ಪಶ್ಚಿಮ ರೈಲ್ವೆ ಡಿಪೋಗಳಲ್ಲಿ ಡಿಜಿಟಲ್ ರೂಪದಲ್ಲಿ ಯೂಸರ್ ಡಿಪೋ ಮಾಡ್ಯೂಲ್

ಭಾರತೀಯ ರೈಲ್ವೆಯ ಎಲ್ಲಾ ವಲಯಗಳಲ್ಲಿ ಯೂಸರ್ ಡಿಪೋ ಮಾಡ್ಯೂಲ್ ವ್ಯವಸ್ಥೆಯನ್ನು ಶೀಘ್ರದಲ್ಲೇ ಜಾರಿಗೆ ತರಲಾಗುವುದು ಎಂದು ಸಚಿವಾಲಯ ತಿಳಿಸಿದೆ.

ನವದೆಹಲಿ: ಕೇಂದ್ರ ರೈಲ್ವೆ ಮಾಹಿತಿ ವ್ಯವಸ್ಥೆಗಳು (ಸಿಆರ್​​ಎಸ್) ಅಭಿವೃದ್ಧಿಪಡಿಸಿದ ಯೂಸರ್ ಡಿಪೋ ಮಾಡ್ಯೂಲ್ (ಯುಡಿಎಂ) ಅನ್ನು ಪಶ್ಚಿಮ ರೈಲ್ವೆಯ ಎಲ್ಲಾ ಬಳಕೆದಾರ ಡಿಪೋಗಳಲ್ಲಿ ಡಿಜಿಟಲ್ ರೂಪದಲ್ಲಿ ಹೊರತಂದಿದೆ.

"ಸಿಆರ್​​ಎಸ್ ಅಭಿವೃದ್ಧಿಪಡಿಸಿದ ಯೂಸರ್ ಡಿಪೋ ಮಾಡ್ಯೂಲ್ (ಯುಡಿಎಂ) ಅನ್ನು ಪಶ್ಚಿಮ ರೈಲ್ವೆಯ ಎಲ್ಲಾ ಬಳಕೆದಾರ ಡಿಪೋಗಳಲ್ಲಿ ಸೆ.28 ರಂದು ಸದಸ್ಯ ಪಿ ಸಿ ಶರ್ಮಾ ಅವರು ಡಿಜಿಟಲ್ ರೂಪದಲ್ಲಿ ಹೊರತಂದಿದ್ದಾರೆ" ಎಂದು ರೈಲ್ವೆ ಸಚಿವಾಲಯ ತಿಳಿಸಿದೆ.

ಭಾರತೀಯ ರೈಲ್ವೆಯ ಎಲ್ಲಾ ವಲಯಗಳಲ್ಲಿ ಈ ವ್ಯವಸ್ಥೆಯನ್ನು ಶೀಘ್ರದಲ್ಲೇ ಜಾರಿಗೆ ತರಲಾಗುವುದು ಎಂದು ಸಚಿವಾಲಯ ಹೇಳಿದೆ.

ಸುಧಾರಿತ ನಿರ್ವಹಣೆಯ ಜೊತೆಗೆ ಆರ್ಥಿಕತೆ, ದಕ್ಷತೆ ಮತ್ತು ಪಾರದರ್ಶಕತೆಗೆ ಈ ವ್ಯವಸ್ಥೆಯು ಅನುಕೂಲವಾಗಲಿದೆ. ಇದು ಸುಧಾರಿತ ಸೇವಾ ಮಟ್ಟ ಮತ್ತು ಗ್ರಾಹಕರಿಗೆ ಉತ್ತಮ ಸೇವೆ ನೀಡಲು ಅನುಕೂಲವಾಗಲಿದೆ ಎಂದು ರೈಲ್ವೆ ಸಚಿವಾಲಯ ತಿಳಿಸಿದೆ.