾಯಗಳಿಗೆ ನೀಡಲಾಗುತ್ತದೆ:

ನೈಸರ್ಗಿಕ ವಿಪತ್ತು ಸಂಭವಿಸಿದಾಗ, ಬೆಂಕಿಯಿಂದ ಆಭರಣ ತುಣುಕುಗಳಿಗೆ ಹಾನಿಯಾದಾಗ, ಕಳ್ಳತನವಾದಾಗ ವಿಮೆದಾರರು ಮರಳಿ ನಿಮ್ಮ ಆಸ್ತಿಯನ್ ಪಡೆಯಬಹುದು.

ಯಾವ ಅಪಾಯಗಳನ್ನು ಸೇರಿಸಲಾಗಿಲ್ಲ?

ಸ್ವಚ್ಛಗೊಳಿಸುವಾಗ, ಸೇವೆ ಮಾಡುವಾಗ ಅಥವಾ ದುರಸ್ತಿ ಮಾಡುವಾಗ, ಅಜಾಗರೂಕ ನಡವಳಿಕೆ ಮತ್ತು ಉದ್ದೇಶಪೂರ್ವಕ ನಿರ್ಲಕ್ಷ್ಯದಿಂದ ಉಂಟಾಗುವ ಹಾನಿಗಳನ್ನು ಒಳಗೊಂಡಿರುವುದಿಲ್ಲ. ಎರಡನೆಯದಾಗಿ ವಿಮೆ ಮಾಡಿದ ವಸ್ತುಗಳನ್ನು ಹೊಸ ವಸ್ತುಗಳೊಂದಿಗೆ ಬದಲಾಯಿಸಿದರೆ, ಅಂದರೆ, ನಿಮ್ಮ ಹಳೆಯ ವಸ್ತುಗಳನ್ನು ಹೊಸದಕ್ಕಾಗಿ ಮಾರಾಟ ಮಾಡಿದರೆ, ವಿಮಾ ಪಾಲಿಸಿಯು ಸ್ವಯಂಚಾಲಿತವಾಗಿ ಹೊಸ ವಸ್ತುಗಳಿಗೆ ವರ್ಗಾವಣೆಯಾಗುವುದಿಲ್ಲ. ಅಲ್ಲದೆ, ನಿಮ್ಮ ಆಭರಣಗಳನ್ನು ಮುಟ್ಟುಗೋಲು ಹಾಕಿಕೊಂಡರೆ ವಿಮಾ ಕಂಪನಿಯು ನಿಮ್ಮ ನಷ್ಟವನ್ನು ನೋಡಿಕೊಳ್ಳುವುದಿಲ್ಲ.

ಈ ವಿಮಾ ಪಾಲಿಸಿಗಳ ಪ್ರೀಮಿಯಂ ವೆಚ್ಚ ಎಷ್ಟು?

ವಿಮೆ ಮಾಡಿದ ಒಟ್ಟು ಮೊತ್ತ, ಅಧಿಕಾರಾವಧಿ, ವಿಮೆ ಮಾಡಿದ ವಸ್ತುಗಳ ಸಂಖ್ಯೆ ಮತ್ತು ಅವುಗಳ ವ್ಯಾಪ್ತಿಯು ವಿಮಾದಾರರಿಂದ ವಿಮಾದಾರರಿಗೆ ಬದಲಾಗುತ್ತದೆಯಾದರೂ, ಸಾಮಾನ್ಯವಾಗಿ ವಾರ್ಷಿಕ ಪ್ರೀಮಿಯಂ ಆಭರಣ ಮೌಲ್ಯದ ಸುಮಾರು 1% ವ್ಯಾಪ್ತಿಯಲ್ಲಿರುತ್ತದೆ.

ಆಭರಣ ವಿಮೆಯನ್ನು ಖರೀದಿಸಲು ನಿಮಗೆ ಯಾವ ದಾಖಲೆಗಳು ಬೇಕು?

