ವಿದರ್ಭಕ್ಕೆ ಕಾಲಿಟ್ಟ ಮರುಭೂಮಿ ಮಿಡತೆಗಳು: ಬೆಳೆಗಳಿಗೆ ರಾಸಾಯನಿಕ ಸಿಂಪಡಣೆ

ಮಿಡತೆಗಳ ಸಮೂಹವು ಮಹಾರಾಷ್ಟ್ರದ ಪೂರ್ವ ಭಾಗಕ್ಕೆ ಪ್ರವೇಶಿಸಿದ್ದು, ಅಲ್ಲಿನ ಕೃಷಿ ಇಲಾಖೆ ಸಿಬ್ಬಂದಿ ಕೀಟಗಳಿಂದ ರಕ್ಷಿಸಲು ಬೆಳೆಗಳ ಮೇಲೆ ರಾಸಾಯನಿಕ ಸಿಂಪಡಣೆ ಪ್ರಾರಂಭಿಸಿದ್ದಾರೆ.

ಮುಂಬೈ: ಮರುಭೂಮಿ ಮಿಡತೆಗಳ ಸಮೂಹವು ಮಹಾರಾಷ್ಟ್ರದ ಪೂರ್ವ ಭಾಗಕ್ಕೆ ಪ್ರವೇಶಿಸಿದ್ದು, ಅಲ್ಲಿನ ಕೃಷಿ ಇಲಾಖೆ ಸಿಬ್ಬಂದಿ ಕೀಟಗಳಿಂದ ರಕ್ಷಿಸಲು ಬೆಳೆಗಳ ಮೇಲೆ ರಾಸಾಯನಿಕ ಸಿಂಪಡಣೆ ಪ್ರಾರಂಭಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಹಲವು ಸಸ್ಯಗಳು ಹಾಗೂ ಬೆಳೆಗಳಿಗೆ ಹೆಸರುವಸಿಯಾಗಿರುವ ವಿದರ್ಭ ಪ್ರದೇಶದ 4-5 ಹಳ್ಳಿಗಳು ಮಿಡತೆಗಳ ಆಕ್ರಮಣಕ್ಕೆ ಒಳಗಾಗಿವೆ ಎಂದು ಪ್ರಾಥಮಿಕ ವರದಿಗಳು ತಿಳಿಸುತ್ತಿವೆ.

"ಮರುಭೂಮಿ ಮಿಡತೆಗಳ ಸಮೂಹವು ಅಮರಾವತಿ ಜಿಲ್ಲೆಯಿಂದ ರಾಜ್ಯವನ್ನು ಪ್ರವೇಶಿಸಿವೆ. ಬಳಿಕ ಅವುಗಳು ವಾರ್ಧಾಗೆ ಹೋಗಿದ್ದು, ಈಗ ನಾಗಪುರ ಕಟೋಲ್ ತಹಸಿಲ್‌ನಲ್ಲಿದೆ." ಎಂದು ಕೃಷಿ ಜಂಟಿ ನಿರ್ದೇಶಕ ರವೀಂದ್ರ ಭೋಸಲೆ ಹೇಳಿದ್ದಾರೆ.