ಹೈದರಾಬಾದ್: ಟರ್ಕಿ 2020 ರ ಜೂನ್ 11 ರಂದು ಒಂದು ವಿಡಿಯೋ ಬಿಡುಗಡೆ ಮಾಡಿತ್ತು. ಈ ವಿಡಿಯೋದಲ್ಲಿ ಅದು ಜಮ್ಮು ಕಾಶ್ಮೀರದ ಸಮಸ್ಯೆಯನ್ನು ಗುರಿಯಾಗಿಸಿಕೊಂಡಿದೆ. ಅದೇ ಸಮಯದಲ್ಲಿ, ಟರ್ಕಿಯ ಅಧ್ಯಕ್ಷ ಎರ್ಡೋಗನ್ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಕಾಶ್ಮೀರ ಸಂಘರ್ಷದ ಬಗ್ಗೆ ಅಂತಾರಾಷ್ಟ್ರೀಯ ಸಮುದಾಯವು ಸಾಕಷ್ಟು ಗಮನ ಹರಿಸಲು ವಿಫಲವಾಗಿದೆ ಎಂದು ದೂರಿದ್ದರು.
ಟರ್ಕಿಯ ಭಾರತ ವಿರೋಧಿ ಹೇಳಿಕೆ:
ಜಮ್ಮು ಕಾಶ್ಮೀರದಿಂದ ಆರ್ಟಿಕಲ್ 370 ಅನ್ನು ತೆಗೆದುಹಾಕಿದ ನಂತರ ಟರ್ಕಿ ವಿದೇಶಾಂಗ ಸಚಿವಾಲಯವು ಭಾರತ ಸರ್ಕಾರದ ಈ ನಿರ್ಧಾರವು ಪ್ರಸ್ತುತ ಉದ್ವಿಗ್ನತೆಯನ್ನು ಹೆಚ್ಚಿಸುತ್ತದೆ ಎಂದು ಹೇಳಿತ್ತು.
2020 ರ ಫೆಬ್ರವರಿಯಲ್ಲಿ ಎರ್ಡೋಗನ್ ಪಾಕಿಸ್ತಾನಕ್ಕೆ ಭೇಟಿ ನೀಡಿದಾಗ ಅವರು ಮತ್ತೆ ಕಾಶ್ಮೀರದ ಕುರಿತು ಮಾತನಾಡಿದ್ದರು.
ಪಾಕಿಸ್ತಾನಕ್ಕೆ ಟರ್ಕಿ ಬೆಂಬಲ ನೀಡಲು ಕಾರಣ:
ಕಾಶ್ಮೀರದಲ್ಲಿ ಪಾಕಿಸ್ತಾನವನ್ನು ಬೆಂಬಲಿಸುವ ಮೂಲಕ ಟರ್ಕಿ ಸೌದಿ ಅರೇಬಿಯಾವನ್ನು ಎದುರಿಸಲು ಪ್ರಯತ್ನಿಸುತ್ತಿದೆ. ಪಾಕ್‌ ಬೆಂಬಲಿಸುವ ಮೂಲಕ, ಇಸ್ಲಾಮಾಬಾದ್ ಅಂಕಾರಾ ಮತ್ತು ಸೌದಿ ಅರೇಬಿಯಾದಿಂದ ದೂರ ಹೋಗಲಿದೆ ಎಂದು ಟರ್ಕಿ ಆಶಿಸುತ್ತಿದೆ.
ಸೌದಿ ಅರೇಬಿಯಾ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಕಾಶ್ಮೀರದ ಬಗ್ಗೆ ಭಾರತದ ನಿಲುವನ್ನು ಬೆಂಬಲಿಸಿದವು. ಈ ಕಾರಣದಿಂದಾಗಿ ಟರ್ಕಿ ಕಾಶ್ಮೀರದ ವ್ಯಾಪ್ತಿಯಲ್ಲಿ ಪಾಕಿಸ್ತಾನಕ್ಕೆ ಆಮಿಷವೊಡ್ಡಲು ಪ್ರಯತ್ನಿಸುತ್ತಿದೆ.
