ಬಂಗಬಂಧು ಕೊಲೆ ಪ್ರಕರಣ: ಬಾಂಗ್ಲಾದಲ್ಲಿ ಮಾಜಿ ಸೇನಾನಾಯಕನ ಸೆರೆ

ಬಾಂಗ್ಲಾದ ಸಂಸ್ಥಾಪಕ ಹಾಗೂ ಬಂಗಬಂಧು ಎಂದೇ ಪ್ರಖ್ಯಾತವಾಗಿರುವ ಶೇಖ್​ ಮುಜಿಬುರ್ ರಹಮಾನ್ ಕೊಂದ ಆರೋಪದಲ್ಲಿ ಬಾಂಗ್ಲಾದ ಮಾಜಿ ಸೇನಾಮುಖ್ಯಸ್ಥನನ್ನು ಬಂಧಿಸಲಾಗಿದೆ.

ಢಾಕಾ(ಬಾಂಗ್ಲಾದೇಶ): ಬಂಗಬಂಧು ಹಾಗೂ ಬಾಂಗ್ಲಾದ ಸಂಸ್ಥಾಪಕ ಶೇಖ್​ ಮುಜಿಬುರ್ ರಹಮಾನ್​ ಅವರನ್ನು ಕೊಂದ ಆರೋಪದಲ್ಲಿಅಲ್ಲಿನ ಮಿಲಿಟರಿಯ ಮಾಜಿ ನಾಯಕ ಅಬ್ದುಲ್​ ಮಜೀದ್​ನನ್ನು ಬಂಧಿಸಲಾಗಿದೆ ಎಂದು ಬಾಂಗ್ಲಾದ ಗೃಹ ಮಂತ್ರಿ ಅಸಾದುಜ್ಮಾನ್​ ಖಾನ್​ ಕಮಲ್​ ಸ್ಪಷ್ಟಪಡಿಸಿದ್ದಾರೆ.

ತಲೆ ಮರೆಸಿಕೊಂಡಿದ್ದ ಆರು ಮಂದಿ ಮಿಲಿಟರಿಯ ಮಾಜಿ ಅಧಿಕಾರಿಗಳಲ್ಲಿ ಮಜೀದ್ ಕೂಡಾ ಒಬ್ಬನಾಗಿದ್ದ. ಈಗ ಆತನನ್ನು ಬಂಧಿಸಲಾಗಿದ್ದು ವಿಚಾರಣೆಯ ಬಳಿಕ ಕಠಿಣ ಶಿಕ್ಷೆ ವಿಧಿಸುವ ಸಾಧ್ಯತೆಯಿದೆ.

ಕೆಲವು ದಿನಗಳ ಹಿಂದೆ ಗೃಹ ಮಂತ್ರಿ ಅಸಾದುಜ್ಮಾನ್​ ಖಾನ್​ ಕಮಲ್​ ಅವರು ಮಜೀದ್ ಭಾರತದಲ್ಲಿ ಅಡಗಿದ್ದ, ಈಗ ಭಾರತದಿಂದ ಢಾಕಾಗೆ ವಾಪಸ್​ ಬಂದಾಗ ಬಂಧಿಸಲಾಗಿದೆ ಎಂದು ಹೇಳಲಾಗುತ್ತಿದೆ.

ಮಜೀದ್​ ತಾನು ಬಂಗಬಂಧು ಮುಜಿಬುರ್ ರಹಮಾನ್​ ಅನ್ನು 1975 ಆಗಸ್ಟ್​ 15ರಂದು ಅವರ ನಿವಾಸದಲ್ಲಿ ಧನಮಂಡಿ ನಿವಾಸದಲ್ಲಿ ಕೊಂದಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಅದರ ಜೊತೆಗೆ ರಾಷ್ಟ್ರದ ನಾಲ್ವರು ನಾಯಕರನ್ನು ನವೆಂಬರ್ 3ರಂದು ಬಿಗಿ ಭದ್ರತೆಯ ನಡುವೆಯೇ ಕೊಂದಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾನೆ ಎಂದು ಗೃಹ ಸಚಿವ ಅಸಾದುಜ್ಮಾನ್​ ಖಾನ್​ ಕಮಲ್​ ಸ್ಪಷ್ಟನೆ ನೀಡಿದ್ದಾರೆ.