ನವದೆಹಲಿ: ಭಾರತೀಯ ಆರ್ಮಿಯನ್ನು 'ಮೋದಿ ಸೇನೆ' ಎಂದು ವ್ಯಾಖ್ಯಾನಿಸಿದ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಹೇಳಿಕೆ ವಿವಾದದ ತಿರುವು ಪಡೆದುಕೊಂಡಿದ್ದು, ಈ ಕುರಿತು ವರದಿ ಕೊಡುವಂತೆ ಮುಖ್ಯ ಚುನಾವಣಾ ಆಯೋಗವು ಘಾಜಿಯಾಬಾದ್ ಜಿಲ್ಲಾಧಿಕಾರಿಗೆ ಸೂಚನೆ ನೀಡಿದೆ.
ಘಾಜಿಯಾಬಾದ್ನಲ್ಲಿ ನಡೆದ ಚುನಾವಣಾ ರಾಲಿಯಲ್ಲಿ ಮಾತನಾಡಿದ್ದ ಯೋಗಿ, ಭಾರತೀಯ ಸೇನೆಯು ಮೋದಿ ಸೇನೆ ಎಂದು ಹೇಳಿದ್ದರು. ಇದರ ವಿರುದ್ಧ ಕೆಂಡಾಮಂಡಲವಾಗಿದ್ದ ವಿಪಕ್ಷಗಳು ಚುನಾವಣಾ ಆಯೋಗಕ್ಕೆ ದೂರು ನೀಡಿದ್ದವು.
ಕಾಂಗ್ರೆಸ್ನವರು ಉಗ್ರರಿಗೆ ಬಿರಿಯಾನಿ ಬಡಿಸಿದರು. ಆದರೆ, ಮೋದಿ ಅವರು ಭಯೋತ್ಪಾದಕರಿಗೆ ಗುಂಡಿನ ಉತ್ತರ ನೀಡಿದರು. ಕಾಂಗ್ರೆಸ್ ನಾಯಕರು ಉಗ್ರ ಮಸೂದ್ ಅಜರ್ಗೆ ಗೌರವ ಸೂಚಿಸುವಂತೆ ಅಜರ್ ಜೀ ಎಂದು ಕರೆದಿದ್ದರು. ಆದರೆ, ಬಿಜೆಪಿ ಸರ್ಕಾರವು ಅವರ ಕ್ಯಾಂಪ್ಗಳನ್ನು ಧ್ವಂಸ ಮಾಡಿದೆ ಎಂದು ಯೋಗಿ ಹೇಳಿದ್ದರು.