ಫೈನಾನ್ಸಿಯಲ್ ಆಕ್ಷನ್ ಟಾಸ್ಕ್ ಫೋರ್ಸ್ (ಎಫ್‌ಎಟಿಎಫ್) ನಲ್ಲಿ ಪಾಕಿಸ್ತಾನವನ್ನು ಬೆಂಬಲಿಸುವ ಕೆಲವೇ ದೇಶಗಳಲ್ಲಿ (ಮಲೇಷ್ಯಾ ಮತ್ತು ಚೀನಾ) ಟರ್ಕಿಯೂ ಒಂದು.
ಭಾರತದ ಪ್ರತಿಕ್ರಿಯೆ:
ಎರ್ಡೋಗನ್ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಕಾಶ್ಮೀರದ ವಿಷಯವನ್ನು ಎತ್ತಿದಾಗ, ಭಾರತವು ಟರ್ಕಿಗೆ ಸೂಕ್ತವಾದ ಉತ್ತರವನ್ನು ನೀಡಿತು.
ಪ್ರಧಾನಿ ನರೇಂದ್ರ ಮೋದಿ ಅವರು ಸೈಪ್ರಸ್ ಅಧ್ಯಕ್ಷರು ಮತ್ತು ಅರ್ಮೇನಿಯಾ ಮತ್ತು ಗ್ರೀಸ್ ಪ್ರಧಾನ ಮಂತ್ರಿಗಳನ್ನು ಭೇಟಿ ಮಾಡುವ ಮೂಲಕ ಟರ್ಕಿಗೆ ಪ್ರತಿಕ್ರಿಯಿಸಿದರು. ಸೈಪ್ರಸ್, ಅರ್ಮೇನಿಯಾ ಮತ್ತು ಗ್ರೀಸ್ ಟರ್ಕಿಯೊಂದಿಗೆ ವಿವಿಧ ವಿವಾದಗಳನ್ನು ಹೊಂದಿವೆ.
ಅಕ್ಟೋಬರ್ 2019 ರಲ್ಲಿ ಮೋದಿ ತಮ್ಮ ಟರ್ಕಿ ಭೇಟಿಯನ್ನು ರದ್ದುಗೊಳಿಸಿದರು. ಟರ್ಕಿ ಮತ್ತು ಪಾಕಿಸ್ತಾನದ ನಡುವೆ ಹೆಚ್ಚುತ್ತಿರುವ ರಕ್ಷಣಾ ಸಂಬಂಧಗಳ ದೃಷ್ಟಿಯಿಂದ, ಭಾರತವು ಟರ್ಕಿಯ ರಕ್ಷಣಾ ರಫ್ತುಗಳನ್ನು ಕಡಿತಗೊಳಿಸಿತು ಮತ್ತು ಟರ್ಕಿಯಿಂದ ಆಮದನ್ನು ಕಡಿಮೆ ಮಾಡಿತು.
ಭಾರತವು ಅರ್ಮೇನಿಯಾದೊಂದಿಗಿನ ತನ್ನ ಸಂಬಂಧವನ್ನು ಮುಂದುವರೆಸಿತು. ಅರ್ಮೇನಿಯಾ ಜೊತೆ ಭಾರತ 40 ಮಿಲಿಯನ್ ಡಾಲರ್ ರಕ್ಷಣಾ ಒಪ್ಪಂದಕ್ಕೆ ಸಹಿ ಹಾಕಿತು. ಒಪ್ಪಂದದ ಪ್ರಕಾರ, ಅರ್ಮೇನಿಯಾಗೆ ಭಾರತ ನಾಲ್ಕು ಶಸ್ತ್ರಾಸ್ತ್ರ ಶೋಧಕ ರಾಡಾರ್ ಪೂರೈಸಲಿದೆ.
