ದೆಹಲಿಯ 3 ಹೋಟೆಲ್‌ಗಳಲ್ಲಿ ಪೇ& ಯೂಸ್ ಐಸೋಲೇಷನ್ ಸೌಲಭ್ಯ: ಸಿಎಂ ಕೇಜ್ರಿವಾಲ್

ಕೊರೊನಾ ವೈರಸ್ ಹರಡುವ ಭೀತಿ ಹಿನ್ನೆಲೆ ದೆಹಲಿ ಸರ್ಕಾರ ವಿಮಾನ ನಿಲ್ದಾಣದ ಸಮೀಪದ ಏರೋಸಿಟಿಯಲ್ಲಿರುವ ಮೂರು ಪ್ರಮುಖ ಹೋಟೆಲ್‌ಗಳಲ್ಲಿ ಪೇ ಅಂಡ್​ ಯೂಸ್ ಐಸೋಲೇಷನ್ ಸೌಲಭ್ಯ ಒದಗಿಸುತ್ತಿದೆ ಎಂದು ದೆಹಲಿ ಸಿಎಂ ಕೇಜ್ರಿವಾಲ್ ತಿಳಿಸಿದ್ದಾರೆ.

ನವದೆಹಲಿ: ಕೊರೊನಾ ವೈರಸ್ ಹರಡುವ ಭೀತಿಯ ಮಧ್ಯೆ ಜನರಿಗೆ ವಿಮಾನ ನಿಲ್ದಾಣದ ಸಮೀಪದ ಏರೋಸಿಟಿಯಲ್ಲಿ ಮೂರು ಪ್ರಮುಖ ಹೋಟೆಲ್‌ಗಳಲ್ಲಿ ಪೇ ಅಂಡ್​ ಯೂಸ್ ಐಸೋಲೇಷನ್ ಸೌಲಭ್ಯ ಒದಗಿಸುವುದಾಗಿ ದೆಹಲಿ ಸರ್ಕಾರ ತಿಳಿಸಿದೆ.

ಸಾರ್ವಜನಿಕ ಸಂಪರ್ಕವನ್ನು ತಡೆಯಲು ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ಇರುವ ರೆಡ್‌ಫಾಕ್ಸ್, ಐಬಿಐಎಸ್ ಮತ್ತು ಲೆಮನ್​ ಟ್ರಿ ಎಂಬ ಮೂರು ಹೋಟೆಲ್‌ಗಳಲ್ಲಿ ಪೇ ಅಂಡ್​ ಯೂಸ್ ಐಸೋಲೇಷನ್ ಸೌಲಭ್ಯವನ್ನು ಒದಗಿಸಲಾಗುವುದು ಎಂದು ಸಿಎಂ ಕೇಜ್ರಿವಾಲ್ ಮಾಹಿತಿ ನೀಡಿದ್ದಾರೆ. ಕೊರೊನಾ ಸೋಂಕಿತರು ಈ ಹೋಟೆಲ್​ಗಳಲ್ಲಿ ಹಣ ಪಾವತಿಸಿ ಇಲ್ಲಿ ಪಾಥಮಿಕ ಚಿಕಿತ್ಸೆ ಪಡೆಯಬಹುದಾಗಿದೆ.

ವಿದೇಶದಿಂದ ಬರುವ ಅನೇಕ ಜನರಿಗೆ ಉನ್ನತ ಮಟ್ಟದ ಸೌಲಭ್ಯಗಳು ಬೇಕಾಗುತ್ತವೆ. ಈ ನಿಟ್ಟಿನಲ್ಲಿ ದೆಹಲಿ ಸರ್ಕಾರ ವಿಮಾನ ನಿಲ್ದಾಣದ ಸಮೀಪವಿರುವ ಮೂರು ಹೋಟೆಲ್‌ಗಳಲ್ಲಿ ಈ ಉದ್ದೇಶಕ್ಕಾಗಿ 182 ಕೊಠಡಿಗಳನ್ನು ನಿಗದಿತ ಬೆಲೆಗೆ ಕಾಯ್ದಿರಿಸುವಂತೆ ತಿಳಿಸಿದೆ.