ಗೆಳೆಯ ಮೃತಪಟ್ಟರೇನು... ಗೆಳೆತನಕ್ಕೆ ಸಾವಿಲ್ಲ ಎಂದ ಸ್ನೇಹಿತ

ರಾಫೇಲ್​ ಎವಿಎಲ್​ ಮಲ್ಚಾನ್ಹಿಮಾ ಎಂಬ 23 ವರ್ಷದ ಯುವಕನ ಸ್ನೇಹಿತ ವಿವಿಯನ್​ ಲಾಲರೆಮ್​ಸಂಗಾ ಎಂಬಾತ ಚೆನ್ನೈನಲ್ಲಿ ಏ.23 ರಂದು ಹೃದಯಾಘಾತದಿಂದ ಸಾವಿಗೀಡಾಗಿದ್ದ. ಪೋಸ್ಟ್​ ಮಾರ್ಟಮ್ ಆದ ನಂತರ ಚೆನ್ನೈನ ಸ್ಥಳೀಯ ಆಡಳಿತಾಧಿಕಾರಿಗಳು ಚೆನ್ನೈನಲ್ಲೇ ಮೃತನ ಶವಸಂಸ್ಕಾರ ಮಾಡಬೇಕೆಂದು ಹೇಳಿದರು. ಲಾಕ್​ಡೌನ್ ಇರುವುದರಿಂದ ಶವವನ್ನು ದೂರದೂರಿಗೆ ಒಯ್ಯಲು ಅವಕಾಶವಿಲ್ಲ ಎಂದು ತಿಳಿಸಿದ್ದರು. ಆದರೆ ತನ್ನ ಗೆಳೆಯನನ್ನು ಆತನ ಮನೆಯಿಂದ 3 ಸಾವಿರ ಕಿಮೀ ದೂರದ ಚೆನ್ನೈನಲ್ಲಿ ದಿಕ್ಕಿಲ್ಲದಂತೆ ಶವಸಂಸ್ಕಾರ ನೆರವೇರಿಸುವುದಕ್ಕೆ ರಾಫೇಲ್​ನ ಮನಸು ಒಪ್ಪಲೇ ಇಲ್ಲ.

ಐಜ್ವಾಲ್ (ಮಿಜೋರಾಂ): ಗೆಳೆತನ ಎಂಬುದು ಎಲ್ಲಕ್ಕಿಂತ ಶ್ರೇಷ್ಠ ಮಾನವ ಸಂಬಂಧ. ಅಂಥ ಗೆಳೆತನಕ್ಕೆ ತಕ್ಕಂತೆ ಗೆಳೆಯನ ಪಾತ್ರ ನಿರ್ವಹಿಸಿದ ಗೆಳೆಯನೊಬ್ಬನ ಕಥೆ ಇಲ್ಲಿದೆ. ಇದು ಲಾಕ್​ಡೌನ್​ನಲ್ಲಿನ ಸಂಕಷ್ಟದ ಮಧ್ಯೆ ಸಾಗುವ ಸತ್ಯ ಕಥೆ.

• Thank you from the bottom of our hearts!
  You've just shown what every Mizo heartbeat means when it comes to the term "Tlawmngaihna"!@CMOTamilNadu@NDTVTamilCinema#selflessheroes #tlawmngaihna pic.twitter.com/TVwnAQWoTj

  — Zoramthanga (@ZoramthangaCM) April 28, 2020 " class="align-text-top noRightClick twitterSection" data="

  Thank you from the bottom of our hearts!
  You've just shown what every Mizo heartbeat means when it comes to the term "Tlawmngaihna"!@CMOTamilNadu@NDTVTamilCinema#selflessheroes #tlawmngaihna pic.twitter.com/TVwnAQWoTj

  — Zoramthanga (@ZoramthangaCM) April 28, 2020

  ">

  Thank you from the bottom of our hearts!
  You've just shown what every Mizo heartbeat means when it comes to the term "Tlawmngaihna"!@CMOTamilNadu@NDTVTamilCinema#selflessheroes #tlawmngaihna pic.twitter.com/TVwnAQWoTj

