ಚೆನ್ನೈ (ತಮಿಳುನಾಡು): ಚೆನ್ನೈ ವಿಮಾನ ನಿಲ್ದಾಣದಲ್ಲಿ ಚೆನ್ನೈ ಏರ್ ಕಸ್ಟಮ್ಸ್ ಇಲಾಖೆಯು ಇಂದು 48.9 ಲಕ್ಷ ರೂ. ಮೌಲ್ಯದ 1.01 ಕೆಜಿ ಚಿನ್ನವನ್ನು ವಶಪಡಿಸಿಕೊಂಡಿದೆ.
1.01 ಕೆಜಿ ಚಿನ್ನದ ಪೈಕಿ 416 ಗ್ರಾಂ ಚಿನ್ನವನ್ನು ಫ್ಲೈ ದುಬೈ ವಿಮಾನ ಎಫ್‌ಝೆಡ್ 8517 ಮೂಲಕ ದುಬೈನಿಂದ ಆಗಮಿಸಿದ ರಾಮನಾಥಪುರಂನ ಅಬೂಬಕರ್ ಸಿಥಿಕ್ ಎಂಬುವರಿಂದ ವಶಪಡಿಸಿಕೊಳ್ಳಲಾಗಿದೆ ಎಂದು ಚೆನ್ನೈ ಕಸ್ಟಮ್ಸ್ ಮಾಹಿತಿ ನೀಡಿದೆ. ಆತ ತನ್ನ ಗುದನಾಳದಲ್ಲಿ 2 ಕಟ್ಟುಗಳ ಚಿನ್ನದ ಪೇಸ್ಟ್ ಇರಿಸಿಕೊಂಡಿದ್ದು, ವಿಮಾನ ನಿಲ್ದಾಣದಲ್ಲಿ ವೈಯಕ್ತಿಕ ಪರಿಶೀಲನೆ ನಡೆಸುವಾಗ ಸಿಕ್ಕಿಬಿದ್ದಿದ್ದಾನೆ ಎಂದು ಚೆನ್ನೈ ಕಸ್ಟಮ್ಸ್ ತಿಳಿಸಿದೆ.
ಈ ಸುದ್ದಿಯನ್ನೂ ಓದಿ: ಬೆಂಗಳೂರಿನಲ್ಲಿ ಹಿಟ್ ಅಂಡ್ ರನ್: ಕಾರು ಚಾಲಕನಿಗಾಗಿ ಶೋಧ
ಮತ್ತೊಂದು ಪ್ರಕರಣದಲ್ಲಿ ಇಂಡಿಗೊ ವಿಮಾನ 6E -66ರಲ್ಲಿ, ವಿಮಾನದ ಒಂದು ಆಸನದ ಕೆಳಗಿನ ಪೈಪ್‌ನಲ್ಲಿ ಇರಿಸಿದ್ದ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ. 100 ಗ್ರಾಂ ತೂಕದ 6 ತುಂಡುಗಳ ಚಿನ್ನ ಸೇರಿದಂತೆ 29 ಲಕ್ಷ ರೂಪಾಯಿ ಮೌಲ್ಯದ ಒಟ್ಟು 600 ಗ್ರಾಂ ಚಿನ್ನವನ್ನು ಕಸ್ಟಮ್ಸ್ ಕಾಯ್ದೆಯಡಿ ಹಕ್ಕು ಪಡೆಯದ ಚಿನ್ನವೆಂದು ವಶಪಡಿಸಿಕೊಳ್ಳಲಾಗಿದೆ ಎಂದು ಚೆನ್ನೈ ಏರ್ಪೋರ್ಟ್ ಕಸ್ಟಮ್ಸ್ ತಿಳಿಸಿದೆ.
ಹೆಚ್ಚಿನ ತನಿಖೆ ಪ್ರಗತಿಯಲ್ಲಿದೆ ಎಂದು ಇಲಾಖೆ ಮಾಹಿತಿ ನೀಡಿದೆ.
