ಹೊಸದಿಲ್ಲಿ: ಲಾಕ್ಡೌನ್ ಹಿನ್ನೆಲೆಯಲ್ಲಿ ಮನೆಯಲ್ಲಿ ಕುಳಿತವರಿಗಾಗಿ ದೂರದರ್ಶನ ಭರಪೂರ ಮನರಂಜನೆಯನ್ನು ಹೊತ್ತು ತರಲು ಸಜ್ಜಾಗಿದೆ. 80 ಹಾಗೂ 90ರ ದಶಕದಲ್ಲಿ ದೂರದರ್ಶನದಲ್ಲಿ ಪ್ರಸಾರವಾಗುತ್ತಿದ್ದ ಸೀರಿಯಲ್ಗಳನ್ನು ಈಗ ಮತ್ತೊಮ್ಮೆ ನೋಡುವ ಭಾಗ್ಯ ನಿಮ್ಮದಾಗಿದೆ. ದೂರದರ್ಶನದ ಸುವರ್ಣ ಯುಗವಾಗಿದ್ದ 80ರ ದಶಕದ ಅತಿ ಜನಪ್ರಿಯ ಸೀರಿಯಲ್ಗಳು ಈಗ ಮತ್ತೊಮ್ಮೆ ಪ್ರಸಾರವಾಗುತ್ತಿದ್ದು, ಅಂದಿನ ಮಧುರಾತಿ ಮಧುರ ನೆನಪುಗಳನ್ನು ಮೆಲುಕು ಹಾಕುವ ಅವಕಾಶ ಲಭಿಸಿದೆ.
ದೂರದರ್ಶನದಲ್ಲಿ ಮರುಪ್ರಸಾರ ಕಾಣಲಿರುವ ಜನಪ್ರಿಯ ಕಾರ್ಯಕ್ರಮಗಳ ಪಟ್ಟಿ:
1. ಚಾಣಕ್ಯ: 47 ಎಪಿಸೋಡ್, ನಿರ್ದೇಶನ: ಚಂದ್ರಪ್ರಕಾಶ ದ್ವಿವೇದಿ, ಡಿಡಿ ಭಾರತಿಯಲ್ಲಿ ಏ.1 ರಿಂದ ಮಧ್ಯಾಹ್ನದ ಸ್ಲಾಟ್ನಲ್ಲಿ ಪ್ರಸಾರವಾಗಲಿದೆ.
2. ಉಪನಿಷದ್ ಗಂಗಾ: 52 ಎಪಿಸೋಡ್, ನಿರ್ಮಾಣ: ಚಿನ್ಮಯ ಮಿಷನ್ ಟ್ರಸ್ಟ್, ನಿರ್ದೇಶನ: ಚಂದ್ರಪ್ರಕಾಶ ದ್ವಿವೇದಿ, ಡಿಡಿ ಭಾರತಿಯಲ್ಲಿ ಏ.1 ರಿಂದ ಮಧ್ಯಾಹ್ನದ ಸ್ಲಾಟ್ನಲ್ಲಿ ಪ್ರಸಾರವಾಗಲಿದೆ.
3. ಶಕ್ತಿಮಾನ್: ಮುಕೇಶ್ ಖನ್ನಾ ನಟನೆಯ ಈ ಸೀರಿಯಲ್ ಏ.1 ರಿಂದ ಡಿಡಿ ನ್ಯಾಷನಲ್ನಲ್ಲಿ ಮಧ್ಯಾಹ್ನ 1 ಗಂಟೆಗೆ ಪ್ರಸಾರವಾಗಲಿದೆ.
4. ಶ್ರೀಮಾನ್ ಶ್ರೀಮತಿ: ಹೊಟ್ಟೆ ಹುಣ್ಣಾಗಿಸುವಂತೆ ನಗಿಸುವ ಈ ಸೀರಿಯಲ್ನ ನಿರ್ಮಾಪಕರು ಮಾರ್ಕಂಡ್ ಅಧಿಕಾರಿ. ಡಿಡಿ ನ್ಯಾಷನಲ್ನಲ್ಲಿ ಏ.1 ರಿಂದ ಮಧ್ಯಾಹ್ನ 2 ಕ್ಕೆ ಪ್ರಸಾರವಾಗಲಿದೆ.
5. ಕೃಷ್ಣಾ ಕಲಿ: ಡಿಡಿ ನ್ಯಾಷನಲ್ನಲ್ಲಿ ರಾತ್ರಿ 8.30 ಕ್ಕೆ, ಒಟ್ಟು 18 ಎಪಿಸೋಡ್.