  — Zoramthanga (@ZoramthangaCM) April 28, 2020

ರಾಫೇಲ್​ ಎವಿಎಲ್​ ಮಲ್ಚಾನ್ಹಿಮಾ ಎಂಬ 23 ವರ್ಷದ ಯುವಕನ ಸ್ನೇಹಿತ ವಿವಿಯನ್​ ಲಾಲರೆಮ್​ಸಂಗಾ ಎಂಬಾತ ಚೆನ್ನೈನಲ್ಲಿ ಏ.23 ರಂದು ಹೃದಯಾಘಾತದಿಂದ ಸಾವಿಗೀಡಾಗಿದ್ದ. ಪೋಸ್ಟ್​ ಮಾರ್ಟಮ್​​ ಆದ ನಂತರ ಚೆನ್ನೈನ ಸ್ಥಳೀಯ ಆಡಳಿತಾಧಿಕಾರಿಗಳು ಚೆನ್ನೈನಲ್ಲೇ ಮೃತನ ಶವಸಂಸ್ಕಾರ ಮಾಡಬೇಕೆಂದು ಹೇಳಿದರು. ಲಾಕ್​ಡೌನ್ ಇರುವುದರಿಂದ ಶವವನ್ನು ದೂರದೂರಿಗೆ ಒಯ್ಯಲು ಅವಕಾಶವಿಲ್ಲ ಎಂದು ತಿಳಿಸಿದ್ದರು.

ಆದರೆ ತನ್ನ ಗೆಳೆಯನನ್ನು ಆತನ ಮನೆಯಿಂದ 3 ಸಾವಿರ ಕಿಮೀ ದೂರದ ಚೆನ್ನೈನಲ್ಲಿ ದಿಕ್ಕಿಲ್ಲದಂತೆ ಶವಸಂಸ್ಕಾರ ನೆರವೇರಿಸುವುದಕ್ಕೆ ಮನಸು ಒಪ್ಪಲೇ ಇಲ್ಲ. ಹೋಟೆಲ್​​ ಮ್ಯಾನೇಜಮೆಂಟ್​ ಕೋರ್ಸ್ ಮುಗಿಸಿ ಇನ್ನೇನು ಪ್ರಮಾಣಪತ್ರಗಳನ್ನು ಪಡೆದು ಹೊಸ ಜೀವನ ಆರಂಭಿಸುವ ನಿರೀಕ್ಷೆಯಲ್ಲಿದ್ದ 28 ವರ್ಷದ ಗೆಳೆಯ ವಿವಿಯನ್​ ಲಾಕ್​ಡೌನ್​ ಮಧ್ಯೆಯೇ ವಿಧಿಯಾಟಕ್ಕೆ ಬಲಿಯಾಗಿದ್ದ. ಇಂಥ ಪರಿಸ್ಥಿತಿಯಲ್ಲಿ ಹೇಗಾದರೂ ಮಾಡಿ ಗೆಳೆಯನ ಶವವನ್ನು ಮಿಜೋರಾಂ ರಾಜ್ಯದ ಆತನ ಊರಿಗೆ ಕಳುಹಿಸಲೇಬೇಕು ಎಂದು ರಾಫೇಲ್​ ತೀರ್ಮಾನಿಸಿದ್ದ.

ಚೆನ್ನೈನಲ್ಲಿರುವ ಮಿಜೋ ವೆಲ್ಫೇರ್ ಅಸೋಸಿಯೇಷನ್​ ಸಹಾಯದಿಂದ ರಾಫೇಲ್​ ಮಿಜೋರಾಂ ಸರ್ಕಾರದೊಂದಿಗೆ ಸಂಪರ್ಕ ಸಾಧಿಸಿದ. ಕೊನೆಗೆ ಇಬ್ಬರು ಆ್ಯಂಬುಲೆನ್ಸ್​ ಚಾಲಕರು ರಾಫೇಲ್​ ನೆರವಿಗೆ ಬಂದರು. ಹಿಂದೆ ಲಾರಿ ಚಾಲಕರಾಗಿದ್ದಾಗ ಅಸ್ಸಾಂವರೆಗೂ ಹೋಗಿದ್ದ ಅನುಭವವಿದ್ದ ಅವರು ಆ್ಯಂಬುಲೆನ್ಸ್​ನಲ್ಲಿ ಶವ ಒಯ್ಯಲು ತಯಾರಾದರು.