ಟರ್ಕಿಯರ ನರಮೇಧದ ಇತಿಹಾಸ:
ಅರ್ಮೇನಿಯನ್ ನರಮೇಧವು ಒಟ್ಟೋಮನ್ ಸಾಮ್ರಾಜ್ಯದ ಟರ್ಕರು ಅರ್ಮೇನಿಯನ್ನರನ್ನು ವ್ಯವಸ್ಥಿತವಾಗಿ ಕೊಲ್ಲುವುದು ಮತ್ತು ಗಡಿಪಾರು ಮಾಡುವುದನ್ನು ಒಳಗೊಂಡಿತ್ತು. 1915ರಲ್ಲಿ ನಡೆದ ಮೊದಲ ಮಹಾಯುದ್ಧದ ಸಮಯದಲ್ಲಿ, ಟರ್ಕಿಶ್ ಸರ್ಕಾರದ ನಾಯಕರು ಅರ್ಮೇನಿಯನ್ನರನ್ನು ಹೊರಹಾಕುವ ಮತ್ತು ಹತ್ಯೆ ಮಾಡುವ ಯೋಜನೆಯನ್ನು ರೂಪಿಸಿದರು.
1920 ರ ದಶಕದ ಆರಂಭದಲ್ಲಿ ಹತ್ಯಾಕಾಂಡಗಳು ಮತ್ತು ಗಡಿಪಾರುಗಳು ಮುಗಿಯುವ ಹೊತ್ತಿಗೆ, ಆರು ಮಿಲಿಯನ್ ಅರ್ಮೇನಿಯನ್ನರು ಸಾವನ್ನಪ್ಪಿದರು ಮತ್ತು 1.5 ಮಿಲಿಯನ್ ಜನರನ್ನು ದೇಶದಿಂದ ಹೊರಹಾಕಲಾಯಿತು.
ಕುರ್ಡ್ಸ್ ವಿರುದ್ಧ ಹತ್ಯಾಕಾಂಡ:
ಕುರ್ಡ್ಸ್ ಟರ್ಕಿಯ ಅತಿದೊಡ್ಡ ಟರ್ಕಿಶ್ ಅಲ್ಲದ ಜನಾಂಗೀಯ ಗುಂಪು. ಅವರು ಟರ್ಕಿಯ ಜನಸಂಖ್ಯೆಯ ಶೇಕಡಾ 20 ರಷ್ಟಿದ್ದಾರೆ. ತಲೆಮಾರುಗಳಿಂದ, ಕುರ್ದಿಗಳು ಟರ್ಕಿಶ್ ಅಧಿಕಾರಿಗಳ ಕೈಯಲ್ಲಿ ಕಠಿಣ ದೌರ್ಜನ್ಯವನ್ನು ಅನುಭವಿಸಿದ್ದಾರೆ.
1920 ಮತ್ತು 1930 ರ ದಶಕಗಳಲ್ಲಿ, ದಂಗೆಗೆ ಪ್ರತಿಕ್ರಿಯೆಯಾಗಿ ಅನೇಕ ಕುರ್ದಿಗಳನ್ನು ಉಚ್ಛಾಟಿಸಲಾಯಿತು, ಕುರ್ದಿಷ್ ಹೆಸರುಗಳು ಮತ್ತು ವೇಷಭೂಷಣಗಳನ್ನು ನಿಷೇಧಿಸಲಾಯಿತು.
ಕುರ್ದಿಷ್ ಭಾಷೆಯ ಬಳಕೆಯನ್ನು ನಿಷೇಧಿಸಲಾಯಿತು ಮತ್ತು ಕುರ್ದಿಶ್ ಜಾತಿಯ ಅಸ್ತಿತ್ವವನ್ನು ಸಹ ನಿರಾಕರಿಸಲಾಯಿತು. ಕುರ್ದಿಶ್ ಜನರನ್ನು ಮೌಂಟೇನ್ ಟರ್ಕ್ಸ್‌ನಿಂದ ಹೆಸರಿಸಲಾಯಿತು.
