ಸತತ ನಾಲ್ಕನೇ ಬಾರಿ ಸುಂದರ ನಗರಿ ಪ್ರಶಸ್ತಿ ಪಡೆದ ಇಂದೋರ್​ : ಬೆಂಗಳೂರು ಅತ್ಯುತ್ತಮ ಸ್ವಯಂ ಸುಸ್ಥಿರ ನಗರ

ಸತತ ನಾಲ್ಕನೇ ಬಾರಿಗೆ ಮಧ್ಯ ಪ್ರದೇಶದ ಇಂದೋರ್​ ನಗರ ಭಾರತದ ಸ್ವಚ್ಛಂದ ನಗರ ಪ್ರಶಸ್ತಿಗೆ ಭಾಜನವಾಗಿದೆ. ಗುಜರಾತ್​ನ ಸೂರತ್​ ನಗರ ಎರಡನೇ ಸ್ಥಾನ ಹಾಗೂ ಮಹಾರಾಷ್ಟ್ರದ ನವಿ ಮುಂಬೈ ಮೂರನೇ ಸ್ಥಾನ ಪಡೆದಿದೆ. ಮೊದಲ ಆವೃತ್ತಿಯಲ್ಲಿ ಮೊದಲ ಸ್ಥಾನ ಪಡೆದಿದ್ದ ಮೈಸೂರು ಕೆಳ ಕ್ರಮಾಂಕಕ್ಕೆ ಕುಸಿದಿದೆ.

ನವದೆಹಲಿ: ಸ್ವಚ್ಛ ಸರ್ವೇಕ್ಷಣ್​- 2020 ಪ್ರಶಸ್ತಿ ಘೋಷಣೆಯಾಗಿದ್ದು, ಈ ಬಾರಿಯೂ ಮಧ್ಯ ಪ್ರದೇಶದ ಇಂದೋರ್​ ನಗರ ಭಾರತದ ಸ್ವಚ್ಛಂದ ನಗರ ಪ್ರಶಸ್ತಿಗೆ ಭಾಜನವಾಗಿದೆ.

ವಿಶೇಷವೆಂದರೆ ಸತತ ನಾಲ್ಕನೇ ಬಾರಿಗೆ ಇಂದೋರ್​ ನಗರ ಈ ಪ್ರಶಸ್ತಿಯನ್ನು ಪಡೆಯುತ್ತಿದೆ. 2017, 2018 ಹಾಗೂ 2019ರಲ್ಲೂ ಇಂದೋರ್​ ನಗರ ಭಾರತದ ಸ್ವಚ್ಛಂದ ನಗರ ಪ್ರಶಸ್ತಿಯನ್ನು ಪಡೆದಿತ್ತು. ಸ್ವಚ್ಛ ಸರ್ವೇಕ್ಷಣ್ ಅಭಿಯಾನದ ಮೊದಲನೇ ಆವೃತ್ತಿಯಲ್ಲಿ ನಮ್ಮ ರಾಜ್ಯದ ಮೈಸೂರು ಪ್ರಥಮ ಸ್ಥಾನ ಪಡೆದಿತ್ತು. ಆ ಬಳಿಕ ಸತತ ನಾಲ್ಕು ಬಾರಿ ಇಂದೋರ್​ ಈ ಪ್ರಶಸ್ತಿಯನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಈ ಬಾರಿ ಭಾರತದ ಸ್ವಚ್ಛಂದ ನಗರ ಪ್ರಶಸ್ತಿ ವಿಭಾಗದಲ್ಲಿ ಇಂದೋರ್​ ಮೊದಲ ಸ್ಥಾನ ಪಡೆದರೆ, ಗುಜರಾತ್​ನ ಸೂರತ್​ ನಗರ ಎರಡನೇ ಸ್ಥಾನ ಹಾಗೂ ಮಹಾರಾಷ್ಟ್ರದ ನವಿ ಮುಂಬೈ ಮೂರನೇ ಸ್ಥಾನ ಪಡೆದಿದೆ.

ಇನ್ನು ಮೆಗಾ ಸಿಟಿ ವಿಭಾಗದಲ್ಲಿ ಬೆಂಗಳೂರು ಅತ್ಯುತ್ತಮ ಸ್ವಯಂ ಸುಸ್ಥಿರ ನಗರ ಎಂಬ ಗರಿ ಪಡೆದುಕೊಂಡಿದೆ.