ಆದರೆ, ಅವರಿಗೆ ದಾರಿ ಸರಿಯಾಗಿ ಗೊತ್ತಿಲ್ಲದ್ದರಿಂದ ಹಾಗೂ ಮಧ್ಯದಲ್ಲಿ ಬರುವ ಪೊಲೀಸ್​ ತಪಾಸಣೆಗಳನ್ನು ಎದುರಿಸಲು ಮಿಜೋರಾಂನ ಒಬ್ಬರಾದರೂ ತಮ್ಮ ಜೊತೆಗೆ ಬರಬೇಕೆಂದರು. ಗೆಳೆಯನಿಗಾಗಿ ರಾಫೇಲ್​ ಮಿಜೋರಾಂಗೆ ಹೊರಟು ನಿಂತ.

ಕೊನೆಗೂ ಚಾಲಕರಾದ ಚಿನ್ನತಂಬಿ ಹಾಗೂ ಜೆಯಂದಿರನ್​ ಅವರೊಂದಿಗೆ ಶವ ತೆಗೆದುಕೊಂಡು ಏ,25 ರಂದು ಹೊರಟರು. ನಿರ್ಜನ ಹೈವೇಗಳು, ಚಿಕ್ಕ ದಾರಿಗಳನ್ನು ಬಳಸಿ ಸಾಗುವ ಮಧ್ಯೆ ಅದೆಷ್ಟೋ ಬಾರಿ ಆಹಾರ ನೀರಿಲ್ಲದೇ ಉಪವಾಸ ಕಳೆದರೂ ಪ್ರಯಾಣ ಮಾತ್ರ ನಿಲ್ಲಲಿಲ್ಲ. ಕೊನೆಗೂ ನಾಲ್ಕು ದಿನಗಳ ಅತಿ ಪ್ರಯಾಸಕರ 3 ಸಾವಿರ ಕಿಮೀ ಪ್ರಯಾಣದ ನಂತರ ಮೃತ ಗೆಳೆಯ ವಿವಿಯನ್ ಲಾಲರೆಮ್​​ಸಂಗಾನನ್ನು ಮಿಜೋರಾಂನ ಒಂದು ಮೂಲೆಯಲ್ಲಿದ್ದ ಆತನ ಮನೆಗೆ ತಲುಪಿಸಿದ್ದರು.

ರಾಫೇಲ್​ ಎವಿಎಲ್​ ಮಲ್ಚಾನ್ಹಿಮಾ ಈತನ ಪ್ರಯತ್ನಕ್ಕೆ ಮಿಜೋರಾಂ ಮುಖ್ಯಮಂತ್ರಿ ಜೋರಮ್​ಥಂಗಾ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದು, "ನಿಮಗೆ ನನ್ನ ಹೃದಯಾಂತರಾಳದ ಅಭಿನಂದನೆಗಳು! ಮಿಜೋ ಜನತೆಯ ಹೃದಯದ ಮಿಡಿತವನ್ನು ನೀನು ಜಗತ್ತಿಗೆ ತೋರಿಸಿರುವೆ." ಎಂದು ಟ್ವೀಟ್ ಮಾಡಿದ್ದಾರೆ.

ರಾಫೇಲ್​ ಎವಿಎಲ್​ ಮಲ್ಚಾನ್ಹಿಮಾ ಸದ್ಯಕ್ಕೆ 14 ದಿನಗಳ ಹೋಂ ಕ್ವಾರಂಟೈನ್​ನಲ್ಲಿದ್ದಾರೆ. ಇನ್ನು ಆತ್ಮೀಯ ಗೆಳೆಯ ಲಾಲರೆಮ್​ಸಂಗಾ ಐಜ್ವಾಲ್​ನ ತನ್ನ ಮನೆ ಬಳಿಯ ಮಾಡೆಲ್​ ವೆಂಗ್ ಸ್ಮಶಾನದಲ್ಲಿ ಚಿರಶಾಂತಿ ಪಡೆದಿದ್ದಾರೆ.