ಗ್ರಾಹಕರು ಒಟ್ಟು ಮೊತ್ತದ ಕಲ್ಪನೆಯನ್ನು ಪಡೆಯಲು ಮೊದಲು ತಮ್ಮ ಆಭರಣ ವಸ್ತುಗಳ ಮಾರುಕಟ್ಟೆ ಬೆಲೆಯನ್ನು ಕಂಡುಹಿಡಿಯಬೇಕು. ಇದಕ್ಕಾಗಿ, ಯಾವುದೇ ಪ್ರಸಿದ್ಧ ಆಭರಣ ವ್ಯಾಪಾರಿಗಳಿಂದ ಆಭರಣಗಳ ಮೌಲ್ಯಮಾಪನ ಪ್ರಮಾಣಪತ್ರಗಳನ್ನು ನೀವು ಪಡೆಯಬಹುದು. ನಂತರ, ಅದರೊಂದಿಗೆ ಆಧಾರ್ ಕಾರ್ಡ್​, ಪ್ಯಾನ್ ಕಾರ್ಡ್​ ಮುಂತಾದ ಕೆವೈಸಿ ದಾಖಲೆಗಳನ್ನು ವಿಮೆಗಾರರಿಂದ ಕಂಪನಿ ಕೇಳಬಹುದು.

ಆಭರಣ ವಿಮೆಯನ್ನು ಖರೀದಿಸುವಾಗ ಗ್ರಾಹಕರು ಇತರ ಯಾವ ಅಂಶಗಳನ್ನು ನೆನಪಿನಲ್ಲಿಡಬೇಕು?

ಗ್ರಾಹಕರು ವಿವಿಧ ವಿಮಾದಾರರಿಂದ ಮಾಹಿತಿಯನ್ನು ಪಡೆಯಬೇಕು. ನಿಯಮಗಳು ಮತ್ತು ಷರತ್ತುಗಳನ್ನು ಎಚ್ಚರಿಕೆಯಿಂದ ಓದಬೇಕು. ವಿಮಾಗಳ ಆಯ್ಕೆಗಳ ಬಗ್ಗೆ ತಿಳಿದುಕೊಂಡರೆ ಸೂಕ್ತ.

ಹಕ್ಕು ವಿಧಾನ ಏನು?

ಕರೆ, ಇಮೇಲ್ ಅಥವಾ ಫ್ಯಾಕ್ಸ್ ಮೂಲಕ ನಿಮ್ಮ ವಿಮಾ ಪೂರೈಕೆದಾರರನ್ನು ಸಂಪರ್ಕಿಸಿ ಹಾನಿ ಅಥವಾ ವಸ್ತುಗಳ ನಷ್ಟದ ಬಗ್ಗೆ ತಿಳಿಸಿ. ಕಡ್ಡಾಯವಲ್ಲದಿದ್ದರೂ ಹಾನಿಯ ಚಿತ್ರಗಳು ಮತ್ತು ವಿಡಿಯೊಗಳನ್ನು ಸಾಕ್ಷಿಯಾಗಿ ತೆಗೆದುಕೊಳ್ಳುವುದು ಇನ್ನೂ ಸೂಕ್ತ. ಪಾಲಿಸಿ ಪೇಪರ್ಸ್, ಐಡಿ ಪ್ರೂಫ್ಸ್, ಫಸ್ಟ್ ಇನ್ಫಾರ್ಮೇಶನ್ ರಿಪೋರ್ಟ್ (ಎಫ್ಐಆರ್) ನಕಲು, ಬಾಡಿಗೆ ಒಪ್ಪಂದ, ಅಗ್ನಿಶಾಮಕ ವರದಿ, ಒಡೆತನದ ವಸ್ತುಗಳ ಇನ್‌ವಾಯ್ಸ್ ಮುಂತಾದ ಎಲ್ಲಾ ದಾಖಲೆಗಳನ್ನು ಸಿದ್ಧವಾಗಿಡಿ. ಹಾನಿಯನ್ನು ನಿರ್ಣಯಿಸಲು ವಿಮಾ ಕಂಪನಿ ಸರ್ವೇಯರ್‌ನನ್ನು ನೇಮಿಸುತ್ತದೆ. ಹಕ್ಕು ಮೌಲ್ಯೀಕರಿಸಿದ ನಂತರ, ಗ್ರಾಹಕರಿಗೆ ಸೂಕ್ತವಾದ ಮರುಪಾವತಿಯನ್ನು ನೀಡಲಾಗುತ್ತದೆ.