1923 ರಲ್ಲಿ ಟರ್ಕಿ ಗಣರಾಜ್ಯ ಸ್ಥಾಪನೆಯಾದಾಗಿನಿಂದ, ಹತ್ಯಾಕಾಂಡಗಳು ಕಾಲಕಾಲಕ್ಕೆ ಕುರ್ದಿಗಳ ವಿರುದ್ಧ ನಡೆಯುತ್ತಿವೆ.
ಜಿಲನ್ ಹತ್ಯಾಕಾಂಡ:
1930 ರಲ್ಲಿ ಜಿಲಾನ್ ಹತ್ಯಾಕಾಂಡದಲ್ಲಿ ಸುಮಾರು 15 ಸಾವಿರ ಪುರುಷರು, ಮಹಿಳೆಯರು ಮತ್ತು ಶಿಶುಗಳು ಕೊಲ್ಲಲ್ಪಟ್ಟರು. ಅವರ ಶವಗಳನ್ನು ನದಿಯಲ್ಲಿ ಎಸೆಯಲಾಯಿತು.
ದರ್ಸೀಮ್ ಹತ್ಯಾಕಾಂಡ:
1938 ರಲ್ಲಿ, ದರ್ಸೀಮ್ ಹತ್ಯಾಕಾಂಡದಲ್ಲಿ, ಪೂರ್ವ ಟರ್ಕಿಯಲ್ಲಿ ತುರ್ಕಬಂಡಿ ಕಾರ್ಯಕ್ರಮದಡಿ 70 ಸಾವಿರ ಜನರು ಕೊಲ್ಲಲ್ಪಟ್ಟರು.
ಅಲೆವಿಸ್ ಮತ್ತು ಕುರ್ಡ್ಸ್ ಹತ್ಯಾಕಾಂಡ:
1937-38ರಲ್ಲಿ, ಟರ್ಕರು ಸುಮಾರು 10 ಸಾವಿರದಿಂದ 15 ಸಾವಿರ ಅಲೆವಿಸ್ ಮತ್ತು ಕುರ್ದಿಗಳನ್ನು ಹತ್ಯೆ ಮಾಡಿದರು.
ಪ್ರತ್ಯೇಕತಾವಾದಿ ಚಳವಳಿ 1970 ರ ದಶಕದಲ್ಲಿ ಕುರ್ದಿಷ್-ಟರ್ಕಿಶ್ ಸಂಘರ್ಷದಲ್ಲಿ ಭಾಗಿಯಾಯಿತು. 1984 ರಿಂದ 1999 ರವರೆಗೆ, ಟರ್ಕಿಶ್ ಸೈನ್ಯವು ಪಿಕೆಕೆ ಜೊತೆ ಸಂಘರ್ಷದಲ್ಲಿ ಭಾಗಿಯಾಗಿತ್ತು.
1990 ರ ದಶಕದ ಮಧ್ಯಭಾಗದ ವೇಳೆಗೆ ಮೂರು ಸಾವಿರಕ್ಕೂ ಹೆಚ್ಚು ಹಳ್ಳಿಗಳನ್ನು ನಕ್ಷೆಯಿಂದ ಅಳಿಸಿಹಾಕಲಾಯಿತು ಮತ್ತು ಅಧಿಕೃತ ಅಂಕಿಅಂಶಗಳ ಪ್ರಕಾರ, 3,78,335 ಕುರ್ದಿಶ್ ಗ್ರಾಮಸ್ಥರನ್ನು ಸ್ಥಳಾಂತರಿಸಲಾಯಿತು ಮತ್ತು ನಿರಾಶ್ರಿತರಾಗಿದ್ದರು.