ಈಗಾಗಲೇ ಮಾ.28 ರಿಂದ ಮರುಪ್ರಸಾರ ಆರಂಭವಾಗಿರುವ ಸೀರಿಯಲ್ಗಳು ಇಂತಿವೆ:
1. ರಾಮಾಯಣ: ರಾಮಾನಂದ ಸಾಗರ್ ನಿರ್ದೇಶನದ ರಾಮಾಯಣ ಸೀರಿಯಲ್ನ ತಲಾ 35 ನಿಮಿಷದ 78 ಎಪಿಸೋಡ್, ತಲಾ 30 ನಿಮಿಷದ 30 ಎಪಿಸೋಡ್ ಡಿಡಿ ನ್ಯಾಷನಲ್ನಲ್ಲಿ ಪ್ರತಿದಿನ ಬೆಳಗ್ಗೆ 9ಕ್ಕೆ ಹಾಗೂ ರಾತ್ರಿ 9ಕ್ಕೆ ಪ್ರಸಾರ ಆರಂಭವಾಗಿದೆ.
2. ಮಹಾಭಾರತ: ತಲಾ 45 ನಿಮಿಷದ 97 ಎಪಿಸೋಡ್. ಮಧ್ಯಾಹ್ನ 12 ಹಾಗೂ ಸಂಜೆ 7ಕ್ಕೆ
3. ಬ್ಯೋಮಕೇಶ್ ಬಕ್ಷಿ: ಬೆಳಗ್ಗೆ 11ಕ್ಕೆ, 57 ಎಪಿಸೋಡ್
4. ಸರ್ಕಸ್: ಶಾರುಖ್ ಖಾನ್ ಅಭಿನಯದ ಈ ಸೀರಿಯಲ್ 19 ಎಪಿಸೋಡ್ ಹೊಂದಿದ್ದು, ರಾತ್ರಿ 8ಕ್ಕೆ ಪ್ರಸಾರವಾಗುತ್ತಿದೆ.
5. ಹಮ್ ಹೈ ನಾ: 60 ಎಪಿಸೋಡ್ಗಳ ಈ ಸೀರಿಯಲ್ ಡಿಡಿ ನ್ಯಾಷನಲ್ನಲ್ಲಿ ರಾತ್ರಿ 10 ಕ್ಕೆ ಪ್ರಸಾರವಾಗುತ್ತಿದೆ.
6. ತೂ ತೋತಾ ಮೈ ಮೈನಾ: 26 ಎಪಿಸೋಡ್ಗಳ ಈ ಸೀರಿಯಲ್ ಡಿಡಿ ನ್ಯಾಷನಲ್ನಲ್ಲಿ ರಾತ್ರಿ 10.30 ಕ್ಕೆ ಪ್ರಸಾರವಾಗುತ್ತಿದೆ.
ಡಿಡಿ ಚಾನೆಲ್ ಪ್ರಸಾರ ಕಡ್ಡಾಯ: ಎಲ್ಲ ಡಿಟಿಎಚ್/ ಕೇಬಲ್ ಆಪರೇಟರ್ಗಳು ಎಲ್ಲ ದೂರದರ್ಶನ ಚಾನೆಲ್ ಹಾಗೂ ಲೋಕಸಭಾ, ರಾಜ್ಯಸಭಾ ಚಾನೆಲ್ಗಳನ್ನು ಪ್ರಸಾರ ಮಾಡುವುದು ಕಡ್ಡಾಯವಾಗಿದೆ. ಈ ನಿಯಮ ಉಲ್ಲಂಘಿಸಿದಲ್ಲಿ ಕಾನೂನು ಕ್ರಮ ಎದುರಿಸಬೇಕಾಗುತ್ತದೆ ಎಂದು ಸರ್ಕಾರ ತಿಳಿಸಿದೆ.
ನೀವೊಂದು ವೇಳೆ ದೂರದರ್ಶನ ಚಾನೆಲ್ ನೋಡಲು ಸಮಸ್ಯೆ ಅನುಭವಿಸುತ್ತಿದ್ದಲ್ಲಿ ಅಥವಾ ಇನ್ನಾವುದೇ ದೂರು ಇದ್ದಲ್ಲಿ ಹತ್ತಿರದ ದೂರದರ್ಶನ ಕೇಂದ್ರದ ಸ್ಟೇಷನ್ ಹೆಡ್ ಅವರಿಗೆ ಅಥವಾ ddpb.inform@gmail.com ಇಲ್ಲಿಗೆ ಇಮೇಲ್ ಮೂಲಕ ದೂರು ನೀಡಬಹುದು ಎಂದು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಪ್ರಕಟಣೆ ತಿಳಿಸಿದೆ.
